MATAYO 10:17 - Bibilia Kui Mdedie fo Kimochi

¹⁷ Kya indi kuṟisenyi na wandu Kipfa nyi wechihenda mduo kulya mba wededya shama shawo na kulya sinagogenyi tsawo wawemkapa na ngowa-tso tsii njitochye msha.

MATAYO 10:17 ပူးပေါင်းရင်းမြစ်များ

MIKA 7:5

Ulaidikie mbuya yapfo ma ulamkusirie. Ringa mnu kilya odeda na dumbu lyapfo, ma mka opfo iyo kumonyi.

MATAYO 10:18

Na oshangunyi lo wachili na wamangi muwedao kipfa kyako, kiwe nyi kya kiṟingishyo kyawo na wa mbaṟi njihenu.

MATAYO 20:19

Wawehenda mdambikya na wandu wo wa mbaṟi njihenu kundo wechimtaluo na imkapa na ngowa tso tsii ntochye msha, wawembambya na msalabe-hu. Na ili mfiri fo kaṟaṟu naṟuke.”

MATAYO 23:34

Kyasia kyamba nyi wudo kii na inyi njiwe moduma konu waikimbi na wandu walaanyi na walosha wa mawawaso. Nanyo iwo maata muwawahe na iwawambia msalabenyi, na walya wengi muwakape na ngowa tsii njitochie msha ipfo kya mba kundo mokumbuhananya na iterengya mbewaterengya wawuke kunu mṟinyi ifu wadichye fulya fungi.

MATAYO 26:59

Kyasia wakohanyi walya wanene wasanganyi na wanjama wa kyamenyi kya Sinedrio wose wakashihya Yesu owingo lo wongo kundu wambonye opfu.

MATAYO 5:22

Indi inyi nyi ngambia, orio mndu ose moṟikia manomae nyashi mrimenyi nyi mndu mohenda dao ko wachili wedumbuo kya wandu wanyamaṟie!

MARIKO 13:12

Manomae o mndu nechitwaṟa mana o mae, na wana wa wandu waamkye wafee wawo na iwawaha.

MARIKO 13:9

“Na mkuṟise muwenyi. Wandu wechimdambika mengenyi ya Synedrion na mochikapo ipfo ma sinagogenyi. Mochidao oshangunyi lo wachili na wamangi, kipfa kyako, kundu munjiṟingishie kowo.

LUKA 12:11

Nanyo, ili wechimuduo masinagogenyi na ko wachili na ko waitoṟi ma mulakuwinyishe ikusaṟa chando mochihaluo ang'u kindo mochikuashuo nakyo ang'u chando mochihamba.

YOHANE 11:47

Ko ikyo wakohanyi wang'anyi wakasangana na Wafarisayo wakalaha chila iya ing'anyi ya wanjama wakahamba, “A luwike luda ili mndu chu awa mowuta ngata tsifoi tsido?

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

MAWUTO HA WASU 17:14

Oweṟe naalo wanawawama walya wakaduo Paulo kyaṟo kyemshitsa ohambeny lo ipalyipalyi, kya indi Sila na Timoteo wo wakatsinda-pfo.

MAWUTO HA WASU 22:19

Na inyi ngahamba, “Hoi Mndumii, nyi waichi wawenyi ke nyio inyi njiwekewa mopfunga walya wakuidikye na iwakapa ipfo masinagogenyi hawo.

MAWUTO HA WASU 26:11

Na ipfo masinagogenyi njiweiwakapa kafoi na iwaitika wasese Yesu njechiaaka mnu iwaterengya ngatana ngashika mṟinyi ya wuhenunyi.”

MAWUTO HA WASU 9:2

Kambesa paruo tsehenda kulya Damasiko tsa kulya sinagogenyi, kundu, kakokya-pfo wandu wa njia ii wai womi ang'u waka, nawapfunge na iwaende na Yerusalemu.

WAFILIPI 3:2

Ringenyi wai mashite, keweringenyi wewuta sha wuwicho muwe moringa weweha wotahacha.

2TIMOTEO 4:15

Ukuṟise na iyo kyake, kyamba alelemana mnu na madedo hadu.

WAEBRANIA 11:36

Indi wengi wakawonyo italwo na ikapo na shiteecho wesanzyo ihenda ipfungo na ikumbo kipfungyonyi.