13 Ifo nyi mṟinga fo Meriba, handu Waisraeli walenunuwia Mndumii-Ruwa, nao kakuloṟa kowo kui wuele.”
Kiheri kya kiwi kulenjilaha ngakuashuo; njilekuidikia kiidi kya mwowionyi fo ikuṟuṟuma; njilekuhesha kulya mṟingenyi fo Meriba.
Lanye wandu wako, adanyienyi, na inyi njechimuikimba; ewo Israeli, kokoya ochikunda injiadanyia;
Mlaumiṟe mrima yo yanu; cha kulya Meriba, cha mfiri fo Masa kulya nuka.
Kadumbuya rina handu halya rina nyi Masa, na Meriba; kipfa kya madedo ha wana wa Waisraeli, na kipfa kya ili walehesha Mndumii-Ruwa wechihamba, “Ngesa! Mndumii-Ruwa, nai kiidi kyadu ang'u ote?”
Indi Mndumii menyi Matorito ameṟumisho, kiidi kya mwanduye, na Ruwa-chu Mwele namwilishe kiidi kya wulohi.
Ngamemaa iwawuta ipfo njorukenyi muweṟaṟanyikie, kiidi kya mkambo fo wandu, njechimuambia, na iwasanyia sanyia, na rina lyako liele lyechihenda irumisho kiidi kya mkambo yo ya wandu.
Ambuya nyi njikeri ihenda iwihiṟia wuindi woko wuele rina li lyako mlelisalucha kiidi kya mkambo ya wandu. Kipfa kya ikyo mkambo yo ya wandu wechihenda imanya ke inyi nyi Mndumii-Ruwa. Nyi Inyi Mndumii-Ruwa menyi matorito ngahamba. Kyamba kipfa njechihenda iwaloṟa kiṟumi kya rina lyako.
Ambuya nyi okoyana na Waisraeli uwasokie cha ipuchi huye ya oruka. Kyamba njihenda ikuduma ukape oruka lu loko, nhondo wandu wechiwutaho imanya ke nyi njilekuduma iyo kundu njiloṟe wuele woko oshangunyi lowo.
kipfa nyo muwawi mulefunja wuhendeli wonu koko oshangunyi lo Waisraeli mandi muwei mṟingenyi fo Meriba, kufui na mṟi fo Kadeshi, nuka ya Sini, mkaasha iṟingishia wuele woko kiidi kya Waisraeli.
Kya kishari kya Lewi, nalehamba: “Hoi Mndumii-Ruwa keinenga Lewi oloho lopfo na Wu-Ruwa, oloho lopfo lo ruwehu ko wahendeli wapfo, walya kulewahesha kulya Masa.