MALAKI 1:7 - Bibilia Kui Mdedie fo Kimochi

⁷ Mukeri iwuta shelya shifanyi ngafu kitaṟenyi kyako kedasia, nanyo mkahamba, “Lokufanyitsa luda ngafu? Kipfa mohamba kitaṟa kya Mndumii kedasia nyi kindo kemina.

MALAKI 1:7 ပူးပေါင်းရင်းမြစ်များ

EZEKIELI 41:22

na rasio lya mbau. Nakyo kiwewode wuleshe wo nusu mita na wulandari wo mita (1.0). Njora tso tsake na njotende tsake nyi tsiwenjisungusie ko mbau. Nalyo mndu ulya kanjiwia, “Ii nyiyo mesa ikeri oshangunyi lo Mndumii-Ruwa.”

EZEKIELI 44:16

Iwa nyi wo wechiidima iida na mba yako wawetikiria rasionyi lyako wechinjiṟundia.

WALEWI 2:11

Mwano fo mso ifo fose fochiseheṟio Mndumii-Ruwa ilawiko mtarang'ao manyale; kyamba manya mochikoṟa mtarang'ao, maa wuki wo wosepfo kyamba nyi kidaso keseheṟia ko Mndumii-Ruwa kui modo.

WALEWI 21:6

Wechiwa waele ko Ruwa owo; manya walarume rina lya Ruwa owo, kyamba wo nyiwo wekedambika shiano shekeinengo Mndumii-Ruwa, Ruwa kui modo kelya kya Ruwa ko ikyo kiwawaṟi wawe waele.

WALEWI 21:8

Nochimanya mkohanyi ke namshimbuo, kyamba nyio ekeambia mwano fo mkate fo Ruwa opfo, nochimmanya ke namwele, kyamba Inyi Mndumii-Ruwa, Ruwa njikushimbuo iyo njii mwele;

WALEWI 3:11

Nao mkohanyi nechishirumatsa na modo huya rasio; nyi kelio kya odambiko lotikiria Mndumii-Ruwa, kui njia ya modo.

MALAKI 1:12

Indi nyo mukeri ilifanyitsa ngafu, kipfa nyi mukeri ihamba, kitaṟa kya Mndumii kii ngafu na ndunda tsake, ntso nyama, tsekemino.

MALAKI 1:13

Kake, mokehamba, ‘Ambuya chando mbonyi ii chando yalulisa wukiwa,’ Nyo mkanjipiṟa, Mndumii Menyi Matoṟito ahamba, ‘Kipfa mokeende kindo kilewoneka kui wukika, ke mwaano yanu, ngesa njishiambie mawokonyi hanu?’ Mndumii awesa.

MALAKI 1:8

Mukawuta mwano fo kindo kipfu meso chi owichopfo, ma kindo kiiriteka ang'u kiluo. Kyasia, kewuta ishi noinengie mchili opfo, ngesa na echichihiṟo nyisho? Ang'u nechikuichika ngesa? Mndumii o Matoṟito awesa.”

1 WAKORINTO 10:21

Moidima isanza inyo kirahu kya Mndumii na kya wasatanyipfo. Moidima isanza kidembo kya mesenyi ya Mndumii na kya mesenyi ya wasatanyipfo.

NGUMBUO YA MAWAWASO 15:21

Kyaindi kokoya kyumakyo kiwode tewe lyose: kiricheche ang'u njeche, ang'u tewe yose ing'anyi kulakiwute kiwe mwano ko Mndumii-Ruwa, Ruwa opfo.