MATAYO 11:23 - Bibilia Kui Mdedie fo Kimochi

²³ Na iyo Kapernaumu, chi kuwemdosye kokoya ruvehu? Nyi ochikaa noolotso ushike Gehena. Kipfa kulya Sodoma nokoye nyi kulewutika-ho shindo sha kiṟiha cha isho shiwutikye kidi kyapfo, na mṟi fulya nokoe fuledeo-pfo fushike mfiri fo inu.

MATAYO 11:23 ပူးပေါင်းရင်းမြစ်များ

MAWOOKIONYI 13:13

Kyaindi wandu wa Sodoma wawei wawicho, wenyamaṟia mnu Mndumii.

SHILIO 2:1

Ambuya nyashi ya Mndumii-Ruwa, nyi ilewika wandu wa Sioni memenyi. Kiṟumi kya Israeli nyi alekiolotsa wanda. Mkonu fulya fo nyashi yake nyi alewihitsa hekalu lilya lyake.

EZEKIELI 26:20

Ambuya njikeri ihenda ikusoṟowitsa ṟungunyi uhende ilungana na walya wakeripfo, walya wawekeri wuyanenyi ili mboko, nochihenda ikaapfo ukeri msami mlungana kyamba kulawode mndu echikaa se orukenyi lopfo manya ochiidima iwada dembo kiidi kya wandu wai na moo mlungana.

EZEKIELI 31:14

Iki nyi kilewutika kudo kundu orio ikidi likeri handu kuwode mṟinga lilaleyese na ikuiria huye ya mapuchi. Ikidi lyose lyekenoso lilakoyese wuleshi wo mbaṟi yo; kyamba mtsitsionyi fo orio kindo nyi opfu, manya wandu nawo; wose nyi wechisokia handu ha wapfu.

EZEKIELI 32:18

“Iyo mndu! Henda ichio makulili wandu wo wafoi wa Misri, waduo mṟasa ko wapfu handu hamu na wandu wa mkambo ifoi iwode pfinya wahende hamu nawo wakeri ihenda ko wapfu.

EZEKIELI 32:24

“Waelamu nyi na ipfo ipfo wakeri, nawo nyi wawatengetie nyi shipfu sha mbahanyi tsawo tsilepfia shidenyi. Iwa wose walawadine nyi walesokia ko wapfu. Kiheri kyo wawei na moo nyi waweoweshie mnu mamiingi fo wandu. Kyaindi wulalu wakeri iiṟeenze hamu naiwo wasokie ko wapfu.

OBADIA 1:4

Manya kowedo huye cha mbeṟo, Manya kokoya sungu yapfo iwei kiidi kya nyenyeri, Njechikusotsa uwuke ho; nyi wudo Mndumii ahamba.

MATAYO 10:15

Na kya lohi ngambia, kilya kya oruka lo Sodoma na Gomora nyi kyechyiangwo ili mfiri fo mondu kota kya mṟifo.”

MATAYO 16:18

Kyasia na inyi ngakuwia, “Iyo nyi Petro (mndu ai iho) na iho nyilyo njechilihekya siṟi yako. Nayo na shichumi sha Gehena shechiidima ifoyapfo.

MATAYO 17:24

Kyasia ili washika kulya Kapernaumu, nalyo walya wesana shilingi iya ya okamba lo hekalu wakachea Petro wakahamba, “Alae mlosha onu nekelekya shilingi ya okamba lo hekalu ngesa?”

MATAYO 4:13

Kawuka kulya Nasareti, kahenda kulya Kapernaumu, nyi kundu ko mawambao ha ipalyipalyi, kulya shihongonyi sha Sebulon na Naftali.

MATAYO 8:5

Kyasia amiida na kulya Kapernaumu, kukacha napfo mchili mnene o siṟi ya wasikari ihana.

LUKA 10:15

Na iyo Kapernaumu chi uweei mdose kokooya ruwehu? Nyi ochikaa noolotso noshike kulya kundu ko wapfu.

LUKA 14:11

Chakipfa orio mokudosa amonyi nyi echisotso, na mokusotsa nyi echidoso.”

LUKA 16:23

Msuṟi ulya akeri kulya kundu ko wapfu mawukiwenyi, kairia meso kawona Abrahamu kuleshe, na Lasaro ai ipfo nndenyi tsake.

LUKA 4:23

Kawawia, “Kulako nyi mui injikaṟwo mhambye-fo fokehambo ke, Mhanga kekukiṟe-wo kumonyi. Ke shindo shilya shiwutikie kulya Kapernaumu lukashiicho, keweshiwutie na iya orukenyi lo kikunyi kyapfo.”

MAWUTO HA WASU 2:27

Ke ochilekya moo foko fukae fuu mshinge kulya shipfo, manya ochida mwele opfo nakoye inyamaṟikapfo.

MAWUTO HA WASU 2:31

Mpfondo alekuwutya-ho iwona kilya kirie iwa kadeda kya maṟukyenyi ha Kristo ke alechideo kulya shi ma mbihu foke fochipuopfo.

YUDA 1:7

Kumbuonyi chando Sodoma na Gomora, na mṟi iweṟasanyi nayo; iwefananyi na wasu walya kui uṟuhui na wulala na mbonyi tsilawaṟi mbihunyi na yala mbihu ya wahenu yo ii-mbike-ho kitaanyo kya wudeheli wuende modo fulechirumika, wuwe wuikimbi ko wandu wose.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.

OTAMBAHALUO LO YOHANE 11:8

Na mnying'a yawo yechideo pate-hu lya mṟi fulya fung'anyi fokesendo kui mfanano Sodoma ang'u Misiri, hondo na Mndumii owo alemkapyo msalabe-hu.

OTAMBAHALUO LO YOHANE 20:13

Na ipalyipalyi lyikaende wapfu walya lyiwewawode. Na opfu na mfiṟiha foshingya-ho wapfu shikaweende wapfu walya shiwewawode. Wakaanduyo kyawo orio mndu chando kimsumhanye mawuto hake.

OTAMBAHALUO LO YOHANE 6:8

Na ili njileambuo, ke-ambuya-wo aii frasi iwefanyi mpfumpfu na ichu awedamye mhongo-hu foyo rina lyake nyi opfu, na o Gehena awerianyi nao. Nawo walehenda idambikyo kienga kya kaana kya wanda ii ikuwahyaho wandu kui pfinya ya oshu na ya njaa na ya makonu na ya mando ha ngeṟenyi.