MAITALA 5:22 - Bibilia Kui Mdedie fo Kimochi

²² Mṟingafu fuendie oseso fukeida na ndeunyi yapfo na ikuhaluo mhumba na ndeu yapfo ishimbe.” Nao mndu mkacho naidikie kechihamba, “Amenyi, Amenyi.”

MAITALA 5:22 ပူးပေါင်းရင်းမြစ်များ

SHIIMBO SHA DAWIDI 109:18

Naleṟaa oseso cha ili nyi ṟao lyake. Lukaamwida na ngoonyi cha mṟinga, Na cha mafuda mafuonyi hake.

SHIIMBO SHA DAWIDI 41:13

Wulalu naṟumisho Mndumii, Ruwa o Israeli, wokia kacha na kacha. Amenyi na Amenyi.

SHIIMBO SHA DAWIDI 72:19

Rina lyake inene lichiko mlungana, wuyana wose wuichuo wuitoṟi woke. Ameni na Ameni.

SHIIMBO SHA DAWIDI 89:52

Kuichiko Mndumii mlungana! Ameni! Ameni!

MFANANO 1:31

Wechilya ndunda tsa ohendo lowo, Wechiihuda chila tsawo wawenyi.

EZEKIELI 3:3

Nalyo kanjiwia, “Iyo mndu lya kitapu ki njikeri ikuinenga, nokuihutse nyi kyo.” Koikyo ngakiambia ngakilya, nakyo kikaloda cha wuki dumbunyi lyako.

MAITALA 5:23

Numa mkohanyi naṟehie njosesotsi kitapunyi natsisanjie kulya mṟingenyi futarang'ae;

MAITALA 5:27

Kamemaa inyo, kokoya nawekuterefutsie kui iṟuhuya, mṟingafo fokeende oseso fochimwendie mawawio hang'anyi mnu; mbihunyi foke, fochishimba na wusu woke wochinyamaṟika. Mndu mkacho nechiwa oseso ipfo ko wandu wake.

YOHANE 3:11

Kya lohi na lohi ngakuwia, Kilya lomemanya nakyo lochekehamba na kilya lomewona nakyo lochekeongwo kya iṟingishya lyadu. Na kiṟingishyo kyo kyadu nyo mulakiidikye.

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 6:53

Nahong'u Yesu kawawia, “Nyi lohi kya lohi ngamuwia, Mukada mulalya nyama tsa Mana chu o mndu na inyo samu yake mochikaa ma na moo fu mufuriepfo.