MATAYO 12:28 - Bibilia Kui Mdedie fo Kimochi

²⁸ Na inyi kokoya nyi Mumuyo o Ruwa njefuna nao mṟufu mbicho, aiwung'u wumangi wo Ruwa womidima imuchea.

MATAYO 12:28 ပူးပေါင်းရင်းမြစ်များ

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

MATAYO 12:18

“A ichu msoṟo oko ndesambuṟa, a mkunde nyi inyi, ichu mrima foko fu mchihie nyio. Njechimbikya Mumuyo oko nakae huye yake nao nahende ongoya wandu wa masangenyi mbonyi tsa wusumuhanyi.

MATAYO 12:29

Ang'u ipfo mba ko mapfinya, nyii wuda mndu echida napfo na iduo-pfo nzohoṟa tsake na pfinya, kulawode nyi echiwoka ipfunga mafinya cho? Lyondi echiiduo shindo sha kulya mba koke.

MATAYO 21:31

A walya wawi ichu awekeri-ho kewuta shechihia ndee nyi uhya ngesa? Wakahamba, ‘Nyi ulya mosongoru.’ Yesu kawawia, Nyi kya lohi ngambia, ‘Wesana okamba nyi wechishika ipfo wumanginyi wo Ruwa na waka wameluki wamsongoe nyo.

MATAYO 21:43

Kyasia-ng'u kyamba nyi wudo kii na inyi ngambia, ‘Wumangi wo Ruwa nyi wochikaa wuwuto kunu konu na inengyo oruka lochikumbya ndunda tsawo.’ [

MATAYO 4:24

Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

MATAYO 6:33

Kyaindi songuonyi ilalakia wumangi wo Ruwa na wusumuhanyi wowo, na shingi nyi mochiinengo cha shannga.

MARIKO 1:15

Kahamba, “Ke kiheri kyamcha, na wumangi wo Ruwa womeafukya kufui. Kedumbuyenyi mbeidikya Mbonyi tso Njicha.”

MARIKO 11:10

Kuwewona ona na wumangi wo ndee yadu Dawidi, ili wuicha! Ruwa naṟumisho kulya huye ruwehu!”

MARIKO 16:17

Na shiṟingishyo sheimya iwo waidikye nyi shikeri shii-le, nyi kui rina lyako wefuna nalyo waṟufu wawicho, na ideda kui mdedie mhya.

LUKA 10:11

‘Ma kiluli-kyo kya ipfo mṟinyii fonu kikuwode kunu madende kodu, nyi lochimuangatsia, kyaindi manyienyi, wumangi wo Ruwa womcha hafui!’

LUKA 11:20

Indi kokooya nyi kimnyo kya Ruwa njekefuna nakyo waṟufu wawicho, nyi wudo-ng'u wumangi wo Ruwa wucheye na konu.

LUKA 16:16

Mbonyi tsa wuwawaso na tsa waikimbi nyi tsileedio itane Yohane acha, na kiwokia-lyo nyi kokeongoyo mbonyi njicha tsa wumangi wo Ruwa, na orio mndu nyiekepario-pfo na pfinya.

LUKA 9:2

Kawaduma wahende yonguo wumangi wo Ruwa na ichiṟa wandu waluo.

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

WAROMA 14:17

Kyamba Wumangi wo Ruwa chi wukeri mlie na mnyoepfo, kya indi nyi wukeri wuhoṟotsu na ofoṟo na wukesi wokuṟamkya-ho kui Mumuyo Mwele.

WAKOLOSE 1:13

Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde.

WAEBRANIA 12:28

Nakyo kienenge so ili luiambya wumangi wulechiteshuka luwike-pfo mwaano lochipfuṟukanya nafo Ruwa kyemchihiṟa luwodo nyi wuindi na wuowu.

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.