MALAKI 3:5 - Bibilia Kui Mdedie fo Kimochi

⁵ “Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

MALAKI 3:5 ပူးပေါင်းရင်းမြစ်များ

MAWOOKIONYI 20:11

Abrahamu kahamba, “Kyamba njilewona, kya lohi iya waowoe Ruwapfo, nawo wechinjiwaha kipfa kya mkachu oko.

MAWOOKIONYI 42:18

Yosefu kawawia mkonu fo kaṟaṟu, “Wikeni mudi, mukie, kyamba ma inyi nji mhendeli o Ruwa.

NEHEMIA 5:15

Wanene walenjisongoya wawei mhanda mlemeri ko wandu kyamba nyi wawekewawesa shelya na mvinyo, wakawewawesa wawatae fesa tsilemeri tsiwode shekeli makumi haana (40) tsa fesa. Waṟundi wawo wakawewonyia wandu. Kya indi inyi njilewuta njidopfo, kyamba nyi njiweowoye Mndumii-Ruwa.

YOBU 31:12

Kipfa nyi modo forumtsa itane orumaṟo nafo fuwechikuṟuo shilya shako shose.

YOBU 7:2

Nafananyi na isinga lilangie kiṟinje, cha mndu eketao ifurumia lya meri, chandu ekewedia na macha wueri woke.

SHIIMBO SHA DAWIDI 36:1

Iwuta wunyamaṟi lya mndu mbicho, nyi lykededa mrimenyi foke; kuwode iowuo Ruwa oshangunyi loke pfo.

SHIIMBO SHA DAWIDI 81:8

Lanye wandu wako, adanyienyi, na inyi njechimuikimba; ewo Israeli, kokoya ochikunda injiadanyia;

SHIIMBO SHA DAWIDI 96:13

Oshangunyi lo Mndumii, kipfa naicha, kyamba naicha ianduya wuyana. Nechianduya oruka kui sungusihu, na mkambo ya wandu kui wuhendeli woke.

SHIIMBO SHA DAWIDI 98:9

Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.

IWUKA 1:17

Kyaindi walya weende wana waweowoye Ruwa, walawute chandu waletutumo nyi mangiyo ya Misri, kyaindi wakasuṟuma wanawo wa kisoṟo wai na moo.

IWUKA 18:21

Ngoseṟa ya isho nochikuwonyia kiidi kya wanduwa wandu wawode wuidimi; wahendelie Ruwa, wandu wa wukilohi, wasuo mbucha tsa mbaka; wawike wusongorunyi wowo, wawe wasongoru wo wandu shiku, na wasongoru wa wandu mahana, na wasongoru wa wandu makumi hatanu, na wasongoru wa wandu ikumi;

IWUKA 20:7

“Kulasende rina lya Mndumii-Ruwa, Ruwa opfo kya maai, cha kipfa Mndumii-Ruwa alechida alakapa ichu masenda rina lyake kya maai.

IWUKA 22:20

Mndu echishinjia ruwa lyo lyose kidaso, shile ko Mndumii-Ruwa o amonyi, mndu cho nawoho.

MFANANO 16:6

Kui osaṟio na lohi wuwicho wochisanjo; Kui iindia Mndumii wandu wechikuṟisa na wuwicho.

MFANANO 8:13

Iindia Mndumii nyi isuo wuwicho, Orikiki na ikushela; na njia njiwicho; Na dumbu lya wulemeshi nalyo njilisuo.

YESAYA 57:3

“Kyaindi nyo tikirienyi hafui, nyo wana wa mndu msawi, oshari lo wuṟuhui na wumeluki.

YEREMIA 23:10

Kipfa oruka luichuo waṟuhui, kipfa kya ilya nyamu oruka luifihiṟa, maṟa ha nuka hauma; ohendo lu luluwicho, na pfinya tsawo chi tsa wusumhanyi pfo.

YEREMIA 27:10

Kipfa wekewadambuya wongo kundu wawawute ipfo mṟinyi konu njimufune muhende iarisika.

YEREMIA 27:9

Indi kipfa kyanu mulaadanyie, waikimbi wanu, na wahanga wekelodia ma ndodo tsanu, ma walya wekewona, ma wahanga wanu wekemuwia mochiṟundia mangi ya Babeli pfo.

YEREMIA 29:23

Kimarete nyi walewuta mbonyi tsa sonu kiidi kya Israeli. Waleṟuhuya na waka wa wamṟasa wawo, na ihamba madedo ha wongo ko rina lyako, kindo njilawewadumie wawute wado. Inyi njiichi isho; njileṟingishia. Inyi Mndumii-Ruwa ngahamba.”

YEREMIA 42:5

Kyasia, wandu-wo wakawia Yeremia, “Mndumii-Ruwa nawe mṟingishi o lohi na mhendeli kiidi kyadu kokoya lulechiṟunda chandu Mndumii-Ruwa, Ruwa opfo echikuwia uluwiye.

YEREMIA 5:2

Ma wakahamba, “So Ruwa ai na moo.” Walya nyamu ya wongo.

YEREMIA 5:29

“Ngesa njitae kiṟache kipfa kya isho? Mndumii ahamba; Na mrima foko njilafutaye kiṟache kiidi kya mkambo fu fo wandu.”

WALEWI 19:13

“Kulalembe wamṟasa opfo manya imiiwia. Wueri wo mndu ambike kiṟundionyi wulakae kopfo kio taṟaṟaa tane ngamenyi.

WALEWI 20:10

“Kokoya mndumsoṟo aṟuhuya na mka o mndu o mṟasa oke, na ate wawoho wawawi.

WALEWI 20:27

“Mndumsoṟo ang'u mndumka oose ekeloha ang'u msawi, na ate nawoho kekapo na maho. Woose wechiwuwuyo samu yawo wawenyi.”

WALEWI 20:6

“Kokoya mndu oose ekehenda ko walasha wa waṟumu na wasawi kaṟuhuya nawo kada alanjiindia Inyi njechikoyana nao meso ko meso na imletsana na wandu wake.

MIKA 1:2

Adanyienyi, nyo wandu wa njoshari tsose, adanyia, iyo oruka, na nyo mose muipfo; Mndumii-Ruwa naṟingishie kyanu, Mndumii-chu awukie hekalunyi lyake liele.

HABAKUKI 1:12

“Hoi Mndumii, Ruwa oko mwele iyo chi o mlungana? Ulekepfa. Iyo nyi Ruwa oko na mringi oko; Ee, nyi iyo ulesambuṟa Wakaldayo kowainenga pfinya kundu walukape;

ZEKARIA 11:12

Ngawawia, kikamuchihia, njineengenyi woṟunda woko, ang'u mulanjiinenge. Kyasia wakanjiitalya rupia makumi haṟaṟu nkyo woṟunda woko.

MALAKI 1:6

“Mana nekeindia ndeye, na isinga likaowuo menyilyo, wulalu kokoya inyi nyi ndeyanu wuindi woko woku? Na kokoya inyi nyi Mndumii onu kui mbihu wuowu woku koko? Mndumii Menyi Matoṟito nakeri imuwesa nyo Wakohanyi mui imina rina lyako.” Nanyo mukahamba, “Nyi wuda luimina rina lyapfo?”

MALAKI 2:14

Indi nyo mukahamba, “Kipfa kya iki atsileha?” Mndumii-Ruwa natsileha kipfa naichi na kamu ke nulefunja kyaasa kyapfo na mka o uwanake wopfo. Notuṟa wuhendeli koke ma chandu ulewika kyasa ko Ruwa ke nuwechiwa mhendeli koke.

MALAKI 2:17

Molisa Mndumii wukiwa kui madedo hanu. Indi nyo muihamba, “Lokulisa wukiwa na madedo maki?” Kipfa muihamba, orio mowuta mawicho nyi ai mcha ko Mndumii, nao nyi amchihie kyawo, ang'u, “Ruwa moanduo kyawo nku ai?”

LUKA 23:40

Kyaindi ulya odoe kahaluo kamdedia kahamba, “A iyo okiowuo-se Ruwa ili ukeri iya owingonyi ilu?

WAROMA 3:8

Kyimu cha ihamba, “Luwute wuwicho kundu luwone mecha?” Wengi nyi wudo ili kwipfo wailuiria wongo na ilusutsa ke nyi wudo lokelosha. Wo wechianduyo owingo lusumhanyi.

NGUMBUO YA MAWAWASO 15:13

Na iyo ili ochimlekia ulamlekie nahende na mawoko ha wulya.

NGUMBUO YA MAWAWASO 18:10

Kulakae mndu oose awuta mana oke o kisoṟo ang'u o kika kidaso ke koṟa, ang'u nawe kidaso ke koṟa modonyi manya ilasha, manya motangalatuo, manya ihenda ndashenyi,

NGUMBUO YA MAWAWASO 24:17

“Mulapfuluo wusumhanyi wo wahenu na wangoeda. Manya mladuo ṟao lya mka mkusu ko kirekio.

NGUMBUO YA MAWAWASO 27:19

‘Naseso mnducho oose modekesha wusumhanyi wo mhenu, mngoeda ang'u mkusu.’ Wandu wose waidikie, ‘Ameni!’

NGUMBUO YA MAWAWASO 5:11

“Kulasende rina lyako kya mai inyi Mndumii-Ruwa, Ruwa opfo; kyamba inyi nyi Mndumii-Ruwa njechida njilakapa icho oose mowuta adopfo.

1WATESALONYIKYE 4:6

Cha kya mkambo ya kihenu ilaichi Ruwa. Ma mndu nalawone echieera manomae mbuchenyi ma imlemba, kipfa Mndumii ai mdeheli modehelya kya ishi shose chando lulemsonguo imbia na iṟingishia.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

YAKOBO 5:12

Indi kisongoe shingi shose, wanawawama wako, kikeri ki-le, ke mulalye nyamu, manya so ruwehu manya so sanga manya so ki. Indi mukahamba, e, iwe ee lohi mukahamba, ote, iwe ote lohi, kundu mulahendewonyo mti ipfo kyanduyonyi kilya.

YAKOBO 5:4

Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.