MAITALA 23:5 - Bibilia Kui Mdedie fo Kimochi

⁵ Mndumii-Ruwa kainenga Balaamu madedo echideda na immbia nawuye na ko Balaki.

MAITALA 23:5 ပူးပေါင်းရင်းမြစ်များ

IWUKA 4:15

Na iyo nochideda nao, na iwika madedo dumbunyi lyake; na inyi njechikaa handu hamu na dumbu lyapfo, na handu hamu na dumbu lyake, na imulosha madedo mochiwuta.

MFANANO 16:1

Iṟeheṟa mbonyi nyi lya mndu o wandu; Indi iinutsya na dumbu lyawuka ko Mndumii.

MFANANO 16:9

Mrima fo mndu fokusaṟa njia tsake; Indi Mndumii nekesongoya njotende tsake.

YESAYA 51:16

Mndumii menyi Matoṟito nyilyo rina lyake. Ambuya ngawika madedo hako dumbunyi lyapfo, na inyi ngakuwika shia ria lya owoko loko, kundu njiwanze ngina na oruka luwade pfinya, na iwia Sioni ‘Nyo nyi wandu wako.’”

YESAYA 59:21

Mndumii ahamba, “Mumuyo foko fui huye yapfo na madedo hako hai dumbunyi lyapfo, hechiwuka dumbunyi lyapfo ma dumbunyi lya wana wapfo, ma dumbunyi lya wachuku wapfo-pfo, Mndumii ahamba, wokia inu itane mlungana.”

YEREMIA 1:9

Nalyo kudi Mndumii kahoṟuo owoko loke kapaya dumbu lyako; Mndumii kanjiwia, “Ambuya, ngawika madedo hako dumbunyi lyapfo;

MAITALA 22:20

Naho, Ruwa kachea Balaamu kio, kambia “Kokoya wanduwa wacha ikulaha, henda nawo kyaindi nowute ikyo njechikuwia.”

MAITALA 22:35

Kyaindi malaika o Mndumii-Ruwa kawia Balaamu, “Henda na wanduwa, kyaindi nochihambaho tupu ikyo njechikuwia.” Kyasia, Balaamu kaoshana na wasongoru walya wa Balaki.

MAITALA 23:16

Mndumii-Ruwa kakoyana na Balaamu, kamnengia madedo sa echihamba, kawemmbia, “Wuya na ko Balaki.”

MAITALA 23:4

Ruwa kakoyana nao. Balaamu kambia, “Njileteseheṟa rasio mfungade ngadasiaho ipung'a limu na isuwa limu ko orio rasio.”

MAITALA 23:6

Balaamu kawuya kakoya Balaki ahoṟoki alya alya kufui na kidaso kilya kyake kekoṟa, handu hamu na wasongoru wose wa Moabu.

LUKA 12:12

Cha kipfa Mumuyo Mwele nyio echimlosha saa iya tichi kindo kiwaṟi ihambo.”

YOHANE 11:51

Na ili alededa ado chi ipfo koke kwenyi liwewukyepfo. Kya indi nyiili awei mkohanyi ang'anyi o maka fulya adeda ado kechihamba kisuku kyeṟingishya ke Yesu ai mteṟye napfe kyekiṟa mkambo fu fowo.

NGUMBUO YA MAWAWASO 18:18

Njechiwasambuṟia mwikimbi cha iyo kuwuka kiidi kya wana wa mayawo; njechiwika madedo hako dumbunyi lyake, nao nechimuwia shose njechimuwawasia.