MAITALA 27:21 - Bibilia Kui Mdedie fo Kimochi

²¹ O necheadanyia mkohanyi Elieseri msa njechimmanyisha shindo shako njikundi kui iho lya oloho. Iho lya oloho: ‘Urimu, iho lyemanyisha mkohanyi kindo Ruwa akundi?’ Nyi wudo Elieseri echiloṟa Yosua na mamiingi fo Waisraeli fose handu wawuka na handu waihenda.”

MAITALA 27:21 ပူးပေါင်းရင်းမြစ်များ

1SAMWELI 28:6

Kiheri aleterewa Mndumii-Ruwa, Mndumii-Ruwa alededa nao manyalepfo ma kui ndodo ma kui maho hededapfo Urim na Thummim, ma kui waikimbipfo.

YOSHUA 9:14

Kyasia, Waisraeli wakaambia shelya shilya shawo, manya walawese idedo ko Mndumii-Ruwa.

IWUKA 28:30

Na iyo nowike Urimu na Thumimutso ipfo iṟaonyi lya kipeeta lya mdumbuye; natso tsechikaa huya mrima fo Aroni, ili echiida na mba oshangunyi lo Mndumii-Ruwa; nao Aroni nechiduo mdumbuye ya wanawo wa Waisraeli huya mrima foke oshangunyi lo Mndumii-Ruwa kiheri kyose.”

NEHEMIA 7:65

Koikyo mangi mnene kawawia wawode momu foilya shelya shilya sha haele mnu-pfo mṟasa kuche mkohanyi awode Urimu na Thumimu.

EZRA 2:63

Mnene ulya o wa Yuda kawia wakohanyiwo ma walalye shindo shilewuto shidaso ko Ruwa mṟasa kuchepfo mkohanyi echiidima iwuta otambahaluo ko Urimu na Thumimu.

1SAMWELI 30:7

Dawidi kawia mkohanyi Abiathari mana o Ahimeleki, “Njiendie kisibau kya mkohanyi.” Abiathari kamwendie.

1SAMWELI 23:9

Kiheri Dawidi aleicho ke Sauli nakuṟeheṟie iki kiwicho wicho icha ikapana nao, kawia mkohanyi Abiathari, “Ende na iya kisibaukyo kya ukohanyi.”

WACHILI 20:23

Kyasia Waisraeli wakado huye, wakafihiṟia Mndumii-Ruwa mṟasa kyukanyi. Kiidima wakaterewa mbonyi ko Mndumii-Ruwa. “Ngesa luhendese ikapana na wodoyadu wa kishari kya Benyamini?” Mndumii-Ruwa kawahaluo, “Hendenyi ikapana nawo.”

WACHILI 20:18

Waisraeli wakahenda Betheli iwesa ko Ruwa, kundu wamanye kishari kechisonguo ihenda ikapana na wandu wa Benyamini. Mndumii-Ruwa kahamba kishari kya Yuda kiwoke.

WACHILI 1:1

Yoshua amepfa, Waisraeli wakawesa Mndumii-Ruwa, “Mndumii-Ruwa nyi kishari kiha kyechiwoka ihenda ikapana na Wakanaani?”

NGUMBUO YA MAWAWASO 33:8

Kya kishari kya Lewi, nalehamba: “Hoi Mndumii-Ruwa keinenga Lewi oloho lopfo na Wu-Ruwa, oloho lopfo lo ruwehu ko wahendeli wapfo, walya kulewahesha kulya Masa.

MAITALA 27:17

sa echiwasongoya na iwaloṟa mbonyitso tsawo tsose, walashike iwa cha machondi halawode mlisi.”

WALEWI 8:8

Numa kammbikia kikuchu kya kipeeta, kawikapfo Urimu na Thumimu ipfo kikuchunyi kya kipeeta.

MAITALA 27:5

Mose kawika kiterewo kyawo oshangunyi lo Mndumii-Ruwa.

MAITALA 27:20

Mnengie kienga kya wuchili wopfo kundu mamiingifo fose fo Waisraeli wamwindie.

MAITALA 27:22

Mose kawuta chandu alewio nyi Mndumii-Ruwa. Naleira Yosua kamhoṟotsa oshangunyi lo mkohanyi Elieseri na mamiingi fose fo Waisraeli.

1SAMWELI 14:19

Sauli kechideda ado na mkohanyi, kituṟu kulyakiṟaṟonyi kya Wafilisti kikaengeṟeka ngoseṟa. Ko ikyo Sauli kawia mkohanyi, “Kudeyeng'u kulaendese isanduku lya mma.”

2SAMWELI 21:1

Kyasia kiheri kya wumangi wo Dawidi kulechapfo njaa ya maka iṟaṟu na kyenga. Kyasia Dawidi katerewa Ruwa mnu kundu nammbie nkiki kyatewa njaa iya. Kyasia, Ruwa kambia, “Ngapo ii yamuchea kipfa ili Sauli na oshari loke walewaha Wagibeoni.”

MALAKI 2:7

Kiwaṟi dumbu lya mkohanyi liwade wuṟango, wandu washihe wuwawaso dumbunyi lyake kipfa o nyi mngochi o Ruwa.

MAITALA 27:2

Kyasia, wanawo wose wakahendia Mose, wakahoṟoka oshangunyi loke na mkohanyi Elieseri na wasongoru wose wa mamiingi fo Waisraeli, osehu lo mongo fo ihema lyesanzia, wakahamba,

NGUMBUO YA MAWAWASO 31:3

Mndumii-Ruwa, Ruwa onu, nechimusongoya na ikombetsa mkambo ya wandu yekekaapfo, kundu muwade orukalo lowo. Yosua nechiwa msongoru onu chandu Mndumii-Ruwa alehamba.