MAITALA 4:15 - Bibilia Kui Mdedie fo Kimochi

¹⁵ Aroni na wana wake wakameshikia Handu Haele na shihia na nzohoṟa tsasho tsose, wakuṟeheṟie iwooka kyaṟo, nlyondi wandu wa kishari kya Kohathi wechicha washikudike. Kyaindi wo wawode momu manyanta fopaaya shihiasho shielepfo, walashike ipfa. Ilyo nlyo iṟunda lya kishari kya Kohathi orio mandi ihema lyekusanzia lyamesamiṟo.

MAITALA 4:15 ပူးပေါင်းရင်းမြစ်များ

2SAMWELI 15:24

Mṟundi o Ruwa Abiathani na Zadoki wakacha handu hamu na Walewi wose wakacha wakudikie isanduku lilya lya mkundano fo kacha fo Ruwa, wakalileṟia wanda, wakatirima mṟasa wandu wose wakamarisa iwuka nja ya mṟi fulya.

2SAMWELI 6:13

Dawidi katirimisha waskari walya wawerie isanduku lya Mndumii wamemarisa ichumia madende haṟandaṟu kusonguo koke; kawikia Ruwa kidaso kya ipung'a na ihache limu linoru.

1WAMANGI 8:3

Wasongoru wa wandu wa Israeli wakacha, Wakohanyi na Walewi wakaira isanduku lilya.

1MBONYI TSA MAHERI 15:15

Kyasia, Walawi wakakudika isanduku lilya makosonyi hawo, lyilee kitaṟenyi kya mashidi chandu Ruwa awewawasie Mose.

1MBONYI TSA MAHERI 15:2

Nahong'u Dawidi kahamba, “Kuwode mndu ungi awode momu fo iira isanduku lyi lya mkundana sile na Walawi tupu pfo; iwa wawasambuṟe nyi Mndumii waire isanduku lyo, na iindia Mndumii mlungana.”

1MBONYI TSA MAHERI 23:26

Koikyo kuwewode se kitewe kya Walawi kesamira se ihema liele na shindo sheadapfuma Mndumii-Ruwa, iwuka handu hamu na kungi orio mkonuse-pfo.”

IWUKA 19:12

Na iyo nochiwawikia oṟiho wanduwo njoora tsose, kochiwawia, ‘Kuṟisenyi, muladoe fumvu lyi, manya mulalyiwade, manya oṟiho lolyo; orio mndu echipaya fumvulyi, na kikaki na nawoho.’

IWUKA 19:21

Nlyondi Mndumii-Ruwa alewia Mose, “Soka na seri noikimbe wandu walashike ipahuo njia wache, iambuya Mndumii-Ruwa, numa wapfe; kiidi kyawo waarisike.”

IWUKA 27:7

Na mashidiho nohawike kiidi kya pete, na mashidiho hechikaa njora tsiwi tsa rasio; kiheri keduo rasiolyo.

WALEWI 16:13

Kiidima nawike uvumba wulya huya modo oshangunyi lo Mndumii, kundu mtsu fo uvumba wulya fuowishe kidi kya osaṟio kii huye ya wuṟingishi, nalashike ipfa.

MAITALA 1:50

indi nochiwasahuo wawe weambuya ihema lya lyekoyanyia, shihia shalyo shose na orio kindo kiipfo kyose; wechiwamolikudika handu hamu na shihia shalyo shose. Wechiṟundia ipfo mba nawo wawike mahema hawo walitengetie.

MAITALA 1:51

Na kingise kiheri kekuṟuo ihema Walewi nyiwo wechilikuṟuo na kiheri keilika ihema na Walewi nyiwo wechilihoṟotsa.

MAITALA 10:21

Numa wakaituma wandu wa mba ya Kohathi wakudikie shihia shiele. Wekiafukia wakakoya ihema lyamemariso ihoṟotso.

MAITALA 18:3

Wo wechiṟunda maṟunda ha ihema ochiwahawia na ihaawutsia. Kyaindi wawode momu fopaaya shihia sha ihemenyi liele manya itikiria rasionyipfo, walache ipfa, na iyo nowepfa daa.

MAITALA 3:38

Mose na Aroni na wana wawo welekundika iwika kambi lyawo mbele ya ihema liele ora lo ngamenyi iambuya kundu mnengeṟi fokedo. Iṟunda lyawo nyi iwuta mṟumo ipfo handu haele fo ikyo kyose kipfa kya Waisraeli. Orio mndu ungi oose echiwuta isho, kimbari nawoho.

MAITALA 4:14

Huye yake wawikeho shihia shose shekeṟunda rasionyi kiheri kya mwindie: mhado, menya, njoliko na mamboṟiko. Washikie na njonyi njimamiri ya mburu na ioṟoṟowishapfo mshamo yelikudika.

MAITALA 4:19

Kyasia kundu walacheipfa kipfa kya itikiria kufui na shihia shiele mnu; nyi wudi ochiwika: Aroni na wana wake wechiida na mba, na ihawia orio umu kindo echiṟunda.

MAITALA 4:20

Kyaindi wa kishari kya Kohathi wechiida na mba iambuya shindo shii shiele mnu mantapfo; wakawuta wado wechipfa.”

MAITALA 7:9

Kyaindi Mose nalainenge Wakohathi kindo kyose kyamba wo wawei waringi wa shindo shiele sa shiwewaṟi shikudiko makosohu hawo.

NGUMBUO YA MAWAWASO 31:9

Kyasia, Mose kaṟehia iwawasolyo, kainengia Wakohani wa kishari kya Lewi wawei wadambikie ikudika isanduku lya mkundano fo Mndumii-Ruwa na wameku wose wa Waisraeli.

YOSHUA 4:10

Wakohanyi walya wawekudikie isanduku lilya lya mkundana nyi walehoṟoka makidi hawi ha meda fulya itane orio kindo Mndumii-Ruwa alewia Yoshua nawie wandu nalyo Yoshua kawewawia chando Mose alembia. Nalyo wandu wakapfuṟukana iambada.

1SAMWELI 6:19

Mndumii-Ruwa nalewaaha wandu makumi mfungade wa mṟifu fo Beth-shemeshi, kipfa kya ili waleambuya kulya isandukunyi lyake. Wandu wakawika kilio kipfa kya ili Mndumii-Ruwa aletana wuwahi wung'anyi wudo kiidi kyawo.