MATAYO 12:18 - Bibilia Kui Mdedie fo Kimochi

¹⁸ “A ichu msoṟo oko ndesambuṟa, a mkunde nyi inyi, ichu mrima foko fu mchihie nyio. Njechimbikya Mumuyo oko nakae huye yake nao nahende ongoya wandu wa masangenyi mbonyi tsa wusumuhanyi.

MATAYO 12:18 ပူးပေါင်းရင်းမြစ်များ

SHIIMBO SHA DAWIDI 89:19

Nlyondi kulewia waele wapfo kui ndodo, “Kohamba, njileinenga ai ngohoda kitarama; ngang'anyisha msa alesambuṟo kiidi kya wandu.

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

YESAYA 52:13

“Ambuya mṟundi oko nechiwuta na wuṟango, nechiṟumisho, na iirio huye, nao nechikaa huye mnu.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YESAYA 62:2

Na mkambo fo wandu fochiwona wusumhanyi wopfo na wamangi wose wechiwona kiṟumi kyapfo; na iyo nochilaho rina lihya, lyechisendo nyi dumbu lya Mndumii.

YEREMIA 16:19

Iyo Mndumii-Ruwa! Iyo nyi pfinya yako na opanga loko kopfo, nyi kidichionyi kiheri kya ngataṟa. Njoshari tsose tsa wuyana tsekuchea tsechihamba, “Waku wadu wawewode kindo pfo shila maruwa ha wongo, shindo sha mai shilawode kiira.

ZEKARIA 3:8

Wulalu adanyia iyo Yoshua mkohanyi ang'anyi hamu na wodoyo wekedamya oshangunyi koko, kipfa iwo nyi wai kichano, kipfa ambuya njechidika mṟundi oko, echilaho nyi njana.

MATAYO 12:17

Nyi kundu kushike kii kidede nyi mwikimbi Yesaya kehamba:

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

MARIKO 1:11

Ṟu likacha ruwehu likahamba, “Iyo nyi ui manoko mkunde, sa ngachihyo kyake.”

MARIKO 9:7

Kyasia ipuchi lilya likacha lyikawashikia, ṟu likacha alya kiidi kya ipuchi lyehamba, “Ichu nyi ai Mana oko mkunde, kemwadanyenyi!”

LUKA 23:35

Na wandu wakahoṟoka-ho wechiambuya. Na waitoṟi walya wakamtaluo wakahamba, “Chi alekiṟa wengi, nakekukiṟa-ng'u amonyi kokooya nyio Kristo amsambuṟe nyi Ruwa!”

LUKA 3:22

na Mumuyo Mwele kamsokia ai cha mbeta; na ṟu likawewuka kulya ruwehu likahamba, “Iyo nyi ui manoko mkunde unjichihiṟie.”

LUKA 4:18

“Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

LUKA 9:35

Kukawuka ṟu kulya ipuchinyi likahamba, “Ichu nyio manoko msambuṟe mwadanyienyi!”

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 14:27

Wekiafukya wakalaha kisanzyo kya siṟi yose wakawaongoya kilya Ruwa awutye ai nawo shose na ke nyi alepfunguya wandu wa mbaṟi njihenu mongo fo mwidikye.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAKOLOSE 1:1

Inyi Paulo njii msu o Kristo Yesu njimbike nyi Ruwa, so na Timoteo, manowama.

WAKOLOSE 1:13

Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde.

1PETRO 2:4

Nyio Mdumii muimchea ai iho lii na moo lii-lyimine nyi wandu; indi lii-isambuṟe nyi Ruwa, lii-iwikye wuindi ipfo koke.

2PETRO 1:17

Kyamba o aleambya wuindi na wuitoṟi wuwukye ko Ruwa Wande, matika halya ṟu lilemchea liche ipfo wuitoṟinyi wo huya shose likadeda lidi, “Ichu ai Manoko sa mkunde, achihianyi na inyi.”