MAITALA 6:23 - Bibilia Kui Mdedie fo Kimochi

²³ “Wia Aroni na wana wake ke nyi wudi wechiwikia Waisraeli mboṟa: Mochiwawia.

MAITALA 6:23 ပူးပေါင်းရင်းမြစ်များ

MAWOOKIONYI 24:60

Wakawikia Rebeka ona, wakahamba, “Mshiki odu Rebeka, nowe mae o wana shiku ikumi kashiku shifoi, na ufee wopfo wochioṟa mongo fo iwo wawasuo.”

MAWOOKIONYI 47:10

Yakobo kawikia Farao mboṟa kawuka oshangunyi lo Farao.

MAWOOKIONYI 47:7

Yosefu kaitsa ndee Yakobo na mba kammbika oshangunyi lo Farao; Yakobo kawikia Farao mboṟa

MAWOOKIONYI 48:20

Kyasia Israeli kawawikia mboṟa mfiri fulya kechihamba, “Kiidi kyanu Waisraeli wechiwikia mboṟa, wechihamba, “Ruwa nakuwutie cha Efraimu na cha Manase.” Naho Israeli kawika Efraimu kusonguo ko Manase.

1WAMANGI 8:55

Kahoṟoka kiidima kawikia Waisraeli ona walya wose wawesanzieho, kechihamba kui ṟu ling'anyi.

1MBONYI TSA MAHERI 23:13

Na Amramu mana mmbee o Kohathi kafee Aroni na Mose. Aroni na wa luwa lyake wakainengo iṟunda lyeringa shihia shiele shose. Wakaṟundia Mndumii-Ruwa, wechiwuta shidaso koke, na iwikia wandu mboṟa kui rina lya Mndumii.

2MBONYI TSA MAHERI 30:27

Kyasia, wakohanyi na Walewi, wakaterewia wandu walya mboṟa ya Mndumii-Ruwa, nao akeri kidinyi kyake kiele ipfo ruwehu kaicho shiterewo shawo, kashiambia.

IWUKA 39:43

Mose kaambuya iṟundalyo lyose, kawona ke walewuta chandu Mndumii-Ruwa alewawasa. Kyasia kawawikia ona.

MAITALA 6:22

Mndumii-Ruwa kawia Mose,

WAROMA 1:7

Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.

1 WAKORINTO 1:3

Wutonga wukae nanyo na ofoṟo shiwukye ko Ruwa Wande odu na ko Mndumii Yesu Kristo.

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

NGUMBUO YA MAWAWASO 10:8

Kiherikyo Mndumii-Ruwa nalesambuṟa wandu wa kishari kya Lewi wawe wekudika isanduku lya mkundana lya Mndumii-Ruwa, wamṟundie cha wakohanyi na iwikia wandu mboṟa kui rina lyake mṟasa inu kudi.

NGUMBUO YA MAWAWASO 21:5

Kiwaṟi Wakohanyi wa kishari kya Lewi nokoe wakeriho. Mndumii-Ruwa, Ruwa onu, nalewasambuṟa wamṟundie na iwikia wandu mboṟa kui rina lyake. Wo daa wawode pfinya ko orio kindo na wungarama.

NGUMBUO YA MAWAWASO 33:1

Ii nyio mboṟa Mose, mndu o Ruwa, alewikia Waisraeli alamepfa. Nalehamba:

WAEBRANIA 7:1

Na Melkisedeki cho awei mangi ya Salemu mkohanyi o Ruwa ichu o huyashose. Nao kahenda yambya Abrahamu ili indi alewuka ngapanonyi iya yewinza wamangi walya, kamkumbuhana kembikya ona.

WAEBRANIA 7:7

Indi kii-ho kilechiwa iteshuo nyi kikeri kidi, ke kilya kii kitutu kyo kyechiwikyo ona nyi kilya king'anyi.

YOSHUA 8:33

Kyasia Waisraeli wose handu hamu na wanene wawo, wameku, wa wachili, na wahenu wose wawei kiidi kyawo, wakahoṟoka njora tsose oshangunyi lo isanduku lilya lya mkundana lya Mndumii-Ruwa, oshangunyi lo wakohanyi wa Kilewi wawekudikie isanduku lya mkundano lya Mndumii-Ruwa. Kyenga kya wandu wo wakahoṟoka oshangunyi lo fumvu lya Gerizimu na kyenga kingi oshangunyi lo fumvu lya Ebali, kiwekuwia chandu Mose mṟundi o Mndumii-Ruwa awewawasie ili lya mboko lya iwikia Waisraeli mboṟa.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

2YOHANE 1:3

Wutonga na osaṟio na ofoṟo shiwukye ko Ruwa Wande shikae naso ipfo kundo kii-lohi na kikunda shikeri.