MALAKI 3:1 - Bibilia Kui Mdedie fo Kimochi

¹ “Ambuyenyi, njiduma msu oko, naṟeheṟe njia oshangunyi loko; na Mndumii chu mokemshiha nechea hekalu lyake faṟa; msu ulya o mkundana mokechihiṟo nyio, ambuyenyi nyi aicha, Mndumii Menyi Matoṟito ahamba.”

MALAKI 3:1 ပူးပေါင်းရင်းမြစ်များ

SHIIMBO SHA DAWIDI 110:1

Idedo lya Mndumii ko mndumii oko: “Nodamie owoko loko lo kulyo, tane ngawika wakituwa wapfo, ikaa shi ya madende hapfo.”

IWUKA 23:20

Ambuya, inyi njiduma malaika nakusongoe, kundu nakuringe njienyi, nawekuduo mṟasa alya handu njilekuteseheṟia.

IWUKA 23:21

Kuringenyi oshangunyi loke, mwadanyie ṟu lyake; manya mulamdose nyashi; kyamba; echimuhoṟia madeko hanupfo; cha kipfa rina lyako lyii ipfo kiidi kyake.

YESAYA 40:10

“Ambuyenyi, Mndumii-Ruwa nakeri icha cha mbahanyi, na owoko loke nlo lochimnenga wuitoṟi. Ambuyenyi, wueri woke wui nao, Na wunene wui hamu nao.

YESAYA 63:9

Kiidi kya mawukiwa hawo hose aleduma ma malaika mowakiṟapfo; Nyio amonyi alewakiṟa; kawakiṟa kawaira kawaduo tete mafiri hose wokia kacha.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

HAGAI 1:13

Nahong'u Hagai mdume o Ruwa kiidi kya Mndumii kawia wandu, “Inyi njii nanyo,” Mndumii ahamba.

MALAKI 2:4

Nanyo mochimanya ke njimudikie iwawaso li, kundu mkundana foko fukae ko Lewi, kitsitsi, Mndumii menyi Matoṟito ahamba.

MALAKI 2:7

Kiwaṟi dumbu lya mkohanyi liwade wuṟango, wandu washihe wuwawaso dumbunyi lyake kipfa o nyi mngochi o Ruwa.

MALAKI 4:5

“Ambuyenyi njechimudikia Elia mwikimbi nasongoye mkonu-fo fo Mndumii fulamecha ifu fung'anyi na iowesha.

MATAYO 11:14

Na kokoya nyi mochikunda iidikya, o nyiong'u Elia ichu a mhambe nache.

LUKA 1:76

Na iyo mkoku nyi ochikaa nolaho nyi ui mdedi o ichu ai huye ya shose; kipfa nyi ochisonguo ipfo mbele ya Mndumii, nohende kochisungusia njia tsake.

LUKA 19:47

Nao kawa molosha handu halya haele orio mkonu, Indi wakohanyi wanene na walaanyi wa wuwawaso na wanene wa wandunyi wakashiha mwaanya fomrumatsa.

LUKA 2:11

Kipfa ili momefeeyo mkiṟa inu; nao nyi Kristo Mndumii kulya mṟinyi fo Dawidi.

LUKA 2:38

Nao kawecha naho, saa na iya, kaidapfuma Ruwa; kahenda kyechionguo kyake ko walya waweiwedia maletsionyi ha Israeli wose.

LUKA 2:46

Wamemaa mfiri iṟaṟu, wakambona kulya hekalunyi adamie na walosha kewaadanyia na iwawesa-wesa mbonyi.

MAWUTO HA WASU 19:4

Paulo kahamba, “Yohane aweipatsa kui wupatiso wo idumbuya kechiwia wandu waidikye ulya akeri icha numa yake nyio Yesu.”

MAWUTO HA WASU 7:38

O nyio awerianyi na malaika ulya ipfo siṟinyi ya kulya nuka ulya ededa nao kulya fumvu-hu lya Sinai na waku walya wadu. Nyio aleambya madedo hawode moo naluinenge so.”