MARIKO 5:27 - Bibilia Kui Mdedie fo Kimochi

²⁷ Awemiicho mbonyi tsa Yesu, kacha numa yake kakupeṟehetsia ipfo kituṟunyi kya wandu kapaya nguwo yake.

MARIKO 5:27 ပူးပေါင်းရင်းမြစ်များ

2WAMANGI 13:21

Ambuya kiheri kyo waweṟika mndu, wekiwona itoṟito lya wandu wawerie mnying'a wakakumba mnying'a fulya nafo fulekuwasha na mafuo ha Elisha kaṟuka kahoṟoka na madende hake.

MATAYO 14:36

Na iterewa wakawa nyi imterewaterewa wapaye ma mambo tsa nguwo yake. Na walya wepaya wakawechia wose.

MARIKO 5:26

Mka-cho awemlya mnu wukiwa wung'anyi wo wahanga wafoi. Amaiye masaa awewode hose, alawone achia, kya indi kawona, kechiengeṟa iwichwowichwo.

MARIKO 5:28

Kipfa nyi alehamba mrimenyi, “Ma kokoya njechipaya nguwo tsake tupu, na njechichia.”

MARIKO 6:56

Orio handu Yesu amehenda mṟinyi ing'anyi ang'u ntutu, ang'u mndenyi wandu wakaende naho wandu waluo wakamterewa wapaye ma mambo tsa nguo yake. Na walya wose waletsipaya walechia.

MAWUTO HA WASU 19:12

Kukatana wandu waluo waendyo shidami na nguo tsikuwashye na mbihu foke na ndaṟe tsawo tsikawawuka na waṟufu wawicho wakasama.

MAWUTO HA WASU 5:15

Koikyo kukatana wandu waluo wawa moleṟyo ipfo njiehu tsing'anyi wawalaṟe njonyi-hu na shitaṟe-hu kundu Petro kacha kiṟishe kyake tupu kiwikye umu-ho owo mṟishe.