MALAKI 3:15 - Bibilia Kui Mdedie fo Kimochi

¹⁵ Wulalu luihamba ke wenyi orikiki nyiwo wai nanga, wewuta mawicho nyiwo waonyishe na walya wehesha Mndumii nyiwo wachiṟo.’”

MALAKI 3:15 ပူးပေါင်းရင်းမြစ်များ

ESTA 5:10

Manya kudo katirisia, kakuhendia kanyi koke. Kiidima kalaha mbuya tsake katerewa mka oke elaho nyi Zereshi, nakusanze nawo.

YOBU 1:22

Kiidi kya shindo shose Yobu alewuta wunyamaṟi-ma ikusaṟa kya Ruwa kui idekopfo.

YOBU 12:6

Kanyi ka wasoki kuwode ofoṟo; wesohuo Ruwa mondu wai olele-wyoo pfinya tsawo ni ruwa owo.

YOBU 21:30

Ke wewuta sha mkika wekeringo mkonu fo kiwi, na ikiṟo mkonu fo nyashi yake?

YOBU 22:23

Kowuuya Ruwa nochiwanga, kowuta wukika wukakaa haleshe na mba yapfo,

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 106:14

Kyaindi walelanga mnu kulya nuka, wakahesha Ruwa kulya nuka.

SHIIMBO SHA DAWIDI 141:4

Kulaṟungamishe mrima foko handu kuwode mbonyi njiwicho, njilacheiichiwia mawuto halewa, handu hamu na wandu wekewuta wunyamaṟi; manya njilalye shelya shawo sha useṟeṟi.

SHIIMBO SHA DAWIDI 49:18

Ma kokoya nyi alekuwikia ona lyandi awei na moo, Wandu wechikuṟumisha ko kuwutia shapfo shicha,

SHIIMBO SHA DAWIDI 58:2

Chi wudopfo! Mrimenyi yanu mui iwuta mawicho, orukenyi mkaala mbaka kui mawoko hanu.

SHIIMBO SHA DAWIDI 73:12

Manyang'u, nyi wudo wai walai na wusumhanyi, na kui ikeseka mkonu yose wawode masaa hafoi.

SHIIMBO SHA DAWIDI 73:3

Kipfa njilewado wunenyi ko walya wekekushela, kiheri njilewona ofoṟo ko walai na wusumhanyi.

SHIIMBO SHA DAWIDI 78:18

Wakahesha Ruwa mrimenyi yawo, kui ikunda kelya kui lango tsawo.

SHIIMBO SHA DAWIDI 78:41

Wakawuya na numa wakaheshase Ruwa; wakasuiṟa mnene mwele o Israeli.

SHIIMBO SHA DAWIDI 78:56

Kyaindi walehesha Ruwa ai huye, wakalekana nao; manya walewada shiṟingishio shakepfo.

SHIIMBO SHA DAWIDI 95:9

Alya handu wandeanu walenjihesha; wakanjihesha wakawona mawuto hako.

MFANANO 12:12

Alai mcha nekelanga ndusu tsa maṟaushi tsa wawicho Indi itsinde lya wecha lyekeṟaa ndunda.

KOHELETI 8:14

Kuwode wuwicho wuwutikie wuyana; ke kuwode wewuta sumuhana, wakatao cha wewuta mawicho; kuwodese wawicho wakatao cha wasumuhanyi. Na inyi ngahamba isho shose nyi maai.

YESAYA 2:22

Mulaidiklie mndu awode mṟufu foke fukeri shiwalenyi sha mbuo yake; moo foke fochikaa mlungana cha otanu pfo, nyiu echikusaṟa kyake ke o nyi kindo?

YEREMIA 7:10

Numa mocha ikuhoṟotsa oshangunyi loko mbai insende kui irina lyako mukahamba “Lui waowishe. Kundu muidime iwuta mawicho halya hose.

DANIELI 4:30

Mangi kadeda kahamba: “Mṟifu fo Babeli fung'anyi njilefuwika inyi fuwe mṟi fo wumangi, kui pfinya tsako, kundu fuwade kiṟumi kya wuitoṟi woko!”

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

DANIELI 6:16

Mangi kawawasa Danieli kaendo kakumbo ṟungunyi lya miiso. Mangi kadeda kambia, “Danieli Ruwa chu opfo okemṟundia mfiri yose nechikuringa.”

MALAKI 2:17

Molisa Mndumii wukiwa kui madedo hanu. Indi nyo muihamba, “Lokulisa wukiwa na madedo maki?” Kipfa muihamba, orio mowuta mawicho nyi ai mcha ko Mndumii, nao nyi amchihie kyawo, ang'u, “Ruwa moanduo kyawo nku ai?”

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MAWUTO HA WASU 12:21

Kikasia mfiri fumu-ho fuwei mteseheṟe Herode kakuṟika maṟao hake ha kiwumangi kadamya loṟeikehu loke lo wuitoṟi kawadedya.

MAWUTO HA WASU 5:9

Petro kambia, “A ikyo nyi kya iki ili mleidikyana mudi muwawi ke muche iseenga Mumuyo o Mndumii? Ambuya wandu walya wahenda iṟika mii opfo aiho oo mongo, nawo wechikuduo na iyo.”

1 WAKORINTO 10:9

Manya lulataanye Mndumii chando kowo kuweipfo wawemtaanye wakakombetso nyi njoka.

WAEBRANIA 3:9

Hondo waku wo wanu walenjihesha kui kiseengo.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.