MATAYO 10:42 - Bibilia Kui Mdedie fo Kimochi

⁴² Na ichu echirutsa iwa watutu ya wose ma umu-ho kamrutsa na mṟinga mcheleri na kirahu kimu, kikawa nyi kya rina lya mndu o kiloshyonyi na kya lohi ngambia mndu-cho kyake kya woṟunda ma kyekaa kidekesepfo.”

MATAYO 10:42 ပူးပေါင်းရင်းမြစ်များ

1WAMANGI 17:11

Kiheri awehenda iende, kamlaha kambia, “Kenjiendie na kipeṟengu kya mkate owokonyi lopfo.”

2WAMANGI 4:10

Ngakuterewa lumsungusie kiṟiha kitutu iya mawandenyi ha mba, luwikepfo kitaṟa, na mesa na loṟika, na handu hehekia taa kamecha nakuidie na ipfo kiṟihenyi kyake.”

MFANANO 19:17

Mosaṟia mkiwa naakuya Mndumii, Nao nechimtaa kui iṟunda lyake licha.

MFANANO 24:14

Kyasia nochimanya wuṟango ke wokeloda kui mrima fopfo; Kokoya omewuwona; nkyong'u wueri wochiosha; Manya kikusiryo kyapfo kechiilachikapfo.

KOHELETI 11:1

Kumba kelya kyapfo mṟingenyi; Kipfa nochikiwona numa ya mafiri hafoi.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MATAYO 18:10

“Ambuyenyi ma mulamine iwa watutu ma ichu umu-ho. Kipfa ngambia, ‘Wasu wawo wa ipfo ruwehu nyi wailungana iwona kyamu kya Wande o ipfo rewehu. [

MATAYO 18:14

Na wudo kindo kilakikunde nyi Wande o ipfo ruwehu nyi iwa watutu kudekye-ho ma ichu umuho.’”

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

LUKA 17:2

Nanga kapfungio iho lya iseo ipfo tsingonyi kapfuluyo ipalyipalyinyi, nlyondo kiwechichia kota ili adekesha umu o watutu.

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

WAEBRANIA 6:10

Kyamba Ruwa alai mlemeshi awechihadima wina lyanu na kunda lyanu muwewonye rina lyake ili indi muweipfuṟukanya waele walya, na iwapfuṟukanya mui.