MARIKO 3:9 - Bibilia Kui Mdedie fo Kimochi

⁹ Nao Yesu kawia wa kiloshyonyi kyake, wamteseheṟie kingalawa kipfa kya kituṟu kya wandu kyembeda, kundu walampeṟehetse.

MARIKO 3:9 ပူးပေါင်းရင်းမြစ်များ

MATAYO 15:39

Naho kasama mamwingi fulya fo wandu. Kadoya kulya ngalawenyi. Kashika kulya mambatsana na kulya Magadanyi.

MARIKO 4:1

Yesu kawoka-se ilosha-se ai ohambehu lya nduwa. Kituṟu king'anyi kya wandu wakakuwumbia ipfo koke, katana aida na ngalawenyi kadamya alya nduwenyi, na kituṟu kilya kyose kikakaa kufui na nduwa hambehu.

MARIKO 4:36

Wakada kituṟu kilya kya wandu, wakaduo Yesu, na ngalawa iya awekeri, kuwekeriho na ngalawa tsingi-da.

MARIKO 5:2

Oweṟe lulya Yesu ambuka ngalawenyi, mndu awodo nyi mṟufu o ngafu kakambiṟa imkumbuhana acha awuka maṟungunyi ha wapfu.

MARIKO 5:30

Yesu kamanya mrimenyi foke, ke ambuko nyi pfinya, kaindukya kituṟu kilya kya wandu kahamba, “Nyiu anjipaya ṟao lyako?”

MARIKO 6:32

Wakakuhendya wawenyi kundu ko kisekyenyi wario nyi ngalawa, wakashika kundu ku kuleshe na wandu.

LUKA 5:1

Kukashika mfiri fumu, lilya mandi wandu wechicha imlulumia, kundu wamwadanyie kidedo kya Ruwa, nao ahoṟoki alya ohambehu lo nduwa ya Genesareti.

LUKA 5:3

Kaida na ngalawenyi imuho, iya iwekeri ya Simon, kamterewa naiseheṟe kitutu ihende aleshe-leshe na wambaṟa ya nduwa iya; kadamia, kalosha mamwingi fulya fo wandu ai ipfo ngalawenyi.

YOHANE 6:15

Kyasia Yesu kekimanya nyi icha wai wache wahende imbika mangi nao kasheṟuka, kahenda alya fumvu-hu o amonyi.