MALAKI 1:9 - Bibilia Kui Mdedie fo Kimochi

⁹ Wulalu ngamuwia, terewenyi osaṟio lo Ruwa, kundu namwuinenge mboṟa; kokoya kindo ki kiwukie mawokonyi hanu; ngesa Mndumii o Matoṟito nechimuidikia?

MALAKI 1:9 ပူးပေါင်းရင်းမြစ်များ

2MBONYI TSA MAHERI 30:27

Kyasia, wakohanyi na Walewi, wakaterewia wandu walya mboṟa ya Mndumii-Ruwa, nao akeri kidinyi kyake kiele ipfo ruwehu kaicho shiterewo shawo, kashiambia.

IWUKA 32:11

Mose katerewa mnu Mndumii-Ruwa, Ruwa oke kechihamba Mndumii-Ruwa, nki ili nyashi yapfo yaakya wanduwa wapfo ulewawuta kulya Misri, kui wuidimi wung'anmyi na kui owoko luwode pfinya?

YEREMIA 26:19

Ngesa Hezekia mangi ya Yuda na wandu wose wa Yuda, walewaha Mikaya? Ngesa aleindia Mndumii na iterewa Mndumii nawahoṟie na Mndumii kada nalawawutie mawicho halya alehamba kyawo? Naso luwewuta mawicho hang'anyi kiidi kya mrima yadu.”

YEREMIA 27:18

Koka wo nyi waikimbi, na koka idedo lya Mndumii lii kowo, waterewe Mndumii o Matorito ke shindo sho shiletsuhaa kiidi kya mba ya Mndumii na kiidi kya mba ya mangi ya Yuda na iya ya Yerusalemu shilahende Babeli.

SHILIO 2:19

Kio taṟaṟaa ukure ochifihiṟa. Tambaṟuya Mndumii-Ruwa kilya kikeri mrimenyi fopfo, uwemleshia mawoko hapfo ochiterewia wana wapfo, wana wapfo wakeri iuma handu hose ipfo mtandarenyi.

YOELI 2:12

“Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

YOELI 2:17

Makuhanyi na waṟundi wa Ruwa, wahoṟoke kiidi kya wandu na rasionyi wechifihiṟa na iterewa: ‘Saṟia wandu wapfo, hoi Mndumii-Ruwa odu. Kulaleke wandu walaichi Ruwa wawachilie, kipfa nyi wandu wapfo. Makulalekie wandu walaichi Ruwa wawamine na iwataluo wechihamba, ‘Oku Ruwa owo? Nai mfafa na awode pfinya pfo.’”

AMOSI 5:22

Ee, ma chando muinjiwutia mwaano yanu yemaya modonyi na ya mso yanu, njechiiambyapfo; ma njechiambya mwaano yanu ya ofoṟo na ya shuuma shinorupfo.

YOHANE 9:31

So nyi luichi ke Ruwa echiadanya wandu wanyamaṟipfo. Na msa aowoye Ruwa kawuta shilya shimchihie nyio ekyemwadanya.

WAROMA 2:11

Kyamba Ruwa ekeambuya fana ya mndu-pfo.

1PETRO 1:17

Nanyo ili muisenda Ruwa nyio Wande ichu ai modumbuya orio mndu ose mdumbuye isumhanye mawuto hake alechiambuya oshangu; Chumienyi ohendo lonu kiheri ki kitsuha mui wahenu mochiindia Ruwa.