MARIKO 3:8 - Bibilia Kui Mdedie fo Kimochi

⁸ Na Yerusalemu na Idumaya na mataya ya meda fo Yordani na oruka lo kulya Tiro na Sidon. Nyi mamingi fung'anyi; wekiicho shilya Yesu alewuta, wakacha na koke.

MARIKO 3:8 ပူးပေါင်းရင်းမြစ်များ

SHIIMBO SHA DAWIDI 45:12

Wandu Tiro wechikuendie shiinengo shawo; na wandu wasuṟi nyi wechikukundishia kopfo.

SHIIMBO SHA DAWIDI 87:4

“Njechisenda Rahabu na Babeli kiidi kya iwo wose wanjiichi. Ambuya Filisti, na Tiro, na Kushi; wose walefeeyopfo.

YESAYA 34:5

Kipfa oshu loko lunyooe na ihuda ruwehu; ambuya lochisokia Edomu, na huye ya wandu wa oseso loko, kundu waanduyo.

EZEKIELI 35:15

Kyamba nyi wudo iyo ulewuta lilya mandi Waisraeli weleolotso. Ambuya nukeri ihenda iwa nuka iyo fumvu lya Seiri, handu hamu na oruka ya msanga lose lo Edomu. Kii kidi wandu wawuteho imanya ke Inyi nyi Mndumii-Ruwa.”

EZEKIELI 36:5

Kii kidi njilesukio mnu, koikyo njihenda itaa kiṟache ko mkambo yo ya wandu, lya ngoseṟa nyi Edomu. Kyamba wo nyi walekuseka mrimenyi na ko wuminyi wakaweduo oruka lo luwei loko wakaluhaluo ke lowo.

MATAYO 11:21

“Ochia lopfo iyo Korasinyi ochia lopfo iyo Betisaida! Nokoe nyi kulya Tiro na Sidon kulewutika shindo sha kiṟiha cha isho shiwutikye kunu kiidi kyanu nawo nyi wawechidumbuya wunyamaṟi wowo lya kacha wakuṟaaye na shisaṟa sha wukiwa na ifu iloṟa idumbuya.

MATAYO 4:25

Kyasia wandu wakaduana nao mamwingi fung'anyi wawuka kulya Galilaya na Yudaya na kulya mataya Ya Yordanyi.

MARIKO 7:24

Yesu kakure-pfo kahenda ipfo mṟasenyi ya Tiro. Kaida na mba kiṟika ma mndu nalamanye, indi nalaidime ikuowya-ho.

MARIKO 7:31

Yesu ambukase ipfo mṟasenyi ya Tiro, kaida Sidon kashika kulya nduwenyi ya Galilaya, echiida makidi hawi ha mṟasa ya mṟi iya ikumi (Dekapoli).

LUKA 6:17

Kasoka nawo kahoṟoka handu ha rendewele arianyi na mamwingi fufoi fo walya wa kiloshionyi kyake, na tendemra ya wandu ifoi, wawewukie Yudaya na Yerusalemu, na Tiro na Simon kulya kundu kukinganyi na ipalyipalyi, walecha imwadanyia na ichiṟo ndaaṟe tsawo.

YOSHUA 15:1

Oruka luleinengo oshari lo Yuda ko kuṟu kuhya sumuhana na mba tsawo nyi lulewokia ora lo seri na lo ngamenyi itane loshika oruka lo Edomu. Ora lulya lo seri nyi nuka ya Sini

YOSHUA 15:21

Mṟi iya iwekeri ora lo seri lo oruka lo Yuda ikeri sumuhana na Edomu nyi Kabseeli, Ederi, Yaguri,