MALAKI 1:3 - Bibilia Kui Mdedie fo Kimochi

³ Kyaindi Esau ngamsuo na ihaluo fumvu lyake liwe wukiwa, kyoṟa kyake ngainengia mapara ha nuka.

MALAKI 1:3 ပူးပေါင်းရင်းမြစ်များ

MAWOOKIONYI 25:23

Mndumii kambia, Mbaṟi tsiwi tsa mkambo tsikeri ipfo wusunyi wopfo. Mbaṟi tsiwi tsa wandu tsechipaṟakana wokia wusunyi wopfo. Mbaṟi imu yechiwa ngohoda kota ya kawi, Ang'anyi nechisingia mtutu.

YESAYA 35:7

Mlelya fowaa cha mṟinga fochiwa nduwa ya mṟinga, na oruka luangari lochiwa soka tsa mṟinga; kanyi ko mapara kundu hekelaa, kochiwada maṟa hamu na shiwale na natsi.

YEREMIA 49:10

Kyaindi njilesoka Esau orio kindo, ee da, ngashukuo maowionyi hake, ma echiidima iowase pfo. Wana, wa wamae na wamṟasa wake walerumatso; kuwode ma umu aledeo-pfo.

YEREMIA 49:20

Ko ikyo, adanyienyi oloho loko inyi Mndumii-Ruwa, njiluteseheṟie kya Edomu hamu na mbonyi tsilya njiweṟeheṟie, iwutia wandu wa Temani: Na kya lohi, wana wawo watutu wechikuruyo na idao; nyi lohi kochiwada ikangaṟika ling'anyi kiidi kya handu ekekaa.

YEREMIA 49:33

Mṟi fo Hazori fochiwa kanyi ko mapaara, kuwode echikaapfo pfo, na ihaluo handu ha kikaya.”

YEREMIA 49:7

Kirianyi na Edomu. Mndumii-Ruwa menyi matorito nahamba adi: “Ngesa, kuwode wulaanyi mṟinyi fo Temani? Ngesa, iwo waṟango wawode kindo se? Wulaanyi wudekie piu?

YEREMIA 49:8

Dichenyi nyo wandu wa Dedani. Halukenyi muhende ikaa maowionyi! Kipfa njimuendie orumatso nyo wana wa Esau.

YEREMIA 51:37

Babeli yechiwa sohu ya mba tsiwundukie kanyi komapara, yechiwa kindo kilawaṟi na cha kindo kepiṟo na itahika; kochikao nyi mndu pfo.

YEREMIA 9:11

Na inyi njihaluo Yerusalemu mrapu, kuwe kanyi ko mapara; njechihaluo mṟi ya Yuda iwenjisame, kulechilao nyi mndu.

SHILIO 4:22

Ngapo ya wunyamaṟi wopfo iyo Sioni nyi yaawukia, Mndumii-Ruwa echikuduose wusingenyipfo. Kyaindi iyo Edomu, Mndumii nechimukapa, na nyi echiloṟa wunyamaṟi wonu.

EZEKIELI 36:7

Kyamba Inyi Mndumii-Ruwa nyi ngahamba njidi: Ngalya nyamu ke wandu wo wa mkambo wakeri mṟasenyi na iyo nyi wechihenda irumo wo wawenyi.

EZEKIELI 36:9

Kyamba inyi nyi njikeri ora lonu njechimuhalukia muwehendase idemio na iwayo mbeu.

YOELI 3:19

“Misri yechiwa njisame, Edomu yechiwa nuka ya msanga, kipfa walepufukia wandu wa Yuda; na iwaha wandu walawode mti.

OBADIA 1:10

Kipfa kya wukika manomayo alewutyo Yakobo, sonu tsechikushikia, na iyo nochidetso mlungana.

LUKA 14:26

“Mndu kacha na koko, alasuo ndee na mae na mka na wana wake na wanawamae wa kyumi na wa kika na mrima foke amonyi, echiidima iwa mloshe okopfo.