MARIKO 9:12 - Bibilia Kui Mdedie fo Kimochi

¹² Nao kawahaluo, “Ee-da, Elia na echisonguo icha, naachikie shindo shose. Na kya Manomndu nyi wuda ki kiṟehye kyake ipfo Shitapunyi Shiele ke Mana o Mndu nechiliso wukiwa wufoi na iilo?

MARIKO 9:12 ပူးပေါင်းရင်းမြစ်များ

SHIIMBO SHA DAWIDI 74:22

Hoi Ruwa, uhoṟoke, udede kyapfo kumonyi, ukumbuo chando okerumo nyi tondo mfiri puti.

YESAYA 49:7

Mndumii mkiṟi o Israeli, Mwele oke, nawia adi ichu ammine nyi wandu; ichu asuikie ko oshari lu lo wandu; ichu ai mṟundi o iwa waitoṟie; “Wamangi wechiwona, wechihoṟoka; wanene nawo wechipfira ndi; kipfa kya Mndumii ai mhendeli, Mwele o Israeli alekusambuṟa.”

YESAYA 50:6

Njilehalutsia walya wenjikapa mhongo foko, walya wetufuo ngerero tsa nguchu tsako; njileṟika kyamu kyako kundu kilatalukepfo ma ipuchio mada-pfo.

YESAYA 52:14

Chandu wafoi waleṟihisho, (kyamu kyake kiwenyamaṟikie mnu kota mndu oose, na wumba lyake kota mndu o wandu),

ZEKARIA 11:13

Kyasia Mndumii kanjiwia, wihitsia ichu mowumba shindo sha teri kiheo kicha, kiheo kyo njilewutio nyi wandu wo. Ngaira rupia tsilya makumi haṟaṟu ngawihitsya ichu mowumba shindo sha teri ipfo mba ya Mndumii.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MALAKI 4:6

Mwikimbi chu nechihaluo mrima ya wana ihalukie wandeawo, na ya wandeawo ihalukie wana, njilawone njechikapa wuyanawu kui oseso.”

MATAYO 16:21

Nalyo kiwokia-lyo Yesu kawoka iloṟa wa kiloshionyi kyake ke na nahende kulya Yerusalemu na ihenda iliso wukiwa wunyanyi nyi wasongoru wa wandu na Wakohanyi wanene na walosha wa mawawaso na imbaha wawembaha na ili mfiri fo kaṟaṟu naṟuke.

MATAYO 26:24

Mana o mndu ihenda na ahende chando kiwei kiṟehye kyake. Kyaindi ochia nyi lo mndu ulya echidambika-ho Manomndu. Iki nyi kiwei kicha-ho nokoe mndu ulya alalefeo.”

MARIKO 10:33

“Adanyienyi, lukeri ido na Yerusalemu, na Manomndu echidambikyo wakohanyi wanene na walosha wa wuwawaso, nawo wambutye owingo lo opfu wawehenda mdambikya ko wandu wa mbaṟi njiehenu.

MARIKO 9:13

Kyaindi ngambia, ke Elia alemcha, nawo wakambutya shose, chando walekunda, chando ki kiṟehye kyake.”

MARIKO 9:31

Kipfa nyi awelosha wa kiloshyonyi kyake Kawawia, “Manomndu echidambiko mawokonyi ha wandu wechimbaha, nao kamboho mfiri iṟaṟu nyi yechisia naṟuke.”

LUKA 1:76

Na iyo mkoku nyi ochikaa nolaho nyi ui mdedi o ichu ai huye ya shose; kipfa nyi ochisonguo ipfo mbele ya Mndumii, nohende kochisungusia njia tsake.

LUKA 23:11

Herode na wasoṟo wake wakamuisalucha na imwinyila, wakamṟika nguwo ikengemae, kambihiṟia Pilato.

LUKA 23:39

Wanyamaṟi walya wawewamase kimu nao, ulya umu-ho kawemtaluo kahamba, “Iyo chi iyo Kristo? Kukiṟeng'u kumonyi naso-wo!”

MAWUTO HA WASU 1:6

Na walya wasanzye-ho wakambesa, “Mandiho ngesa nyi ochiwuya ilawuya-se Israeli wumangi?”

MAWUTO HA WASU 4:11

Nao nyio ichu iho lilya liweimine nyi nyo wewika mba, nalyo lyambiko-ho liwe inene lya kinga ndumbenyi.