MALAKI 3:6 - Bibilia Kui Mdedie fo Kimochi

⁶ “Kipfa inyi Mndumii njekeweṟukaweṟukapfo; nkyo kitewe mularumatso, nyo wana wa Yakobo.

MALAKI 3:6 ပူးပေါင်းရင်းမြစ်များ

MAWOOKIONYI 15:18

Mkonu fulya Mndumii kawika mkundana na Abramu, kambia, “Oshari lopfo ngaluinenga orukalu, wokia meda fo Misri tane medafo fung'anyi, meda fo Frati.

MAWOOKIONYI 15:7

Nahongu kambia, “Inyi nyi Mndumii, njilekuende wokia Uri ya Wakaldayo njikuinenge orukalu luwe kyooṟa kyapfo.”

MAWOOKIONYI 22:16

kahamba, “Ngalya nyamu kui mrima foko Mndumii nahamba, ‘Kipfa kya ili owuta iki, manya kulanjiiime manachu opfo, mana opfo kimumu mfi,

SHIIMBO SHA DAWIDI 102:26

Ishi shechinyamaṟika, indi iyo nochikaa mlungana; ee da, ishi shechikuo cha nguo; cha maṟao nochishiilacha, nasho shechiilachika.

SHIIMBO SHA DAWIDI 102:27

Kya indi iyo nyi ulya ulya; na maka yapfo yechitsitsapfo.

SHIIMBO SHA DAWIDI 102:28

Wana wa waṟundi wapfo wechikaa, na oshari lowo wechiwanzo oshangunyi lopfo.

SHIIMBO SHA DAWIDI 103:17

Kya indi wuoloru wo Mndumii wui na iwo wekemwindia, wokia mlungana tane mlungana, na wusumhanyi woke wui na wana wa wana wawo.

SHIIMBO SHA DAWIDI 78:38

Kyaindi O; kyamba nawode osaṟio, nekehoṟia wuwicho manya ekerumatsapfo. Kafoi nekeatsiṟia nyashi yake kuleshe; manya ekeamtsa nyashi yake yosepfo.

SHIIMBO SHA DAWIDI 78:57

Indi walewuya na numa, wakatehia cha wandeawo; wakakudoweka cha uda wunyamaṟikie.

YESAYA 41:13

Kipfa inyi Mndumii, Ruwa opfo, njechikuwada owoko lopfo lo kulyo, njechikuwia, kulaowuo; inyi njechikutarama.

YESAYA 44:6

Mndumii, Mangi o Israeli, mkiṟa opfo, Mndumii menyi Matoṟito nahamba adi, “Inyi nyi Mawokioonyi na Inyi nyi moinutsia; ngoseṟa yako kuwodepfo ma kuwode Ruwa ungipfo.

YESAYA 46:4

mṟasa wuku wonu inyi nyio, mṟasa kiheri kyanu kya mhasa njechimuduo; njileṟunda, na inyi njechiduo; ee, njechiduo na ikiṟa.

YEREMIA 32:27

“Ambuya inyi nyi Mndumii, Ruwa o wandu wose; Ngesa! Kuwode kindo kiumu kyose kechiidima injilema?

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

HOSEA 11:9

Ambuya njikeri itirisiya, ambuya njihenda irumatsa se Efraimu pfo, kyamba inyi nyi Ruwa manya chi mndu o wandu pfo, njikeri mwele kiidi kyanu, koikyo njechicha inyamaṟapfo.

HABAKUKI 1:12

“Hoi Mndumii, Ruwa oko mwele iyo chi o mlungana? Ulekepfa. Iyo nyi Ruwa oko na mringi oko; Ee, nyi iyo ulesambuṟa Wakaldayo kowainenga pfinya kundu walukape;

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAFILIPI 1:6

Nakyo nyikyo kinengye ikusirya ke ichu aweasye imbika nyo mbika iya njicha nyi echiimarisa ishikemarisika mkonu fulya fo Kristo Yesu.

WAEBRANIA 13:8

Yesu kristo awei adi wukowu ai adi na inu echikaa adi mlungana.

WAEBRANIA 6:18

Kundu lukae wakarishe kui pfinya lukuwode na njowiko tsiwi tsihoṟoki tsilawewa iwiko nyi Ruwa tsa wongo lochiwingya ikuwada na owedo lulya lui wasumbe.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

OTAMBAHALUO LO YOHANE 1:8

Inyi njii Alifa na Omega, mboki na mwawutsi, nyi wudi Mndumii-Ruwa ahambye. Nyio aiipfo, mokaa awekaa-pfo echikaa-pfo ai echicha, moikolonya shose.

OTAMBAHALUO LO YOHANE 22:13

Inyi nyio Alifa na Omega mosonguo na mokinga, mboki na mwawutsi.”

1SAMWELI 15:29

Ruwachu ai mng'ano fo Waisraeli ekelembapfo, manya ekeilacha makusaṟo hakepfo. O chi mndu o wandu ailacha makusaṟo hakepfo.”