MATAYO 13:23 - Bibilia Kui Mdedie fo Kimochi

²³ Kya indi ichu a-mbaaye ipfo terinyi njicha nyio ichu echiadanya idedo-lyo na ilimanya naho kahenda ikumbya kilimu. Ichu umu kawika ihana, na ichu ungi makumi haṟandaṟu, na ichu ungi makumi haṟaṟu.”

MATAYO 13:23 ပူးပေါင်းရင်းမြစ်များ

EZEKIELI 18:31

Denyi mawuto hanu hose mawicho muwenjinyamaṟie, kuṟikenyi nguo njicha na mrima iyo mba ya Israeli, nkili mukundi ipfa?

EZEKIELI 36:26

Kyamba nyi njihenda imwinenga ngoo njihya, njiwewika mumuyo mhya kiidi kyanu. Kyamba njihenda iwuta mrima muumu cha iho kiidi kyanu, njiwemuomoya mrima fo wuindi.

MATAYO 12:33

“Kokoya mowaya mdi fo ndunda njicha, na ndunda na njicha mochiwona. Anu mkawaya mdi fo ndunda njiporu, kyasia na ndunda tsafo na njiporu. Cha kipfa orio ikidi nyi lyechimanyika kui ndunda-tso tsalyo.

MATAYO 13:8

Kya indi tsingi tsikaoloka ifo terinyi njicha. Tsikakumbya kilimu. Iya imu ikakumbaya ihana, iya ingi makumi haṟandaṟu, na iya ingi nyi makumi haṟaṟu.

MATAYO 3:10

A-lilya soka li-iwike tsindenyi ya ikidi, orio ikidi lyada lilakumbia ndunda, na lyi manyo lyikumbo modonyi.

MATAYO 3:8

Kekusumuhantsyenyi-ng'u mbuka njicha tsedumbuya!

MARIKO 10:15

Nyi kya lohi ngambia. Mndu ada alaambya wumangi wo Ruwa ai cha kimana, echiida naho-pfo.”

MARIKO 4:20

Kyaindi wengi nyi cha tsilya tsinjiwaye terinyi njicha. Nyi iwo wekeadanyia idedo lyo na iidikya wakakumbya ndunda; wengi makumi haṟaṟu, na wengi makumi haṟandaṟu na wengi ihana.”

LUKA 13:9

Kulako fochiwika dunda numa; fulawike, nofumanye-ng'u.’”

LUKA 8:15

Indi tsilya tsa terinyi njicha, nyi iwo wekeicho idedo lilya, wakaliwada na ngoo njilalutsu wakakumbia ndunda na itirisia.”

LUKA 8:8

Na tsingi tsikaoloka terinyi njicha tsikado tsikang'ana, makumbienyi hatso, imu ikakumbia ihana.” Kekiidima ihamba ado kadeda na ṟu ling'anyi kahamba “Ichu ai na madu heicho naicho!”

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 8:47

Ichu apaṟikye ko Ruwa o nekeadanya madedo ha Ruwa. Nanyo muinjiadanyiapfo kipfa nyo chi wana wa Ruwapfo.”

MAWUTO HA WASU 16:14

Mka umu ewio rina lyake nyi Lidia ai mka mokumba nguo tsa king'aring'ari ai o kikunyi kya Tiatira aowoye Ruwa kaluadanya. Nao Mndumii kamtambaṟwo ngoo naringe necha madedo halya hechidedo nyi Paulo.

MAWUTO HA WASU 17:11

Nawo wandu wa nyi wawei na sonu kota walya wa Tesalonyikye, nyi waleambya idedo na wulalutsu wose wakawa wesumasuma ipfo mṟehonyi mfiri yose kundu wawone koka shindo sho nyi wudo shii lohi.

2 WAKORINTO 9:10

Na ichu moinenga ichu mowaya mbeu moinengya mkate fuwe shelya echimuinenga mbeu na itsipfumbutsa na ifoeṟa echifeṟa maalutso ha wuhoṟotsu wonu.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 4:17

Chi njiipfula kitarama inyipfo, kya indi njiipfula mwengeṟya fuhendetalio fonu.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

2WATESALONYIKYE 2:10

Na kui mtambo yose ya ifurunja wuhoṟotsu yechilemba iwa wai-wadetse kipfa walalekunda iambia kiilohi kilya wakiṟo.

WAEBRANIA 4:2

Kyamba naso luiwaongoye ndumi ya sia chawo. Indi idedo lilya waleliicho lilewaekya kindopfo kipfa yadanya lyawo lilawelungyo mwidikye.

WAEBRANIA 6:7

Kyamba teri iya yechionga mvuo yekeikapa kafoi ikadosa mboha yechihiṟa iwa ikeri idemyo kyawo nyiyo yaonyisho nyi Ruwa.

WAEBRANIA 8:10

Na owiko, Mndumii ahambie, ilu njechiwikya mba ii ya Israeli ili indi mkonu iya yamesia lukeriludi; ke njechihomoya njowawaso tsako ipfo mhienyi yawo njechitsiṟehya ipfo ngoonyi tsawo. Na inyi njechiwawiia Ruwa nawo wechinjiwia mkambo.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.