MATAYO 10:26 - Bibilia Kui Mdedie fo Kimochi

²⁶ “Kyasiang'u manya mulawone mochiwaowuo. Kipfa kwipfo kindo kii kipfinyike kide kilapfunuka numapfo, ma kindo kii kiṟike kide kilapfunuka numapfo, ma kindo kii kirike kide kilamanyikapfo.

MATAYO 10:26 ပူးပေါင်းရင်းမြစ်များ

MFANANO 10:9

Mohenda kui wusumhanyi nechihenda kipuo; Kyaindi modetsa ohendo loke nechimanyika.

MFANANO 28:1

Wawicho wekedicha walaosho nyi wandu; Wenyi wusumhanyi nyi wai wakari cha miso.

MFANANO 29:25

Iowuo wandu liendie mdeho; Indi mokusirya Mndumii nyi echikaa kipuo.

KOHELETI 12:14

Kipfa Ruwa nechianduya orio iṟunda, na orio idedo lya kiṟika, liwe licha ang'u liwicho.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 41:14

“Ulaowuo, Yakobo nyi ishinu, nanyo wandu wa Israeli, inyi njechimutarama, Mndumii ahamba, na mkiṟa opfo nyi Mwele o Israeli

YEREMIA 1:8

Kulaowuo kipfa kyawo, kipfa inyi njikeri na iyo njikukiṟe, Mndumii ahamba.”

EZEKIELI 2:6

Ko ikyo iyo mndu, ma ulawaowuo, manya madedo hawo halakuoweshe. Ma chandu mbihinu na msha shii kuṟingichia, ngoseṟa nudamie huye ya shisuwa, manya ulaowuo madedo hawo, manya ulapfio nyi mdo kipfa kya nyashi iloṟie ipfo shamunyi shawo, chakipfa wandu wa nyi wa waminyi mnu.

MATAYO 10:28

Nanyo ma mlaowuo walya wewaha mbihu kya indi mrima-fo walaidime ifuwaha. Keengeṟenyi yowuo ichu moidima idetsa na mrima na mbihu handu hamu ii iwi idekye kulya Gehena.

MARIKO 4:22

Kipfa orio kindo ki kiṟike, kyechimanyika na kindo kya moowyonyi, kechiwono na pata.

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

LUKA 8:17

Kipfa kuipfo kindo kii kipfinyike keeda kilapfunuka numapfo, ma kindo kii kiṟike keeda kilamanyika na iwoneka na patapfo.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 4:13

Kyasia wekiwona wuṟamtsu wo Petro na Yohane na imanya ke nyi wai wandu walai waloshe wo ilosho wakatiṟi mnu, wakawamanya ke nyi wawekeri kimu na Yesu.

MAWUTO HA WASU 4:19

Petro na Yohane wakawahalwo wakawawia, “Kokoya nyi kisumhanyi imwadanya nyo kota Ruwa le kedumbwonyi iki nyo muwenyi.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.