MATAYO 12:41 - Bibilia Kui Mdedie fo Kimochi

⁴¹ Nyi wandu wa kulya Niniwe wechikaa wahoṟoke alya kya moondu fofurumya kyanduyonyi handu hamu na mbaṟi i ya wandu waweiwutya owingo kipfa lyandi waledumbuya weongoyo nyi Yona. Na iki kii iya nyikinene kikaida Yona.

MATAYO 12:41 ပူးပေါင်းရင်းမြစ်များ

YESAYA 54:17

Orio kisha kechiteseheṟo huye yapfo kechiawukia-pfo, na orio olimi lochideda kyapfo nochiluanduya madeko. Iki nyi kyooṟa kya waṟundi wa Ruwa, na wusumhanyi wuwukie koko inyi, nyi wudo Mndumii ahamba.”

YEREMIA 3:11

Mndumii kanjiwia, “Israeli ai mdeko nakuloṟa ke nawode wusumhanyi kota Yuda menyi mtambo.

YONA 1:2

Kure nohende Niniwe, mṟi fulya fung'anyi, nofupoṟohoṟie na pfinya, kochiwawasa; kipfa madeko hawo na wunyamaṟi wowo woshika oshangunyi loko.

YONA 3:4

Yona kawoka iida na kulya mṟinyi mfiri fumu mfi, kakoṟoṟoma kechihamba, “Kukamsia mfiri makumi haana Niniwe fochirumatso.”

MATAYO 12:39

Nao kahalwo kawawia, “Mbaṟi-i ya wandu i mbicho idahye na iṟuhuya nyi ipfula kiṟingishyo. Nayo ma yechinengyo kiṟingishyopfo chila na kiṟingishyo kya mwikimbi Yona.

MATAYO 12:42

Nyi mangi mka ulya awukye kulya kya ora lo nuka echikaa nahoṟoke alya kyanduyonyi kya mondu fofurumya, nahoṟoke-pfo handu hamu na mbaṟi i ya wandu naweiwutya na owingo, kipfa lilyaindi alecha awuka kishingonyi kya oruka, nache yadanya wuṟango wo Solomon. Na iya kuiho ang'anyie Solomon.”

MATAYO 12:45

Nalyo fukahenda fukaonduo mṟufu mbicho ingi mfungade i mbicho ikafuida fo fumenyi fukacha fuirie, ikasamya-ho ikakaa-ho. Naho mbonyi tsefurumya tsa mndu ulya tsikawa nyi mbicho kota na tsa kuwoka. Na mbaṟi i ya wandu i mbicho ido kyayo na wudo yehenda.’”

MATAYO 12:6

Kya indi ngambia, ‘Ke iya na hawode ang'anyie hekalu.’

MATAYO 16:4

Mbaṟi i ya wandu ii mbicho idahye na wameluki nyi ishiha kiṟingishio. Nayo ma yechiinengo kiṟingishioyo, chi kokoya nyi kiṟingishio kya Yona.’” Nalyo kawada-ho kahenda.

MATAYO 17:17

Yesu kahaluo kahamba, “Mui mbaṟi ya wandu ilawode iidikya muhendye na mkika, akashika njekaa nanyo njishike indi? A njimduo njishike indi? Mendenyi na handu njii!”

MATAYO 23:36

Nyi kya lohi ngambia, ‘Ikyo kyose nyi kekaa kiche huye ya rika-li lya wandu.’”

LUKA 11:32

Wandu walya wa Nyinyiwe nyi wechikaa wahoṟoke mondunyi hamu na kishari-ki, wakiwinge; kipfa mrima yawo iletau ikamanya mwongye fo Yona, na kya ngoseṟa kota Yona aiki!”

YOHANE 3:31

“Ichu acheye awukye huye nyio mnene o wose. Ichu apaṟikye kunu wuyana kawewa na o kunu wuyana kuwededa shii sha wuyana. Indi ichu achee awukye ruwehu o akeri mnene o wose.

YOHANE 4:12

Alae iyo ui mnene koida mku ulya odu Yakobo? Nyio aleluenenga ṟungu ili. Nao nyi alewa monyo-pfo mṟinga o amonyi na wana wake na shuma shake nasho.”

WAROMA 2:27

Na ichu moawutsya uwawaso alai-mdine nyame-hu nyi echikuwonya owingo iyo owa motahachya wuwawaso na ukukerye na mṟeho fulya na odino ma chandu walai wadine.

WAEBRANIA 11:7

Nyi wuidiki wuleenenga Noe amepeesuyo shindo shilawendewoneka kawa mwikimbe esungusia sanduku lilya ling'anyi liwe kyekiṟa wa mba yake kawewonya na mweke fowo wuyana wu owingo kaweioṟa wusumhanyi wuoshanyi na wuidiki.