MAITALA 25:2 - Bibilia Kui Mdedie fo Kimochi

² Wakawo wakalaha Waisraeli wahende iindia mfiri mnene yedasia maruwa hawo, nawo Waisraeli wakalya shelya na iindia maruwa hawo ha wongo.

MAITALA 25:2 ပူးပေါင်းရင်းမြစ်များ

1WAMANGI 19:18

Kyaindi njechida wandu shiku mfungade (7,000) wai na moo orukenyi lo Israeli, walalemehonerie Baali ma ikomba sanamu yake.”

SHIIMBO SHA DAWIDI 106:28

Wakakuwawa na Baali-Peori; wakalya shiinengo sheinenga wapfu.

IWUKA 20:5

kulashiindie manya ishiṟundia; kyamba inyi Mndumii-Ruwa, Ruwa opfo nyi Ruwa njiwode wunyenyi, njekewuwuya njonyamaṟo tsa wandee wa wandu ipfo ko wana wawo, mṟasa kishari kya kaṟaṟu na kya kaana kya iwo wanjisuo,

IWUKA 22:20

Mndu echishinjia ruwa lyo lyose kidaso, shile ko Mndumii-Ruwa o amonyi, mndu cho nawoho.

IWUKA 23:24

Kulaaramie maruwa hawo, manya ihaṟundia; manya kulawute chandu wekewuta, kyaindi nochiirumatsa nakamu, na ngo tsawo nochitsifunja shitumbuṟi.

IWUKA 32:6

Wakakure ngamenyi otuko wakalekia kidaso, wakaende mwano ya ofoṟo, wandu wakadamia ilya na inyo, wakakure washine.

YEREMIA 40:11

Kake wandu wa Yuda wawei orukenyi lo Moabu na kiidi kya Waamoni na orukenyi lo Edomu na njoruka tsingi, wekiicho ke mangi ya Babeli naweinengie momu wandu wa Yuda wengi wakae Yuda na ke nawewikie Gedalia mana o Ahikamu, mchuku o Shafani nawe mwuitoṟi owo,

HOSEA 9:10

Mndumii-Ruwa nyi ahamba le; kiherikyo njilekoya Waisraeli, nyi wawei cha msabibu fuwedoye kundu ko nuka; Kiheri kyo njilekoyana na waku wanu, wawei cha mbeu ya kuwoka ya mashidi ha msinepfu , kyaindi kiheri waleshika Baal-peori, wakalya mma yeindia Baali. Wakawa kindo kisuikie cha kindokyo walekikunda.

MIKA 6:5

Lanye wandu wako, kumbuonyi chandu Balaki mangi ya Moabu aleoka mtambo, na chandu Balaamu mana o Beori alemhaluo. Kumbuonyi shilya shilemuhoya njienyi kiidi kya Shitimu na Gilgali. Kumbuonyi mumanye mawuto hako hemukiṟa!”

1 WAKORINTO 10:20

Chi wudopfo. Kya shilya wekeshidasa nyi waishidasya wasatan manya chi Ruwapfo. Kya indi inyi njilakundi muwe wa kita kimu na wasatan.

NGUMBUO YA MAWAWASO 32:38

Maruwa hanu nkuwai, walya mlewainenga mwano yanu wakalya, wakanyo mvinyo yanu? Wakekureng'u wamutarame wulalu, waweng'u kidichionyi kyanu!

YOSHUA 22:17

Ngesa njonyamaṟo tsilya lulewuta kulya Peori tsishikie? Itsi lulalemeheṟemtso kyatso na chandu tsikeri ilisa wukiwa siṟi i ya Mndumii?

YOSHUA 23:16

Kokoya mowumbuya mawawaso hake na itehiya mma fulya mulie nao mukawoka iindia maruwa hengi na ihaṟundia, nyi wudo ng'u nyashi ya Mndumii-Ruwa yechimusokia muhende isaramaya ko oweṟe muwuke kunu orukenyi luilucha alemwinenga.”

YOSHUA 23:7

iki nyi kundu mulakusanze na wandu wa wa mkambo i iledeo kiidi kyanu, manya mlasende marina ha maruwa hawo, manya ilya nyamu ko maruwa ho, manya ihaindia, manya iharamia kyamu,

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.