MARIKO 2:5 - Bibilia Kui Mdedie fo Kimochi

⁵ Yesu kekiwona kidikyo kyawo, kawia mndu ulya a muumu shiwungo, “Manoko, omehoṟio njonyamaṟo tsapfo.”

MARIKO 2:5 ပူးပေါင်းရင်းမြစ်များ

MAWOOKIONYI 22:12

Kahamba, “Kulahoṟoye mana owoko lopfo, manya kulambutie kindo; kyamba wulalu ngamemanya ke noidikie Ruwa, kyamba kulalenjiima manachu, mana opfo kimumu mfi.”

SHIIMBO SHA DAWIDI 103:3

Akuhoṟia wunyamaṟi wopfo wose, kakuchiṟa ndaaṟe tsapfo tsose.

YESAYA 38:17

Ambuya; njiwekuinadye mnu kipfa kya ofoṟo loko; Kyaindi kipfa kya injikunda nolenjikiṟa na rina lyesaramaya; Kipfa nolekumba njonyamaṟo tsako tsose nduma yapfo.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

MATAYO 9:2

Nao keambuya wakacha meendye mndu a muumu shiwungo a mlaṟe kitaṟenyi Na Yesu ambona kiidikyo kyawo kawia mndu ulya a muumu shiwungo, “Kewuyo nyi moo mana oko, madeko hapfo nyi hamewuto-ho.”

MATAYO 9:22

Kyasia Yesu kaindukya numa kambia, “Kewuyo nyi moo manoko, kidikyo kyapfo kyamekukiṟa.” Naho mka ulya kachia kiwokia saa na iya.

MATAYO 9:5

Kipfa iki kii kyangu ihamba nyi kihya, ngesa nyi ihamba, ‘Madeko hapfo hamewuto-ho,’ anu nyi ihamba, ‘Kure uhende?’

MARIKO 2:6

Kyasia kuwekeriho walosha wa wuwawaso maata wadamye-ho wechihiahia ipfo mrimenyi yawo,

MARIKO 5:34

Nao Yesu kambia, “Manoko o waka, iidikya lyapfo lyamekukiṟa, kuhendie na kipuo nowechia na ndaṟe i iwekuwode.”

LUKA 5:20

Nao awona iidikia lyawo kambia, “Iyo mndu, njonyamaṟo tsapfo nyi tsinjiwute.”

LUKA 8:48

Nao kambia “Wuyo nyi moo manoko, kiidikio kyapfo kyamekukiṟa; kuhendie kipuo.”

YOHANE 2:25

Yesu naweichi chuṟe tsa wandu tsose alawewuṟie mndu motsimbia.

YOHANE 5:14

Kyasia ili numa Yesu kamkoya ipfo hekalunyi kambia, “Ambuya omekuchia-ng'u, ma kulakae unyamaṟe-se ukae nowone kindo kiwichowicho kyechikutowokia.”

MAWUTO HA WASU 11:23

Nawo kekishika-pfo na iwona wutonga wo Ruwa wuiho kachihio kawatutuma wose ke wakunde ikuwada na Mndumii kui ngoo njiwanzi.

MAWUTO HA WASU 14:9

Mndu cho kawa moadanya ipfo kundo Paulo echideda. Nao kamwambuya kawona ke ai na mkusirye fo ichiṟo.

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

1 WAKORINTO 11:30

Nkyo kimaduma ipfo konu kwipfo wafoi waluo, wai wanyonge, na wandu sa weengi walee.

2 WAKORINTO 2:10

Indi ipfo kundo nyo mohoṟya mndu na inyi na mbeho; kyamba nyo ohoṟya mndu na inyi na mbeho; yamba nao inyi kilya ngamehoṟya kokoya kuwode kilekunda ihoṟyo nyi inyi, nyi njilemkihoṟya kimaduma kyanu njii odatsinyi lo Kristo.

WAEFESO 2:8

Cha kipfa mui wakiṟe kui wutonga kui njia ya wuidiki. Lyo lilewutika kui pfinya yanupfo; nyi kisumbo kya Ruwa.

WAKOLOSE 3:13

Muhoyane muwenyi na wenyi mochihoṟyana kokoya kwipfo awode kyededya ungi. Chando nao Mndumii alemuhorya nyo nanyo kimuwaṟi muwute mudo-ng'u.

YAKOBO 5:15

Na kiterewo kilya kii-kiwike kui wuidiki kyechichiṟa moluo ulya, na Mndumii echimheluo. Kawuta wunyamaṟi nyi echihoṟyo.