MAITALA 8:12 - Bibilia Kui Mdedie fo Kimochi

¹² Numa Walewi wahekie mawoko hawo huya mdo ya pung'atso; ipung'a limuho noliwike liwe kidaso kewuta wunyamaṟi, na ilyo lingi liwe kidaso kemaya modonyi, kundu liwiie Walewi kisanza.

MAITALA 8:12 ပူးပေါင်းရင်းမြစ်များ

IWUKA 29:10

Numa nochiende ipung'alyo na nja ya ihema lyekusanzia; na Aroni na wana wake wechihekia mawoko hawo huya mdo folyo.

WALEWI 1:4

Numa nahekie owoko loke huya mdo fo kidasokyo kemaya modonyi; nakyo kechiidikio kipfa kyake, iwika kisanza kipfa kyake.

WALEWI 14:22

Naende mbuna tsiwi angu malea hawi ha mbeta chandu aidima ihawona; ilyo lyimu lyechiwa mwano fo wunyamaṟi na ilyo lya kawi lyiwe kidaso kekoṟa.

WALEWI 16:11

“Na Aroni nechisembeṟia mmbe ya mwano fohoṟio wunyamaṟi, iyo ii kipfa kya mrima foke, na iwika kisanza kipfa kya mrima foke amonyi, na kipfa kya mba yake; nao nechishinja mmbe iya ya mwano fohoṟio wunyamaṟi ii ya mrima foke.

WALEWI 16:21

Na Aroni nechihekia mawoko hake hawi huya mdo fo mburu iya ii na moo, na itochia huyayo mawicho hose ha wana wa Israeli, na madeko hawo, ee-da njonyamaṟo tsawo tsose; nao nahawike huya mdo fo mburu iya; numa naiduo nahende nayo nuka ilawode mṟinga kui owoko lo mndu akuṟeheṟie.

WALEWI 16:6

“Aroni nechiwuta mmbe iya ya mwano fohoṟio wunyamaṟi, kui kipfa kya mrima foke, na iwika kisanza kyake amonyi na kya mba yake.

WALEWI 4:15

Numa wameku wa mamiingifo wahekie mawoko hawo mdohu fo pung'ayo oshangunyi lo Mndumii,

WALEWI 4:20

Nyi wudo echiwutia ipungali chandu alewutia pung'a ya kidaso kya wunyamaṟi na wudo echiwutia ipung'ali, nao mkohanyi nechiwawikia kisanza, nawo wechihoorio.

WALEWI 4:35

Numa naire mafuda halyo hose, chandu mafuda ha ihuṟuwi hekewuto kiidi kya kidaso kya ofoṟo; naho mkohanyi naharumatsie rasionyi huya kidaso kekoṟa, kui chandu kiwari shidaso sha Mndumii shileseheṟio modonyi, na mkohanyi nechiwika kisanza kipfa kya wunyamaṟi woke alewuuta, nao nechihoṟio.”

WALEWI 4:4

Nao nechiende pung'a yo naiwike alya mongo fo ihema lesanzia oshangunyi lo Mndumii; nao nechehekia owoko loke huya mdo fo pung'a yo, na iishinjia oshangunyi lo Mndumii.

WALEWI 5:7

Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

WALEWI 8:14

Kiidima kaende ipung'a lilya lya kidaso kya wunyamaṟi; Aroni na wana wake wakahekia mawoko hawo mdohu fo mmbeyo ya kidaso kya wunyamaṟi.

WALEWI 8:15

Nahong'u kaishinja; Mose kaira samu yayo kashia na kimnyo kyake ndumba tsa rasio lilya njora tsose, kaheṟemtsa rasio, numa kapusiya samuyo alya wanda ya rasio kaiheṟemtsa, kundu nawike kisanza kui kipfa kya ikyo.

WALEWI 8:18

Numa kasembeṟa isuwa lilya lya kidaso kemaya modonyi; Aroni na wana wake wakahekia mawoko hawo mdohu fo isuwalyo.

WALEWI 8:34

Na wudo chandu kyawutika inu; nyi wudo Mndumii alewawasia kiwuto, kiheri kewika ishimbuo lyanu.

WALEWI 9:7

Mose kawia Aroni, “Tikiria rasio, nowute kidaso kyapfo kya wunyamaṟi na kidaso kyapfo kekoṟa, nowike kisanza kyapfo iyo kumonyi, na kya wandu; na iyo nowike kidasokyo kya wandu, nowike kisanza kipfa kyawo, chandu Mndumii alewawasa.”

MAITALA 6:14

nainenge Mndumii-Ruwa shindo shake sha nnga: kichoondi kimu kya kisuwa kya maka fumu kilawode tewe kiwe kidaso kemaya modonyi; kichoondi kimu kya kihuṟuwi kya maka fumu kilawode tewe kiwe kidaso kewuta wunyamaṟi; na isuwa limu lilawode tewe liwe kidaso kya ofoṟo.

MAITALA 6:16

“Mkohanyi nechiinengia Mndumii-Ruwa shindoshi shose handu hamu na mwano foke fo wunyamaṟi na kidaso kyake kemaya modonyi.

MAITALA 8:13

“Numa nohoṟotse Walewi oshangunyi lo Aroni na wana wake na iwaende na oshangunyi loko cha mwano fokuchakucha.

MAITALA 8:8

Numa wawute ipung'a limu likoho handu hamu na kidaso kyake kya mso, mmamiri fumlongelonge na mafuda; na iyo noire ipung'a lingi likoho liwe kidaso kewutaho wunyamaṟi.

WAEBRANIA 9:22

Kala nyi kufui shindo shose shekeilisho na samu woidikya wuwawaso; na shila samu yapusuo kowonyo mhoṟyepfo.