MAITALA 6:12 - Bibilia Kui Mdedie fo Kimochi

¹² nao nawekuwika mshimbuo ko Mndumii-Ruwa kui mkonu yake yekuletsana na wengi. Mkonuyo ileida yechiitalopfo kipfa kya njui tsake tsiwei njishimbuo tsileterefutso. Nechiwuta kichondi kya kisuwa kya maka fumu kiwe kidaso kya mti.

MAITALA 6:12 ပူးပေါင်းရင်းမြစ်များ

IWUKA 12:5

Kichondi kyanu nokoye kilawode tewe, kisuwa kya maka fumu; mochimmbuta ponyi lya machondi ang'u mburu.

EZEKIELI 18:24

“Kyaindi ili mandi mndu o wusumuhanyi echihenda ida iwuta sha wusumuhanyi, kahenda iwuta mawuto mawicho hafananyi na walya wawuta mawicho, ngesa nechihenda ikaa na moo?” Ote! Kyamba mecha halya hose awewutie hechihenda ihadimo. Kyaindi kipfa kya mawuto ho mawicho halai ha wusumuhanyi ahenda iwuta nechihenda ipfa.

WALEWI 14:24

Na mkohanyi nechiira ichoondilyo lya mwano fo wunyamaṟi, na shienga shiṟaṟu sha mafuda, na mkohanyi nechishikuchakucha shiwe mwano fokuchakucha oshangunyi lo Ruwa menyi wuitoṟi.

WALEWI 5:6

nao nechiendie Mndumii mwano foke fo mti kipfa kya wunyamaṟi woke alewuta, huṟuwi ang'u suwana kuwuka mfiṟihenyi foke, kiwe nyi mwano fo wunyamaṟi numa mkohanyi nammbutie kisanza kipfa kya wunyamaṟi wo woke.

WALEWI 5:7

Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

MAITALA 6:11

Mkohanyi nawute imu iwe kidaso kewuta wunyamaṟi, na ingi iwe kidaso kemaya modonyi, nao nammbutie kisanza, kipfa kya ili awuta wunyamaṟi wo mnying'a. Mfiri na ifo echishimbuo mdo foke,

MAITALA 6:13

“Ilyi nlyo iwawaso lya msa awikie kiasa kameawutsia kiheri kyake kekushimbuo: Nechiendo na mongo fo ihema lyesanzia,

MATAYO 24:13

Kyaindi ichu mokarishya-ho kaweda nashike ili masiyonyi nyio echikiṟo.

MATAYO 3:15

Yesu kahaluo kambia, “Ikyo kudee wulalu, nyi wudo kiluwaṟi, kundu luawutsie mbon tsa wusumhanyi tsose.” Nalyo kakumdeea.

YAKOBO 2:10

Kyamba ili mndu akuwode na wuwawaso wose indi kafunja ili limu nyi mtahachi motahachya hose.

2YOHANE 1:8

Kuṟisenyi-ng'u-wo muwenyi mulawone mohenda idetsa shilya muleshiwinya, kya indi mushike yambya kya wuṟundi wonu welu.