MAITALA 20:17 - Bibilia Kui Mdedie fo Kimochi

¹⁷ Hoi kelukuinengie momu lukuidie orukenyi, lopfo. Lochiteṟateṟa madema hanupfo, manya madema ha msabibu; manya lochinyo mṟinga fo maṟungu hanupfo. Lochiosha njia ing'anyi ya mangi luchumie lulechiambuya kulyo ma kumoso mṟasa kuwuke ipfo orukenyi lopfo.”

MAITALA 20:17 ပူးပေါင်းရင်းမြစ်များ

2MBONYI TSA MAHERI 20:10

Wulalu wandu wa Amoni, Moabu na wa fumvu lya Seiri, sa ulaleinenga wasahuye wadu momu fopufukia njoruka tsawo kiheri walewuka Misri, wakaidia mbai yawo walawarumatse,

MAITALA 21:1

Mangi imu Mkanaani o Aradi awekekaa kulya Negebu kekiwio mbonyi ke Waisraeli wakeri icha kui njia ya Atharimu, kahenda iwaṟingichia, kaduo, wawo maata.

NGUMBUO YA MAWAWASO 2:27

‘Luinenge momu lukuidie kunu orukenyi lopfo. Lochikuidia njienyi luhendelimu ko limu lulechiembeṟukia kulyo ma kumoso.

NGUMBUO YA MAWAWASO 2:28

Kelya kyadu lochihuṟa ipfo kopfo handu hamu na mṟinga fonyo. Kindo luikuterewa tupu nyi momu fokuidia ko madende orukenyi lopfo,

NGUMBUO YA MAWAWASO 2:29

luambade meda fo Yordani luide na orukenyi, ilo Mndumii-Ruwa, Ruwa odu ailuinenga. Luwa lya Esau wekeka Seiri na Wamoabu wa Ari waleluinenga momu fokuidia njorukenyi tsawo!’