MAITALA 28:7 - Bibilia Kui Mdedie fo Kimochi

⁷ Mwano fo mvinyo fochiwuto handu hamu na orio ichondi na lita imu ya mvinyo. Nochiletsia mwanofu fo kindo kenyo kenanza handu haele.

MAITALA 28:7 ပူးပေါင်းရင်းမြစ်များ

IWUKA 29:40

Na handu hamu na ichondi limu nochiwuta mboṟiko tsiṟaṟu tsa mso mcha fulonganyi na mafuda hamahuo, cha mboṟiko imu na robo; na mvinyo mboṟiko imu na robo, kiwe mwano fo kindo kenyo.

IWUKA 29:42

Kechiwa nyi kidaso kemaya modonyi mlungana ko orio wufee wonu wose osehu lo ihema lilya lyekusanzia oshangunyi lo Mndumii-Ruwa ili njechikoyana nanyo, kundu njidedeho na iyo.

IWUKA 30:9

Mochidutsiaho uvumba wuhenupfo, manya kidaso kekoṟapfo, manya kidaso kya msopfo, manya mochiletsiaho kidaso kya kindo kenyopfo.

YESAYA 57:6

Ohawi lopfo lui kiidi kya pichi lya maho mapaṟepaṟe ikyo nolewona kui kuṟu kuhya; noleletsia kidaso kya mṟinga kowewika na mwano fo mso; ngesa njiwekutsia na isho uletana?

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

YOELI 1:9

Kuwode mso ma mvinyo fo dasia hekalunyi lya Mndumii-Ruwa pfo; Makohanyi, waṟundi wa Mndumii-Ruwa, wasumukia.

YOELI 2:14

Nyiu iaichi? Kofia Ruwa nechiidima imusaṟia; na imuinenga mboṟa tsa mademehu, mumnenge shidaso sha mbeu na shenyo.

WALEWI 1:9

Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.

WALEWI 23:13

Handu hamu na kidasokyo mochilekia mwano fo mso shilo shiwi sa mso mmamiri fumlongelonge na mafuda sa mochinjiinenga Inyi Mndumii-Ruwa, kui modo, na mpfaamo fofo fochinjichihiṟa. Mwano foyo fo kindo kenyo nyi mpfinyo lita imu.

MAITALA 15:10

handu hamu mwano fo mvinyo, lita tsiwi tsa mvinyo, na isungusia mpfaamo mcha mwano fuchihiṟie Mndumii-Ruwa.

MAITALA 15:5

handu hamu na mvinyo fo mwano fo mvinyo lita imu shindosho shechiduana na orio kyuma ichondi ang'u mburu kii nyi kidaso kekoṟa.

MAITALA 15:7

handu hamu na mwano fo mvinyo, mvinyo lita imu na kienga, isungusia opfaamo lucha mwano fuchihiṟie Mndumii-Ruwa.

MAITALA 28:14

Kiheo kya mwano fo kindo kenyo kikundikie nyi lita tsiwi tsa mvinyo ko orio ipung'a; lita imu na kienga ya mvinyo ko orio isuwa, na lita imu ko orio kisuwa kitutu. Ifu nyifo mwano fokoṟa modonyi fo orio meri ko maka fose.

MAITALA 28:31

Mochilekia shindoshi na mwano fosho na mvinyo; na mwano fulya fokoṟa modonyi chando mwichiwie.”

MAITALA 28:6

Ifu nyi mwano fo orio mkonu fochimayo modonyi nakamu, sa fochiwuto kamba lya kuwoka kulya fumvuhu lya Sinai cha mwano fo kelya, opfaamo lucha sa luchihiṟie Mndumii-Ruwa.

MAITALA 28:8

Kiheri kya kyukanyi nochiende ichondi lilya lyingi cha lilya lya ngamenyi lyemaya modonyi; mwano fo mso na cha mwano fo mvinyo; fuwode opfaamo lucha luchihiṟie Mndumii-Ruwa.”

WAFILIPI 2:17

Kya indi ma kokoya samu yako yashika ihenda yoolo yechidasyo wuidiki wonu na iwupfuṟukanya na ngachihio ngawechihio hamu nanyo mose.