MALAKI 2:15 - Bibilia Kui Mdedie fo Kimochi

¹⁵ Aka Mndumii alemutana nyo muwawi muwe mbihu fumu na mrima fumu? Nawekusaṟie ada ili alewuta ado? Kofia nawekundi lufee wana wemindia. Kuṟisenyi mnu na mrima fose, alakoyo mndu ma umu alawode wuhendeli ko mka oke o uwanakenyi woke.

MALAKI 2:15 ပူးပေါင်းရင်းမြစ်များ

MAWOOKIONYI 1:27

Ruwa kawumba mndu kui ofano loke, nyi kui ofano lo Ruwa alewawumba; mndu msoṟo na mndu mka.

MAWOOKIONYI 2:7

Mndumii-Ruwa kawumba mndu kui kilulyi, kamwifilia mṟufu fo moo mbuonyi; mndu kawa kindo kii na moo.

MAWOOKIONYI 24:44

nao kanjiwia, Kunyoeho iyo, na ngamia tsapfo-da njechitsidahia mṟinga, icho nawe nyio mka Mndumii ateseheṟie mana o mndumii oko.’

MAWOOKIONYI 27:46

Rebeka kawia Isaki, “Mrimenyi foko njiwode siapfo kipfa kya wanawo wa kika wa Hithi. Kokoya Yakobo aduo mka kiidi kya wana wa Hithi, cha wanawa wa kika wa oruka, kiira kya moo foko nkiki?”

MAWOOKIONYI 6:2

wana wa Ruwa walewona wanawo wa kika wa wandu ke nyi wawecha; wakakudaya waka, chandu wakukundia isambuṟa.

EZRA 9:4

Kyaindi wandu walya waleicho mbonyi tsilya tsa wusutsu tsilewuto nyi wandu walya walewuya wusingenyi, wakacha ikuṟingichia na inyi alya wanda njiwedamie ko fowa ing'anyi itane kiheri kilya kewuta kidaso.

NEHEMIA 13:24

Kyenga kya wana wawo nyi walededa mdedie fo Ashdodi, Amoni na mdedie ingi walakiidime ideda mdedie fodu.

YOBU 27:3

(Kipfa moo foko fui mcha kiidi kyako, na mumuyo fo Ruwa fui kiidi kya mbuo tsako;).

IWUKA 20:14

Kulaṟuhuye.

MFANANO 2:17

Adeye mbuya ya uwanake woke, Na ihadima mkundana fo Ruwa oke.

MFANANO 4:23

Ringa mrima fopfo kota shose okeringa, kipfa mpfo kuṟukie soka tsa moo.

MFANANO 6:25

Ulalange wucha woke mrimenyi fopfo, Ma kulaidikie nakuwade na mbawa tsa meso hake.

MFANANO 7:25

Mrima fopfo fulaoshe njia tsake, Ulawone kochidetso ipfo ohendonyi loke.

KOHELETI 12:7

Na kiluli iwuuya teri chandu iwei na mumuyo iwuya na ko Ruwa alefuwuta.

YEREMIA 2:21

Inyi nyi njiwekudongie, msabibu mcha, mbeu njicha njisambuṟe; nulehaluka kuda kowa msabibu fo ngeṟenyi mesonyi hako?

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

WALEWI 20:10

“Kokoya mndumsoṟo aṟuhuya na mka o mndu o mṟasa oke, na ate wawoho wawawi.

MALAKI 2:14

Indi nyo mukahamba, “Kipfa kya iki atsileha?” Mndumii-Ruwa natsileha kipfa naichi na kamu ke nulefunja kyaasa kyapfo na mka o uwanake wopfo. Notuṟa wuhendeli koke ma chandu ulewika kyasa ko Ruwa ke nuwechiwa mhendeli koke.

MATAYO 15:19

Cha kipfa ipfo kiidi kya mrima nyi kokedo-pfo mahio mawicho na wuwahi na mbonyi tsa iṟuhuya na tsa wulala na wuiwi na madedo ha wongo hewonya mndu owingo na shirumo.

YOHANE 20:22

Adeda ado kawaomoya kawawia, “Keambuyenyi Mumuyo Mwele.

MAWUTO HA WASU 3:25

Nyo mukeri wana wa waikimbi wo na wa mkundana fulya, fulya Ruwa awewikyanyi na waku wanu kechiwia Abrahamu ke, Na oshari lopfo iyo kiidi kyalo mbaṟi tsa wandu tsii kunu masangenyi mpfondo tsecha iwikyo one tsose.

1 WAKORINTO 7:14

Kyamba msoṟo chu alai mwidiki nyi aimwilishe kui manowama chu. Shila wudo wana wanu wawei wa ngafu, indi wulalu wai waele.

1 WAKORINTO 7:2

Kya indi kyeringa wuṟuhui orio mndu nawade mka oke amonyina orio mka nakae na mii oke amonyi.

2 WAKORINTO 6:18

E-wo njechimbiia Wande nanyo mochinjiwiia wana wako wa nguo ii na ii. Lyo nyilyo Mndumii ahambe ai menyi-pfinya tsose.

WAEFESO 6:4

Nanyo mui wande mulapfulutsye wana wanu nyashi, indi muwaholotse kui wutoṟishi na wuikimbi wo Mndumii Kristo.

NGUMBUO YA MAWAWASO 7:4

Mkawuta mudo wo wechitondosha wana wanu walechiosha Mndumii-Ruwa, wawetewa wana wanu waindie maruwa hengi, na nyashi ya Mndumii-Ruwa yechicha huye yanu, naho oweṟe lumu namurumatse.

TITO 1:6

Kokoya kuwode ai mteechi, mii o mka umu, awode wana waidikye, wawode wuindi na walawode wuwichi wose.

RUTI 4:12

Mba yapfo ifanane cha mba ya Peresi, ichu Yuda alefee na Tamari kui oshari Mndumii echikuinenga kiidi kya mndu mka chu.”

1SAMWELI 2:20

Eli kawikia Elikana na mka oke mboṟa kechihamba, Mndumii-Ruwa na kusumbe wana wengi iyo Elikana ko mkachu ichu; wakae handu ha ulya kuleinenga Mndumii-Ruwa. Kiidima wakawuya na kanyi.