MARIKO 5:29 - Bibilia Kui Mdedie fo Kimochi

²⁹ Oweṟe mra fo samu yake ikauma, kakuicho ipfo mbihu koke, ke amechia ndaṟe iya iwembonde.

MARIKO 5:29 ပူးပေါင်းရင်းမြစ်များ

1WAMANGI 8:37

“Kokoya kuwode njaa orukenyi, ang'u ndaṟe ya makokoi, ang'u mbaṟi fung'anyi, ang'u ohonjo, ang'u wandu wapfo wakatengetio nyi wakituwa ora lose lo mṟi fose, kokoya kuwode ngapo yose ang'u ndaṟe yose,

SHIIMBO SHA DAWIDI 103:3

Akuhoṟia wunyamaṟi wopfo wose, kakuchiṟa ndaaṟe tsapfo tsose.

SHIIMBO SHA DAWIDI 107:20

Nekeduma idedo lyake, iwaashuo, nekewawuta kiidi kya maarisikionyi hawo.

SHIIMBO SHA DAWIDI 147:3

Nekechiṟa wekeeweṟo ngoonyi, na iwikia mdi shifaṟe shawo.

SHIIMBO SHA DAWIDI 30:2

Hoi Mndumii, Ruwa oko, Ngakufuhiya, njilekufuhia konjichiṟa.

IWUKA 15:26

Kawawia, “Kokoya mochiadanyia ṟu lya Mndumii-Ruwa, onu kui pfinya tsose na iwuta shisumhanyi oshangunyi loke, nodehe madu hapfo uicho mawawaso hake, na iwada mawawaso hake, Inyi njechiende ndaṟe tsilya njileendie Wamisripfo; huyapfo pfo kyamba Inyi njii Mndumii-Ruwa njekekukiṟa.”

WALEWI 14:48

“Kingise kokoya nyi mkohanyi aida napfo na iambuya, kokoya ndaaṟe ilaledung'ana ipfo mba, mba yammaa ishio chokaa; nlyondi mkohanyi echihamba kee mbayo injiheṟemtsu, kyamba ndaaṟe iya ilesalaa.

WALEWI 20:18

Kokoya mndumsoṟo alaa na mndumka ai merinyi, wose wawawi kiwaṟi waletsano na wandu wawo; msoṟocho nalaa na mndumka ai merinyi na mkacho ai merinyi nalaa na mndumsoṟo.

MATAYO 9:20

Naho adi a ichu mka aluo iwuka samu kusiie-ho maaka ikumi na iwi, kimatsika amewoko. Kacha kya numa kapaya mambo ya nguwo yake.

MARIKO 3:10

Kipfa walya alewachiṟa wawefoi; wandu waluo wakatana wamwolokya, kundu wampaye.

MARIKO 5:28

Kipfa nyi alehamba mrimenyi, “Ma kokoya njechipaya nguwo tsake tupu, na njechichia.”

MARIKO 5:34

Nao Yesu kambia, “Manoko o waka, iidikya lyapfo lyamekukiṟa, kuhendie na kipuo nowechia na ndaṟe i iwekuwode.”

LUKA 7:21

Na saa iya tichi Yesu kachiṟa wandu waluo ndaaṟe wafoi na maṟishi hawo, kawawuta na mumuyo mbicho na wapfu-meso wafoi kawewasaṟia kawaambuṟa.