MAITALA 8:8 - Bibilia Kui Mdedie fo Kimochi

⁸ Numa wawute ipung'a limu likoho handu hamu na kidaso kyake kya mso, mmamiri fumlongelonge na mafuda; na iyo noire ipung'a lingi likoho liwe kidaso kewutaho wunyamaṟi.

MAITALA 8:8 ပူးပေါင်းရင်းမြစ်များ

IWUKA 29:1

Na iyo wawutie mbonyi tsi, iwaheṟemtsa, waidime injiṟundia inyi kunu iṟundenyi lya wukohanyi; ira ihache limu lya ipung'a, na masuwa hawi halawode kifaṟe,

IWUKA 29:3

Na iyo noshiwike shose kikapunyi, noshiende kikapunyi, handu hamu na mmbeyo, na masuwaho hawi.

YESAYA 53:10

Kikachihiṟa Mndumii, kamlisa wukiwa, karihinyika; Ilindi echihaluo moo foke kidaso kya wunyamaṟi, nechiwona wa oshari loke, nawade moo mleshe. Shilya Mndumii akundi shechihoya owokonyi loke.

WALEWI 1:3

“Shiinengo shake kokoya nyi kidaso kemaya modonyi kya mmbe, nechilekia pung'a njiheṟemtsu; nechiende na alya mongo fo ihema lyesanzia, kundu naidikio oshangunyi lo Mndumii-Ruwa.

WALEWI 16:3

Aronyi nechiida na handu haele arie shindoshi; pung'a ya mmbe njikoho mwano fowuto wunyamaṟi, na isuwa, kidaso kekoṟa.

WALEWI 2:1

Na ili mndu echiinenga Mndumii-Ruwa, mwano fo kidaso kya mso, mwanofo foke fochiwa mso mmamiri, nao nechifuletsia mafuda, na ihekiaho ubani huyafo;

WALEWI 4:14

ili wunyamaṟi wo wochimanyika ke womewuto, nlyondi mamiingifo wechilekia pung'a njikoho iwe kidaso kya wunyamaṟi waiende sumhana na ihema lesanzia.

WALEWI 4:3

kokoya mkohanyi mshimbuo kawuta wunyamaṟi kaendie wandu mti; nalekie kipfa kya wunyamaṟi woke alewuuta pung'a ntutu njiamtsu nasembeṟie Mndumii iwe mwano fo wunyamaṟi.

WALEWI 8:2

“Ira Aroni, handu hamu na wana wake, na maṟao halya, na mafuda heshia, na pung'a ya kidaso kya wunyamaṟi, na masuwa hawi, na kikapu kya mkate ilantarang'ashe;

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.