MATAYO 13:44 - Bibilia Kui Mdedie fo Kimochi

⁴⁴ “Wumangi wo ruwehu nyi wufananyi na kisa kya shindo sha wuitoṟi kiwei kiṟike wanda demenyi Mndu kakiwona kahenda kakiṟika. Nao lyandi awodo nyi sia kahenda kumba shilya awode shose piu, kacha ihuṟa dema lilya.”

MATAYO 13:44 ပူးပေါင်းရင်းမြစ်များ

YOBU 28:13

Mndu aichi wuhuru woke-pfo, ma yekewono kiidi kya oruka lo wai na moo pfo.

MFANANO 16:16

Chi nanga iwada wuṟango kota sahapu? Ee da, nanga isambuṟa imanya kota fesa.

MFANANO 17:16

Nyi cha kiki tondo iwada fesa kuwokonyi koke tsehuṟa Wuṟango, kokoya alawode mrima fomanya?

MFANANO 18:1

Molekana na wodoe naishiha mbonyi tsake amonyi; Nekelimbana na orio iwawaso licha.

MFANANO 23:23

Huṟa lohi, ma kulaikumbe; Ee da! Wuṟango na kiloshyo na wulaanyi.

YESAYA 55:1

“Kyasia orio mndu awodo nyi nyoda njonyi mṟingenyi, na ulya alawode fesa; njonyi huṟenyi mlye; Ee da, nchonyi huṟenyi mvinyo na maruwa, kulawode fesa ma sahabu.

MATAYO 13:24

Kawuya kawaloṟa mbonyi tsingi tsa mfanano kahamba, “Wumangi wo ruwehu nyi wufananyi na mndu alekumba mbeu njicha ipfo demehu lyake.

MATAYO 13:46

Kyasia amewona lulu imu iwode mnu wuhuru wung'anyi, kahenda, kakumba shilya awode shose, kacha kaihuṟa.”

MATAYO 13:47

“Kingi-se wumangi wo ruwehu nyi wufananyi na kindo kyedeha makunga kyeolotso alya ipalyipalyinyi kikadeha orio mbaṟi yose.

MATAYO 19:21

Yesu kambia, “Kokunda uwe mndu moholotsya shose kehenda kumba shilya uwode ushiinenge wandu wakiwa naho ochiwada kisa kya shindo shifoi ipfo ruwe hu. Komeidima uche oshana na inyi.”

MATAYO 19:27

Nalyo Petro kahaluo kambia, “Ambuya so nyi ludeye shindo shose lukakwituma iya numaa-pfo kyadu lochiwona-ho nyi kiki-wo?”

MATAYO 19:29

Na orio mndu ose ma oku ma oku ichu adeye ma wana wamae ma washiki wake ma ndee ma mae ma wana ma mhunda ma mba kikawa nyi kipfa kya rina lyako inyi orio kindo adee naweengeṟyo shipfoi naweoṟa na moo fokaa mlungana.

MATAYO 6:21

Kundu handu uṟikie kisa kyapfo, na mrima fuwekaa-ho.”

LUKA 14:33

Nyi wudo-ng'u na orio umu onu, echiidima iwa mloshe oko, alawooka ikuletsana na shilya awodepfo.”

YOHANE 6:35

Yesu kawawia, “Nyio inyi njikeri mkate fu fo moo. Mndu akuchea na koko akiwado-se nyi njaapfo, na mndu awa monjiidikya nakirohyo-se nyi nyoda ma indipfo.

WAROMA 15:4

Kyamba shilya shileṟehyo mbooko nyi shilemmaa iṟehyo shelulosha-so, kundu lukuwutye ikaa lochikusihya ipfo kundo mṟeho-yo ihambye ikukarishya lya waidiki wa kacha yechiluwihiṟya nalyo moo.

WAKOLOSE 2:3

Ipfo koke shisa sha wuṟango na wulaanyi shii shiṟike-pfo shose.

WAKOLOSE 3:16

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu.

WAEBRANIA 10:34

Kyamba nanyo muleichio wapfunge walya wukiwa, na iliindi mulesoko masaa hanu nyi mulekukarishya muwekaa na sia, kipfa muweichi ke nyi muwode mkae fungi fui mcha fochikaa.

OTAMBAHALUO LO YOHANE 3:18

Ngakuikimba, kunda ihuṟa koko sahabu inlangishe-langishe modonyi kundu uwe msuṟi lohi. Nohuṟe, na mṟae iya mwiili, ukushikye nayo, kundu kulawono wusutsu wo kiṟanguo kyapfo. Huṟa-da na mafuda mecha heshiia meso hapfo kundu uhende yambuo.