MAITALA 32:4 - Bibilia Kui Mdedie fo Kimochi

⁴ oruka lulya Mndumii-Ruwa aleluwada kipfa kya mamiingi fo Waisraeli, luilucha ko shuma, naso luwode shuma shifoi mnu.

MAITALA 32:4 ပူးပေါင်းရင်းမြစ်များ

1MBONYI TSA MAHERI 4:41

Kiheri kya mangi Hezekia o Yuda, wandu wo sa marina hawo hamaṟehiye oo huye, walehenda kulya Gedori, na irumatsa mahema na mba tsa Wameuni wawekekaa-pfo; wakawingia wandu walya, nawo wakakaa handu hawo mṟasa inu, kipfa kuwewode handu hecha helisa machondi hawo.

YEREMIA 50:19

Njechiwihiṟa Waisraeli orukenyi lowo, nawo wechilya shilimu shechidemo fumvuhu lya Karmeli na Bashani waweihuda kando kawukie mafumvuhu ha Efraimu na Gileadi.

MIKA 7:14

Ruwa, ringa wandu wapfo na olio lopfo, ringa iwo wa po lyapfo kumonyi iwo wai wawenyi, kundu ko ngeṟa wai waṟingichie nyi teri iwode sari. Uwalise na iwaringa chandu ulewuta ili mboko, kiidi kya Bashani na Gileadi.

MAITALA 21:24

Kyaindi Waisraeli walembaha kui oshu luwawo, wakaduo oruka loke, wokia meda fo Arnoni mṟasa meda fo Yaboki, mṟasa orukenyi lo Waamoni; na mṟasa fo oruka lo Amoni fuwekeringo mnu nakamu.

MAITALA 21:34

Kyaindi Mndumii-Ruwa kawia Mose, “Kulamwouo, kipfa ngamemmbika mawokonyi hapfo handu hamu na wandu wake wose na oruka loke lose. Nochimwutia chandu kulewutia Sihoni mangi ya Waamori, awekekaa Heshboni.”

MAITALA 21:35

Kyasia Waisraeli wakawaha Ogu, wana wake na wandu wake wose, walade mndu ma umu, numa wakaduo oruka lulya loke.

MAITALA 32:5

Kokoya mochiidikia lomuterewa muluinenge orukalo luwe lodu; mulaluambatsie mataya ya meda fo Yordani.”

NGUMBUO YA MAWAWASO 4:38

Kafuna oshangunyi lonu mkambo ing'anyi iwode pfinya kota nyo, kundu namuende na imuinenga oruka lowo luwe kioṟa kyanu, chandu kikeri wulalu!