MATAYO 13:54 - Bibilia Kui Mdedie fo Kimochi

⁵⁴ Kacha na kulya mṟinyi kundu awukye. Kawaloshia kulya mba kundo wekumbuhananyia. Wakatana wawa mkahai. Wakahamba, “A mndu-chu kundu awutye wurango-wu na mawuto-ho ha finya nku?

MATAYO 13:54 ပူးပေါင်းရင်းမြစ်များ

SHIIMBO SHA DAWIDI 22:22

Njechionguo rina lyapfo ko wanawawama wako, Makidi hawi ha kisanzyo njechikuṟumisha.

MATAYO 2:23

Kacha ilaa kulya mṟinyi fo Nasareti, kundu kuhoye kilya ki-kidede kui dumbu lya mwikimbi, ke nyi echilaho nyi Mnasarayo.

MATAYO 4:23

Nao kawa moida-ida kulya Galilaya kose kelosha kulya sinagogenyi tsawo, na yonguo mbonyi tsa sia tsa wumangi, na ichiṟa orio ndaaṟe tsose na wufari wose wui ipfo wandunyi.

MATAYO 7:28

Yesu ammaa ideda madedo-ha, mamwingi fulya fo wandu fuwekeri-ho fukawuko nyi madima kifa kya mloshie fulya foke, chando aweilosha.

LUKA 2:47

Na walya wemadanyia wakatiri mnu wose kipfa kya wuṟango wulya woke na mahaluyenyi hake.

YOHANE 1:11

O nyi alecha na orukenyi loke amonyi na iwo wai wake ma walamwambye.

MAWUTO HA WASU 13:46

Paulo na Barnaba wakadeda na wukahari wakahamba, “Nyi kiwei ke nyi kiwari idedo lya Ruwa likembooka yongoyo konu. Kya indi kyamba molitangaluya kuleshe na idumbuo modumbuo kyanu muwenyi ke mulasumhanye moo fu fo mlungana, ambuyenyi aiwa luhalukya wa mbaṟi njihenu.

MAWUTO HA WASU 4:13

Kyasia wekiwona wuṟamtsu wo Petro na Yohane na imanya ke nyi wai wandu walai waloshe wo ilosho wakatiṟi mnu, wakawamanya ke nyi wawekeri kimu na Yesu.

1SAMWELI 10:11

Wandu waweichi Sauli ipfo mawookionyi, wekimmbona kechihamba kisuku, wakawesana, “Nki ki kyawada mana o Kishi Ngesa, nao Sauli na umu o waikimbi.”