MATAYO 11:25 - Bibilia Kui Mdedie fo Kimochi

²⁵ Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

MATAYO 11:25 ပူးပေါင်းရင်းမြစ်များ

MAWOOKIONYI 14:19

Kammbikia mboṟa, kahamba, Abramu nakewikio ona nyi Ruwa ai huye mnu, mowumba ruwehu na oruka.

MAWOOKIONYI 14:22

Abramu kawia mangi ya Sodoma, “Njileiria owoko loko ko Mndumii, Ruwa Ai huke mnu, Mowika ruwehu na oruka,

2WAMANGI 19:15

Katerewa Mndumii-Ruwa kechihamba, “Hoi Mndumii-Ruwa, Ruwa o Israeli, iyo okekaa kiidi kya loṟika lo wuitoṟi huye ya shiwike shose shiwode makungo, nyi iyo tupu ui Ruwa, uitoṟie mangi tsose tsa wuyana.

1MBONYI TSA MAHERI 29:13

Nyi lokuana na ikuichika iyo Mndumii-Ruwa odu.

YOBU 37:24

Ko ikyo wandu wose wekemwowuo; o ekesaṟa mndu oose menyi orikiki-pfo.”

SHIIMBO SHA DAWIDI 8:2

Madumbunyi ha wakoku waionga Nyi uwikie njotende tsa pfinya; Kipfa kya iwo wailimbana na iyo. Toromisha wakituwa na wetaa kiṟaache.

YESAYA 5:21

Ochia lo walya wenyi wulaanyi ipfo mesonyi hawo wawenyi, na wenyi wuṟango ipfo mahionyi hawo wawenyi.

YESAYA 66:1

Mndumii nahamba adi, “Ruwehu nyi kidi kyako kya wuitoṟi, na oruka nyi handu hako heleṟia madende hako; mochinjiwikia mba njiki? Handu hako hesia moo hai hanga?”

DANIELI 2:23

Ngakuana na ikuadapfuma, Iyo o waku wadu, ulenjiinenga wuidimi na wuṟango, konjiloṟa shilya luwekundi kopfo, kipfa kyakuchihiya injiloṟa idedo lilya lya mangi.”

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 21:16

Wakahamba, “Na omeicho kindo iwa waihamba?” Yesu kawawia, “Ee, a mlasomye ke nyi madumbunyi ha shiwana na wakoku hoondo kukusungusie-ho kiṟumi kyafo keṟumisho?”

LUKA 22:42

“Hoi Wande, kokukundia, njiashuo kirahu-ki, kyaindi kilahendeke channdo inyi njikundi, shile chando ukundi iyo.” [

LUKA 23:34

Na Yesu kahamba, “Hoi Wande uwahooṟie, kipfa iki waiwuta wakiichipfo.” Na nguwo tsilya tsake wakatsihawa wechikapa natso kuṟu kuhya.

YOHANE 11:41

Nalyo wakairaho iho lilya. Na Yesu kairya meso huye ruwehu kahamba, “Hoi Wande, ngakuana ili okenjiadanya.

YOHANE 12:27

“Wulalu mrima foko fotautau, na inyi njihambe njida? ‘Ngesa njihambe,’ Hoi Wande, njiletsa na saa ii ikeri-ho? Kya indi kimaduma ngakoya saa ii nyikyo ikyo.

YOHANE 12:28

Hoi Wande, kunda ung'anyishe rina lyapfo iyo.” Nalyo ṟu likaichio liwuka ipfo ruwehu lyechihamba, “Ngameling'anyisha na lingi-se njechilinganyisha-da.”

MAWUTO HA WASU 17:24

Ruwa chu awikye wuyana wu na shindo shose shikeri-ho o ili ai Mndumii menyi ruwehu na wanda ii nechekeku kaya mahekalunyi haa mawike na mawokopfo.

1 WAKORINTO 2:10

Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

2 WAKORINTO 3:14

Kya indi mhie yawo ii mumiṟe. Kyamba shika mkonu fo inu kishikya kilya kikaa kikuwodye-ho orio kundo wekesomyo mkundano fulya mku fulawakutambahalukye ke nyi fuimbute-ho nyi Kristo.

1SAMWELI 2:18

Kiheri kyo, Samweli kaengeṟa iṟundia Mndumii-Ruwa, kyechiṟaa kizibau kya kitani.