MAITALA 21:7 - Bibilia Kui Mdedie fo Kimochi

⁷ Kyasia wandu wakahendia Mose, wakambia, “Lomewuta wunyamaṟi lukanunuwia Mndumii-Ruwa na iyo daa. Terewa Mndumii-Ruwa naluwute njokatsi.” Nahong'u Mose katerewia wanduwo.

MAITALA 21:7 ပူးပေါင်းရင်းမြစ်များ

MAWOOKIONYI 20:17

Abrahamu katerewa Ruwa; nao Ruwa kakiṟa Abimeleki, na mka oke na masinga hake ha kika, nawo wakafee wana.

MAWOOKIONYI 20:7

Ko ikyo nowihiṟe mkachu o mndu wulalu kipfa o nyi mwikimbi nao nechikuterewia nokie. Indi koda kulambihiṟa manya kya lohi ke nochipfa iyo na wandu wose ui nawo.

1WAMANGI 13:6

Mangi kahaluo, kawia mndu ulya o Ruwa, “Terewa Mndumii-Ruwa opfo, unjiterewie, kundu njiwihiṟio owoko loko.” Mndu ulya o Ruwa katerewa Mndumii-Ruwa, owoko lo Mangi lukawihiṟo lukawa chandu luwei kuwoka.

2WAMANGI 13:4

Na Yehoahazi katerewa Mndumii, Mndumii kamwadanyia, kipfa nalewona matuuro ha Israeli, chandu mangi o Shami awewatuura.

YOBU 42:10

Yobu kekimaa iterewia mbuya tsake Mndumii-Ruwa kawihiṟia Yobu chandu awewode mawookioyi. Kamneenga kawi ko orio kindo awewode ilyi kuwooka.

YOBU 42:8

Ko ikyo duonyi mapung'a mfungade na masuwa mfungade, muhende ko mṟundi oko Yobu, muwute mwano fomanya modonyi kipfa kyanu. Na mṟundi oko Yobu nechimuterewia, na inyi njechiadanyia kiterewo kyake, na inyi njechida njilamuwutie kihiyanyi na wutondo wonu, kipfa mulededa kya lohi kinjiwaṟi chandu mṟundi oko Yobu alewuta-pfo.”

SHIIMBO SHA DAWIDI 106:23

Kahamba ke nechiwakombetsa, kokoya Mose, msambuṟe oke, alalehoṟoka kiidi kyawo na Ruwa kechiwaterewia, wawechirumatso nyi nyashi ya Ruwa.

SHIIMBO SHA DAWIDI 78:34

Lyilya alewawaha nylondi waweimshiha; wakawuya wakashiha Ruwa na pfinya.

IWUKA 10:17

Kyasia wulalu, ngamuterewa, njihoṟienyi wunyamaṟi woko kambalyi limu tupu, muterewe Mndumii-Ruwa, Ruwachu onu, nakenjiwuta opfu lu tupu.”

IWUKA 32:11

Mose katerewa mnu Mndumii-Ruwa, Ruwa oke kechihamba Mndumii-Ruwa, nki ili nyashi yapfo yaakya wanduwa wapfo ulewawuta kulya Misri, kui wuidimi wung'anmyi na kui owoko luwode pfinya?

IWUKA 32:30

Ilyi lya ngama Mose kawawia wandu walya, mulewuta wunyamaṟi wung'anyi mnu; na wulalu njehenda huye ko Mndumii-Ruwa kofia njiwike kisanza kipfa kya wunyamaṟi wonu.”

IWUKA 8:28

Farao kahamba, “Inyi njechimuinenga momu muhende, kundu mushinjie Mndumii-Ruwa onu kidaso, ipfo nuka; indi mochihenda haleshe mnupfo; kyasia njiterewienying'u.”

IWUKA 8:4

Na lyefurumia shilo sho shechikudoya iyo, na huya wandu wapfo, na huya waṟundi wapfo wose.’”

IWUKA 8:8

Nalyo Farao kalaha Mose na Aroni kawawia, “Terewenyi Mndumii-Ruwa, nakewuta ngeletsi kunu koko na ko wandu wako; na inyi njechiinenga wanduwa momu wakuhendie; kundu wawutie Mndumii-Ruwa kidaso.”

YESAYA 26:16

Mndumii, kiidi kya wukiwa wowo walehenda kopfo; waleterewa shiterewo shifoi mnu kiheri kilya ulewahoṟwo.

YEREMIA 15:1

Kyasia Mndumii-Ruwa kanjiwia, “Makokoya Mose na Samweli wawechihoṟoka oshangunyi loko na injiterewa njisaṟie wandu wa, njiwewasaria-pfo. Wawute iya oshangunyi loko. Waleke wakuhendie kowo.

YEREMIA 37:3

Mangi Sedekia kaduma Yehukali mana o Shelemia, hamu na mkohanyi Sefania mana o Maasela ko mwikimbi Yeremia, wamterewe nawaterewie ko Mndumii-Ruwa, Ruwa owo.

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;

MAITALA 11:2

Wandu wakafuhia Mose, nao katerewa Mndumii-Ruwa modo fukaruma.

MATAYO 27:4

Kahamba, “Ngamnyamaṟa lyandi njiledambika-ho samu ilai na mti.” Nawo wakahamba, “Nyi kii-se kida naso? Ambuya iyo kumonyi.”

MAWUTO HA WASU 8:24

Simon kahalwo kahamba, “Kenjiterewenyi nyo ko Mndumii-kundu isho ohamba shilanjihoye ma kimu.”

WAROMA 10:1

Ee-wo wanawawama, macha ha mrima hanjiwodye kyawo njiwaterewya ko Ruwa wahende wonyo okiio.

NGUMBUO YA MAWAWASO 9:20

Mndumii-Ruwa nalewesuose daa mnu nakamu kipfa kya Aroni, handu awekundi imkombetsa ko ikyo ngamterewia na Aroni kiheri na ikyo.

YAKOBO 5:16

Kyasia tochianenyi njonyamaṟo muwenyi-na wenyi mochiterewiana kundu muhende ichia. Iterewa lya mndu asumhanyi lyaidima kindo king'anyi liwe li-iwike na mrima msanze.

1SAMWELI 15:24

Sauli kawia Samweli, “Ngamewuta wunyamaṟi. Ngameleha wuikimbi wo Mndumii-Ruwa na iwawaso lyapfo, kipfa kya ili njileowuo wandu, ngawaindia wo.

1SAMWELI 15:30

Sauli kahaluo kambia, “Njilewuta wunyamaṟi. Handu hamu na ikyo, kenjidediaho kicha oshangunyi lo wameku wa wandu wako na Waisraeli. Kenjiinengawo momu njiwuye handu hamu na iyo njihende iindia Mndumii-Ruwa, Ruwa opfo.”