MAITALA 20:12 - Bibilia Kui Mdedie fo Kimochi

¹² Kyaindi Mndumii-Ruwa kawia Mose na Aroni, “Kipfa kya ili mulanjiidikie inyi, manya injiwadia wuindi oshangunyi lo Waisraeli, kyasia kipfa kya ikyo mochiitsa mamiingifu fo wandu na kulya orukenyi njilemulia nyamupfo.

MAITALA 20:12 ပူးပေါင်းရင်းမြစ်များ

2MBONYI TSA MAHERI 20:20

Ili lya ngama, wakakure ngamenyi na otuko, wakahenda mṟasa kiidi kya nuka ya msanga ya Tekoa. Kiheri waweikure wahende, Yehoshafati kahoṟoka, kawawia, “Njiadanyienyi, nyo wandu wa Yuda na wandu wekekaa Yerusalemu! Idikienyi Mndumii-Ruwa, Ruwa onu, nanyo mochikutumuhaṟa. Muidikie waikimbi wake, nanyo mochihuyo.”

SHIIMBO SHA DAWIDI 106:32

Wakamrihinyisha kulya mṟingenyi fo Meriba, Mose kahoyo nyi ngapo, kipfa kyawo.

SHIIMBO SHA DAWIDI 99:8

Hoi Mndumii, Ruwa odu, nyi iyo kulewaloṟa kilya kii lohi; nowei kowo Ruwa ekyehooṟia, manya chandu kulewuwuya mawuto hawo.

YESAYA 7:9

na mdo fo Efraimu nyi Samaria, na mdo fo Samaria nyi mana o Remalia, mulakunde iidikia nyi kya lohi mochiwanga-pfo.”

YESAYA 8:13

Mndumii menyi Matoṟito nyio mochimtana Mwele; o nawe wuowu wonu, nawe moindio nyi nyo.

EZEKIELI 20:41

Ngamemaa iwawuta ipfo njorukenyi muweṟaṟanyikie, kiidi kya mkambo fo wandu, njechimuambia, na iwasanyia sanyia, na rina lyako liele lyechihenda irumisho kiidi kya mkambo yo ya wandu.

EZEKIELI 36:23

Ambuya nyi njikeri ihenda iwihiṟia wuindi woko wuele rina li lyako mlelisalucha kiidi kya mkambo ya wandu. Kipfa kya ikyo mkambo yo ya wandu wechihenda imanya ke inyi nyi Mndumii-Ruwa. Nyi Inyi Mndumii-Ruwa menyi matorito ngahamba. Kyamba kipfa njechihenda iwaloṟa kiṟumi kya rina lyako.

EZEKIELI 38:10

“Iyo Gogu! Nyi Inyi Mndumii-Ruwa ngahamba njidi: Ambuya mfiri fo fukashika nyiochiwoka ikusaṟa mahiyo mawicho mrimenyi fopfo,

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

MAITALA 11:15

Kokoya nyi wudi ochinjiwutia, nanga onjiwaha oweṟe lumu! Kokoya unjiwodie osaṟio ipfo kyamunyi kyapfo, kulanjide njiiṟiwane na wukiwawu woko.”

MAITALA 20:24

“Aroni nechipfa; echiida na kulya orukenyi njileinenga Waisraelipfo kipfa nyo muwawi mulepiṟa iwawaso lyako kulya Meriba.

MAITALA 27:14

kipfa mulaleindia iwawaso lyako kulya nuka ya Sinai. Kiheri mamiingi fose fulenunuwa kipfa kyako kulya Meriba, muleleka wawone kiṟumi kyakopfo.” (Meriba nyi soka ya mṟinga ya Kadeshi kulya nuka ya Sinai)?

MATAYO 17:17

Yesu kahaluo kahamba, “Mui mbaṟi ya wandu ilawode iidikya muhendye na mkika, akashika njekaa nanyo njishike indi? A njimduo njishike indi? Mendenyi na handu njii!”

MATAYO 17:20

Nao kawawia, “Nkipfa ili muwode mudo kiidikyo kyangu. Kifa nkya lohi ngambia, ‘Kokoya nyi muwode idikya ling'anyi cha mbeu ya haradali na mochiwia fumvu li, kure aa hando ukeri uhende alya. Nalyo na lyeteshuka. Naho ma kulekikaa-se ho kindo mlechiidima.’ [

LUKA 1:20

Kipfa ili kulaidikya madedo hako nyi ochiwa pipi kulechiidima ideda mtano noshike mkonu fulya kyechikaa kiwutike chando ngakuwia.”

LUKA 1:45

Wungusu icho alekuidikia shilya alewio nyi Mndumii ke nyishekaa shihoye!”

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

WAROMA 4:20

Indi alepfio nyi mdo kya kyaasa kilya kya Ruwa nade alakiidikyapfo, nyi elewanga wuidikinyi kechiwikya Ruwa mng'ano.

NGUMBUO YA MAWAWASO 1:37

Mndumii-Ruwa nalewenjisuuya inyi daa kipfa kyanu, kahamba, “Manya iyo Mose ochiida na ipfo orukenyipfo.

NGUMBUO YA MAWAWASO 34:4

Kiidima Mndumii-Ruwa kawia Mose, “Ilu nylo oruka lulya njileliia Abrahamu; Isaki na Yakobo nyamu ke njechiinenga luwa lyawo. Ngakuloṟa nowone na meso hapfo kumonyi, kyaindi iyo ochishikapfo pfo.”

NGUMBUO YA MAWAWASO 4:21

Kipfa kyanu Mndumii-Ruwa, Ruwa onu, nalenjisuo, kalya nyamu ke njechiambada meda fo Yordani njiide na kulya orukenyi lucha alemuinenga luwe masaa hanupfo.

YOSHUA 1:2

kambia, “Mṟundi oko Mose alemaa ipfa, koikyo kure iyo na wana wa Israeli, muhende iambada meda fo Yordani itane moida na orukenyilu njikeri imwinenga.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.