MATAYO 10:6 - Bibilia Kui Mdedie fo Kimochi

⁶ Indi mwengeṟe ihendya machondi hadekye ha mba ya Israeli.

MATAYO 10:6 ပူးပေါင်းရင်းမြစ်များ

SHIIMBO SHA DAWIDI 119:176

Njileṟaha-ṟaha cha ichondi lyiwedekie, kyewalia mṟundi opfo; kyamba njilalehadima mapfundo hapfo.

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YEREMIA 50:17

“Israeli nyi ichondi lyekeowelio na iwingio nyi mwiso. Kuwoka walerumatso nyi mangi o Ashuru na wulalu Nebukadneza mangi o Babeli nafunjafunja mafuo hake.

YEREMIA 50:6

“Wandu wako wawei machondi hadekie; walisi wako walehadekesha, wakawahaluo wambuya mafumvuhu; hakaṟahaṟa fumvu na shitoṟomoso hakahadima mfiṟiha foho.

EZEKIELI 34:16

Kii kidi machondiho hawedekie njechihenda ihapfula, na halya hakeri kiṟahioṟahionyi njechihawihiṟa na kanyi. Nyi wudo na halya hawode shifaṟe njechihawikia mdi, na halya hai mafari njechihainenga pfinya, kyaindi, machondiho manoru, hawode pfinya njechiharumatsa. Kii kidi njechihenda ilisa machondi hako chandu kiwaṟi.

EZEKIELI 34:4

Ambuya machondi halya mafafa mulehaambuyapfo, manya halya haweluo mulehaṟundiapfo, na halya hawei na shifaṟe mulehawikia mdipfo, halya haweṟahaṟaha mulehawihiṟapfo, manya halya hawedekie mulehapfulapfo. Kyaindi nyi mulewahoṟokia ko pfinya na wulang'a

EZEKIELI 34:6

Ee, machondi hako nyi halerahanyitso, hakawekuṟahiaṟahia mafumvunyi na kundu kukuirie. Machondi hako nyi halerahanyitso wuyanenyi kose, kulakaepfo mndu alekusaṟa kyaho manya ihapfula.

EZEKIELI 34:8

Kyamba Inyi Mndumii-Ruwa ai na moo, ngamulia nyamu ke nyi ngalehela ko iwona machondi hako chando halewa shelya sha mando ha ngeṟenyi, kyamba halewuṟa mlisi, kyamba walisi wako walekunda ilisa machondi hakopfo, wakawekulisiṟa wawenyi walalise machondi hako.

MATAYO 18:10

“Ambuyenyi ma mulamine iwa watutu ma ichu umu-ho. Kipfa ngambia, ‘Wasu wawo wa ipfo ruwehu nyi wailungana iwona kyamu kya Wande o ipfo rewehu. [

MATAYO 18:11

Nyi kipfa mana o mndu nyi achee nakiṟe iki kidekye.]

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

MAWUTO HA WASU 13:46

Paulo na Barnaba wakadeda na wukahari wakahamba, “Nyi kiwei ke nyi kiwari idedo lya Ruwa likembooka yongoyo konu. Kya indi kyamba molitangaluya kuleshe na idumbuo modumbuo kyanu muwenyi ke mulasumhanye moo fu fo mlungana, ambuyenyi aiwa luhalukya wa mbaṟi njihenu.

MAWUTO HA WASU 18:6

Wekilehana nao na iruma kakutakuta nguo tsake kawawia “Mondu fo samu yanu ihoye mdo yanu ii menyi. Inyi njii mharami nayo. Wokya wulalu ngaindukya mkambo ya wandu ingi.”

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

MAWUTO HA WASU 3:26

Ruwa kekimaa iṟutsa Mana chu oke alesongwo imduma konu nyo kundu namwonyishe kemletsana orio umu onu ipfo mawichonyi hake.”

1PETRO 2:25

Kyamba muwei waṟahi-ṟahi indi wulalu momekuhalukya Mlisi chu ai moambuya mrima yanu.