MAITALA 24:9 - Bibilia Kui Mdedie fo Kimochi

⁹ Nechiwalayalaya wanda cha miso, nyiu echikaria imwamtsa Nawikio ona icho oose echimuwikia ona lanye Israeli, naseso icho oose echimusesa.”

MAITALA 24:9 ပူးပေါင်းရင်းမြစ်များ

MAWOOKIONYI 12:3

Na inyi njechiwikya ona iwo wekuwikia ona, na ichu mokusesa njechimsesa; na ipfo kopfo iyo mbaṟi tsa wandu wa masangenyi wose wechicha iwikio ona.”

MAWOOKIONYI 27:29

Mkambo ya wandu wakecha ikuṟundia Na mbaṟi tsa wandu wache ikuolokia nndenyi Nowe mndumii o wana wa mayo, Na wana wa mayo wakecha ikuolokia nndenyi Msa echikaa nakusese nao namsese Na msa echikuwikia ona nao nawikio ona.”

MAWOOKIONYI 49:9

Yuda nyi ialea lya miiso (simba) Kuwuka kilasionyi, mana oko, noledopfo. Nalearama kakulaṟa wanda cha miiso, Na cha miiso njika; nyiu echimwamtsa?

1WAMANGI 10:20

Kuwewode se sanamu tsa miiso 12 tsihoṟoki, imu mtsitsionyi fo orio kitengu. Kitima cha ikyo kilemesungusio kiidi kya Mangi ungi ose-pfo.

2MBONYI TSA MAHERI 9:18

Kidi kyo kya wumangi kiwewode ngasi tsiṟandaru, na kiwewodanyi nyi kidi kehekia madende, na handu hehekia mawoko ora lo kumoso na ora lo kulyo. Na kuwewode sanamu tsa muiso tsiwi tsiwehoṟoki imu mbai ya orio kidi kehekia mawoko,

ESTA 6:13

Kyasia Hamani kaongoya Zereshi mka oke na mbuya tsake tsose orio idedo lilemhoya. Zereshi na mbuya tsake wakambia, “Kokoya Mordekai chu omewoka idetsa kiṟumi kyapfo koke na nyi Myuda iyo ochimiidima pfo na umuindie na ioloka wanda oshangunyi loke.”

YOBU 41:10

Likaitsamuo, sa yechiwono meso halyo haaka-aka cha ilyi mnengeṟi fuido.

SHIIMBO SHA DAWIDI 122:6

Langienyi Yerusalemu ofoṟo; iwo wakukundi wahuyo;

SHIIMBO SHA DAWIDI 2:12

Wadenyi shilya shi shicha, kundu naladose nyashi modeka njia, kipfa nyashi yake yechiaka oweṟe, Nanga walya wekemdichilia.

IWUKA 23:22

Kyaindi koadanyia ṟu lyake lohi, na iwuta ishi shose njikeri ihamba; nlyondi inyi njechiwa mkituwa o wakituwa wapfo, na mtuuri o iwo wekekutuura.

YESAYA 31:4

Kipfa Mndumii nanjiwia adi, “Chandu kii ili mwiso foipete na ialea lya mwiso huya kichau kyalo kiwode, walisi wafoi wakalaho kundu wakape, kyaindi mwiso fochiowesho nyi maṟu hawo ma kipfa kya mtiṟi fowopfo; nyi wudo Mndumii menyi Matoṟito echisoka kundu nakapane shida huya fumvu lya Sioni, na huya sohu yake.

MIKA 5:8

Waisraeli wechiwinza wakituwa wawo na iwarumatsa piu.

MAITALA 22:12

Ruwa kawia Balaamu, “Kulahende na wanduwo, manya kulasese wanduwo cha kipfa wawawikie ona.”

MAITALA 22:6

Kenjo wulalu nowasese wanduwo kipfa kyako inyi kipfa wawode pfinya kota inyi. Kofia njechiidima iwawinga na iwafuna walaide na kunu orukenyi loko, cha kipfa njiichi ke iyo kowikia mndu mboṟa nekewada ona, kosesa mndu nekeseso.”

MAITALA 23:24

Ambuya! Waisraeli wamekure cha mwiso njika, wahoṟoka cha mwiso ya kisoṟo. Nyi cha mwiso ilekelaa mado itane yamarisa shindo shayo yawaaha, na inyo samu ya shindo shayo yawaaha.”

MAITALA 24:10

Balaki kawado nyi nyashi ing'anyi kya Balamu, kakunda imrundukia kui nyashi kambia, “Njilekulaha noche isesa wakituwa wako, kyaindi makambaha haṟaṟu kowawikia ona!

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

MATAYO 25:45

Nalyo echiwahaluo nahambe, ‘Nyi kya lohi ngambia, orio kindo kyose chando muleda mulawutya iwo watutu ya wose ma ichu umu-ho nyio inyi muleda mulanjiwutya.’

MAWUTO HA WASU 9:5

Nao kahamba, “Iyo nyi iyo wu mndumii?” Nao kahamba “Inyi nyio Yesu ichu okemterengya iyo.

NGUMBUO YA MAWAWASO 30:7

Mndumii-Ruwa, Ruwa onu, nechihaluo njosesotsi tsose tsihoye wakituwa wanu walya walemutuura.