MAITALA 23:9 - Bibilia Kui Mdedie fo Kimochi

⁹ Kuwuka shitoṟomosonyi sha maho hang'anyi njiwawonyi; kuwuka huye ya mafumvu njiwasotsia meso, mkambofo fui kyanya kyafo fumenyi, fukuwonyi ke fulafananyi na mkambo ingi.

MAITALA 23:9 ပူးပေါင်းရင်းမြစ်များ

EZRA 9:2

Cha kipfa nyi walealika wanawawo wa kika na ialikia wana wawo wa kisoṟo waka wa kihenu. Koikyo wandu wa waele wa Ruwa odu nyi walesangana na wandu wa mbaṟi njihenu. Kindo kiwicho ngoseṟa nyi wanene wa Waisraeli nyiwo wasongoru wewuta mawichoho.

ESTA 3:8

Hamani kawia mangi Ahasuero, “Kuwode wandu wa Isanga liliwe warahanyikie nawo wai kiidi kya wuchili wopfo na isanga shose sha mangi. Wawode chile tsilafananyi na chile tsa wandu wengi, waminyie na wuwawaso wo mangi, ko ikyo kiwaṟi mangi naduane nawopfo.

IWUKA 33:16

Kokoya ulahenda na inyi na wandu wako, kechimanyika kuda ke njilewona osaṟio kyamunyi kyapfo, inyi na wandu wako? Kipfa kohenda naso, wandu wechimanya ke lufananyi na wandu wengi wa wuyana pfo.”

YEREMIA 46:28

kulaowuo iyo mṟundi oko Yakobo, kipfa inyi njii kimu na iyo. Njechirumatsa mkambo yose ya wandu walekunyanyaṟitsa kiidi kyawo, indi iyo njechikurumatsa-pfo. Nechikulachuo chandu uwaṟi, njechida njilakuhoṟuo-pfo.”

YEREMIA 49:31

Kure nohende isaṟikia mkambo fusiie moo, mkambo fui handu ha olele. Nyi inyi Mndumii-Ruwa ngahamba. Mkambo fo fuwode shichumi ma kai lya menya pfo; nyi mkambo fui kyaanya kyafo.

AMOSI 9:9

Kipfa, ambuyeny iwawaso na inyi njechiela mba ya Israeli kiidi kya mkambo fo wandu cha ili mndu aiela mbeke, indi kuwode mbeṟeheke manya imu yechioloka wandapfo.

MIKA 7:14

Ruwa, ringa wandu wapfo na olio lopfo, ringa iwo wa po lyapfo kumonyi iwo wai wawenyi, kundu ko ngeṟa wai waṟingichie nyi teri iwode sari. Uwalise na iwaringa chandu ulewuta ili mboko, kiidi kya Bashani na Gileadi.

2 WAKORINTO 6:17

Nkyo kimwitike muwuke ipfo kiidi kyawo mulekane nawo, lyo nyilyo Mndumii ahambye. Na kindo kifanyi ngafu ma mulakuwashe nakyo; na inyi njechimuambya koko.

NGUMBUO YA MAWAWASO 32:8

Kiheri Ruwa Mwitoṟi alehawia mkambo ya wandu masaa hawo, alehawia wandu, orio mkambo nalefuwikia mṟasa yafo

NGUMBUO YA MAWAWASO 33:28

Ko ikyo, wandu wa Waisraeli wakaka kipuo, luwa lya Yakobo kyaanya kyawo, orukenyi luichuo mso na mvinyo, oruka sa maloalo halo heketontsa mlewi.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.