MATAYO 13:22 - Bibilia Kui Mdedie fo Kimochi

²² Na ichu a mbaaye kiidi kya msha nyio ichu echiadanya idedo-lyo. Kukakaa-pfo mawina ha kunu orukenyi na wulembi wolembo nyi masaa shikapfumba idedo-lyo lilakikumbye-se kilimu.

MATAYO 13:22 ပူးပေါင်းရင်းမြစ်များ

SHIIMBO SHA DAWIDI 52:7

Ate! Ichu nyi mndu ulya, alekeidikia ke Ruwa nyi pfinya tsake. Alekusiria mfoeṟa fo masaa hake, na ikuhaluo mkari kya mawicho hake.

SHIIMBO SHA DAWIDI 62:10

Mulakusirie mbaka, manya mulakushelie isoka wandu; masaa hakapfumbuka mulahaambuye mnu, na iwika mrimenyi.

MFANANO 11:28

Ichu mokusirya masaa hake nechioloka; mndu o wusumhanyi nechileheka cha iṟa.

MFANANO 23:5

Ngesa nochituluya meso shilya shilai kindo? Kipfa kui kii lohi masaa hechiwada makungo, Cha owishi luirunduka nginehu.

KOHELETI 4:8

Kuwode mndu ai amonyi, awode o kawi pfo, awode mana ma manomae pfo; na wusuṟi woke wuwode mtsitsiopfo, meso hake haihuda wusuṟi-pfo. Naho kahamba nyi kipfa kya iki njiṟunda, na ikuima shicha? Isho nasho nyi maai na wukiwa wung'anyi.

YEREMIA 4:3

Nyi wudi Mndumii awia wandu wa Yuda na Yerusalemu: “Henda demenyi shahu shanu, ma mulawaaye mshenyi.

MATAYO 12:32

Na mndu echideda dedo kya isuana na Manomndu nechihoṟyo kyakyo. Kya indi mndu echideda dedo kya isuana na Mumuyo Mwele nechihoṟyo kyalyopfo ma ili akeri kunu wuyana wu, ma kashika wulya wochikaa wuche.’”

MATAYO 13:39

Na mkituwa aletsiwaya nyi Satana. Na ili masanyonyi nyi iya masiyonyi ha wuyana. Na iwo wesana nyi wasu wa Ruwa.

MATAYO 13:40

Nahong'u chando mambuṟo hekesanyo na ihenda ikoṟo na modo na ili kochishika iya masiyonyi ha wuyana kiwe nyi wudong'u.

MATAYO 13:7

Kya indi tsingi tsikaoloka kiidi kya msha. Na msha iya ikado ikatsipfumba.

LUKA 12:15

Nao kawawia, “Ambuyenyi, mukuṟise lango tsa shindo ma tsida ma tsida, cha kipfa mfeeṟa fo mndu fochiidima imnenga natawulye moo na shindo-sho awodepfo.”

LUKA 12:21

Nyi wudo kyechiwutikia ichu mokusanyia shindo indi alasuṟie ko Ruwa.”

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

LUKA 8:14

Na tsilya tsiolokie mshenyi nyi iwo wekeadanyia idedo, wakahenda ishingio nyi makusaṟo ha wukiwa na masaa na malango ha moo-fu, walakikumbie ndunda.

MAWUTO HA WASU 8:18

Na Simon kekiwona ke wandu nyi wainengo Mumuyo Mwele kui ihekyo mawoko ha wasu kawaendie fesa.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

1 WAKORINTO 1:20

Mndu mṟango nyi ku aya? Mndu mlaanyi o shitapu nyi ku aya? Mndu mwiichi motambahanya njo-pfundo tsa mandi ha nyi ku-aya?

1 WAKORINTO 2:6

Sha wuṟango na lushiwode sheongoya walya wai waholoki, indi wuṟango wu wulai wo maindi ha ki-wulalu manya wo waitoṟi wa ki-wulalu ki kyerumara.

1 WAKORINTO 2:8

Kyawo waitoṟi wa maindi ha ki-wulalu walawewuichi ma umu-ho. Cha kipfa nokoe wawewuichi wawechiwambya Mndumii menyi wuitori msalabenyipfo.

1 WAKORINTO 3:18

Kulakae-pfo echikulemba amonyi. Kokoya kwiipfo konu akuwona amonyi ke aa mṟango na maindi ha kiwulalu, nakuwiie tondo nakuwutie-ho ihenda ṟanguo.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

1TIMOTEO 6:17

Iiwa wawode masaa hafoi maheri ha kiwulalu uwawawasie ke walakusaṟe kyekaa mdonyi, ma walakusirie na wusuṟi wo masaa wokeweṟuka weṟu indi na Ruwa ichu aluinengye shose kui nguka shelisiṟa moo.

2TIMOTEO 4:10

Kyamba Demasi alenjida amhenda ikunda wuyana wu wo kiwulalu kahenda Tesalonyikye. Kiresike alehenda Galatia. Tito kawehenda Dalmatia.