MARIKO 2:17 - Bibilia Kui Mdedie fo Kimochi

¹⁷ Na Yesu kekiwaicho ado kawawia, “Iwo wawode oru chiwo wasaṟye mhangapfo, shila na iwo waluo. Wandu njicheye iwalaha chi iwo wasumuhanyipfo, shila na wandu wanyamaṟye.”

MARIKO 2:17 ပူးပေါင်းရင်းမြစ်များ

LUKA 15:7

Ngamuwia, ‘Na wudo kochiwada sia kulya ruwehu kya mndu umu mnyamaṟi adumbuya kota kya wandu wecha makumi kenda na kenda walasaṟie idumbuya.’”

LUKA 19:10

Kipfa Mana o mndu nyi alecha ipfula kilya kidekie, nakikiṟe.”

YESAYA 55:7

Mndu mbicho nade ohendo loke, Na alai na wusumhanyi nade makusaṟo hake; nawuye ko Mndumii, Nao nechimsaṟia; Nache na-ko Ruwa odu, Nechimhoṟia nakamu.

YOHANE 9:40

Wafarisayo maata-ho warianyi nao waicho wado wakambesa, “Ngesa naso lui wapfu meso?”

LUKA 15:10

Na inyi nyi ngamuwia, ‘Na wudo kochiwa sia ko wamalaika wa Ruwa kya mndu umu mnyamaṟi adumbuya.’”

LUKA 15:29

Nao kahaluo, kawia ndee, ‘Keambuya; kiṟa mbeikuṟundia maka ifoi ido, na inyi njilemetehiye ma wuwawaso wopfopfo, ma iyo kulemennenge wudahina wo wuoṟo njihende ma ikuchihiṟanyia na wambuya wakopfo.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

YESAYA 1:18

“Kyasia nchonyi lukape sumu, Mndumii ahamba. Wunyamaṟi wonu wukafana kimande, wochiila cha makuṟeṟa ha mtsudu; wukawa kimande cha bendeṟa wochiila cha sufi.

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

LUKA 16:15

Kyasia Wafarisayo walya waicho wado nawo nyiwe-wandu wawelangie mnu mapesa, wakakutsinyia kyake. Nao kawawia, ‘Nyo nyi mokekuhaluo wecha wasumhanyi oshangunyi lo wandu muwenyi, kyaindi Ruwa nyio aichi ngoo tsanu; cha-kipfa wutumbe wo ki-wandu nyi kindo kisuikie ko Ruwa.’

MATAYO 18:10

“Ambuyenyi ma mulamine iwa watutu ma ichu umu-ho. Kipfa ngambia, ‘Wasu wawo wa ipfo ruwehu nyi wailungana iwona kyamu kya Wande o ipfo rewehu. [

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

YOHANE 9:34

Nawo wakambia, “A iyo ui mfee kudo ui mnyamaṟi kotana olulosha so?” Nawo wakamtuhuta na nja.

YEREMIA 17:9

“Mrima fo mndu fui mlembi kota shindo shose; fochiidima ichiṟo, ma kuwode sa echiidima ifumanya pfo!