MALAKI 2:9 - Bibilia Kui Mdedie fo Kimochi

⁹ Kui kipfa kya ikyo inyi nyi njechimhaluo muwe kindo kimine na kifari oshangunyi lo wandu wose, chando nyo mulekeindia njia tsako, mukakundia wandu wuwawasonyi.”

MALAKI 2:9 ပူးပေါင်းရင်းမြစ်များ

1WAMANGI 22:28

Mikaya kahamba, “Kokoya ochiwuya na ofoṟo Mndumii adeda na inyi-pfo, kahamba, ‘Adanyienyi nyo wandu wose.’”

YOBU 32:21

Hoi, njilakundie kyaamu kya mndu; ma njilakukundishie ko mndu oose.

MFANANO 10:7

Ikumbuo wenyi wusumhanyi liwode ona, Kyaindi rina lya mndu mmbicho lyechipuo.

MFANANO 12:8

Mndu nechiṟumisho kipfa kya wuṟango woke; Indi mndu o mrima fo okachu nechimino.

EZEKIELI 13:21

Njikeri ihenda iranduoranduo shidami sho mukuoṟowie kundu njihende ikiṟa wandu wo wako mawokonyi hanu, kundu walawese masinga hanu. Kikamewa kido lyo mandi mochimanya ke inyi nyi Mndumii.

EZEKIELI 7:26

Ambuya chandu ndenga tsilelungana; na mbonyi njiwicho na wudo tsilelungana. Wakawehenda ipfula wuikimbi ko mwikimbi, kyaindi wakohonyi wa kawuṟa wuwawaso wo wainenga na wameku na wudo wakawuṟa chila yewainenga.

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

NAHUMU 3:6

Njechikuolya ngafu tsifanyi huyapfo; kundu nofane, njechikuhaluo kindo kemino.

MALAKI 2:3

Ambuyenyi mochisambuopfo. Njechishia shamu shanu sari ya shidaso mochisanzo nayo naikumbo kuleshe.

MALAKI 2:8

“Ambuyenyi wulalu momehaluka mukada njia iwaṟi; mosuiṟa wafoi iwawasonyi, mukanyamaṟa mkundana fo Lewi, Mndumii menyi Matoṟito ahamba.

LUKA 10:29

Nao kakunda ikutana mcha asumhanyi kawia Yesu, “A odoya oko nyiu?”

LUKA 11:42

Ochia nyi lonu nyo Wafarisayo, kipfa nyi mokedambika kya ikumi kii kya kyaana na shindunda na mboha, indi mkaidia wuchili wusumuhanyi na ikunda lya Ruwa, ishi nyi shimuwaṟi iwuta kulawode ida shilya.

WAGALATIA 2:6

Kya walya wawewadowado wenyi kiṟumi kyawo kinjiwode kya isongwo lyawopfo, Ruwa alakukundya mndu oshangu nawo ili wawei wenyi kiṟumi wawewode kyeanduyana na inyipfo.

NGUMBUO YA MAWAWASO 1:17

Mlakundie mnducho oose kiheri kedumbuo mondu; mochiwaadanyia kulaipfo ikundia, wang'anyi na watutu. Mulaowesho nyi fana ya mndu, cha kipfa kimuwaṟi iwika mndumbuye handu ha Ruwa. Kukokaapfo mondu sa fung'anyi fukamulemia ifudumbuo mochifunjiendie inyi na inyi njifuadanyie.

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.