MAITALA 24:6 - Bibilia Kui Mdedie fo Kimochi

⁶ Nyi cha mapichi hekeletseka mṟinga, cha mhunda mbai ya meda, cha mishubiri injidonge nyi Mndumii-Ruwa, cha mieresi mbai ya mṟinga.

MAITALA 24:6 ပူးပေါင်းရင်းမြစ်များ

MAWOOKIONYI 13:10

Loti kairia meso hake kawona pichi lyose lya Yordani, lyiwode mṟinga mandi Mndumii alawemekape Sodoma na Gomora, lyiwei cha mhunda fo Mndumii, cha oruka lulya lo Misri wohenda Soari.

SHIIMBO SHA DAWIDI 1:3

Nyechifanana na ikidi lilidonge Mbai ya soka tsa mṟinga, Lyekekumbia ndunda kui kiheri kyalyo, Maṟa halyo hechinaa malepfo; Orio kindo echikitana nyi kechiawukya.

SHIIMBO SHA DAWIDI 104:16

Mashidi ha Mndumii hameihuda mṟinga, mierezi ya Lebanoni aleidonga.

SHIIMBO SHA DAWIDI 45:8

Maṟao hapfo hapfaama manemane Na udi na mdalasinyi, ipfo mambenyi ha ndumba, shinanda shikuchihiṟie.

SHIIMBO SHA SOLOMONI 6:11

Njilesokia njauhenyi ya mashidi, kundu njiambuye njana tsa pichinyi; njiwone kokoya msabibu fometaṟawuo, Kokoya mkomamanga fomewuta shiwaṟo.

YESAYA 41:19

Ambuya njechidonga mashidi mecha kundu kui nuka ya msanga, na kundu kuhoye olele kulekealuka kindo kuwe mdemi mcha;

YESAYA 58:11

Nao Mndumii nechikusongoya mafiri hose; nechikuinenga kando handu halawode mṟinga, na iinenga mafuo hapfo pfinya, nochiwa cha dema linose, na soka ilekeumia.

YEREMIA 17:18

Wahutsio sonu wose wainjipfulutsa, indi inyi njilahutsio sonu. Wawado nyi wuowu wung'anyi, indi inyi njilaowuo noende huyawo, mkonu ya wukiwa nowarumatse wakombeke kombi.

YEREMIA 31:12

Wechicha wechiimba ko maṟu huya fumvu lya Sioni, wechiwona kiṟumi huya wucha woko, inyi Mndumii-Ruwa. Ko shilimu sha moo, mvinyo na mafuda njekemuinenga, ko machondi na mmbe da; ohendo lo moo yawo, yechiwa cha mdemi funose, manya fochipooka sepfo.

EZEKIELI 47:12

Ipfo mbai ya meda nyi kochioṟapfo mashidi ha shelya. Maṟa ha mashidiho hechiumapfo indi mashidi ho nyi hechikumbia ndunda kiheri kyose. Ambuya nyi hechiṟaa ndunda orio meri kyamba nyi hakeri iongia mṟinga fuwukie mbenyi ya Mndumii-Ruwa. Ndunda tsaho nyi tsechiwa shelya, na maṟa hayo nyi hechiwa mdi fochiṟa ndaṟe.

YOELI 3:18

“Kiheri kyo, mafumvu hechioṟa madema ha msabibu nhya, na mapo hammbe hechiwono shitonyohunyi hesotsa maruwa. Soka tsose tsa Yuda tsechisotsa mṟinga fufoi; soka yechiwuka hekalunyi lya Mndumii-Ruwa, na inosa pichi lya shitimu .

MAITALA 24:5

Mahema hapfo hachihiṟie kota lanye wandu wa Yakobo; ee-da, mfiṟiha yanu lanye wandu wa Israeli!