MAITALA 19:9 - Bibilia Kui Mdedie fo Kimochi

⁹ Mndu mheṟemtsu nechiira mafu ha mmbeyo nahaduo handu hecha nja ya mfiṟiha. Hechisuṟumo necha heṟundia Waisraeli wose isungusia mṟinga foheṟemtsa, mṟumo fosanja njonyamaṟo.

MAITALA 19:9 ပူးပေါင်းရင်းမြစ်များ

WALEWI 15:20

Kalaaya kindo kyose ai mletsane kechiteṟefuka; na orio kindo akidamilia kechiteṟefuka.

ZEKARIA 13:1

Kiidi kya mkonu fo, wandu wa mba ya Dawidi na wenyi mṟi fo Yerusalemu, wunyamaṟi wowo na ngafu shechisanjo nyi soka ya mṟinga.

MAITALA 19:13

Mndu mopaaya mnying'a fo mndu apfiie kada alakuheṟemtsa naterefutsa ihema lya Mndumii-Ruwa, nechiletsano na wana wa Waisraeli. Mnducho nechikaa aterefukie kipfa kya ili alaleolio mṟingafo foheṟemtsa.

MAITALA 19:17

Kipfa kya walya walekuterefutsa wechiira mafu ha mwano fohoṟia wunyamaṟi fulya fulekoṟo modonyi, mafuho haruwo na mṟinga fo medenyi kinungunyi.

MAITALA 19:18

Mndu sa amheṟemtsu, naire iande, numa naliwike ipfo mṟingenyi, kiidima naolie ihema na shihia shose shii ipfo ihemenyi na wandu wakeripfo. Naweoliase mndu alepaaya mafuo ha mndu, ang'u mbihu fo mndu alewooho ang'u alepfa opfu lungi, ang'u alepaaya kipfu.

MAITALA 19:3

Nanyo muiinengie mkohanyi Eliezeri mmbeyo Yechiitso na nja ya mfiṟiha ishinjo oshangunyi lo mkohanyicho.

MAITALA 19:8

Mnducho echikoṟa mmbeyo nao daa nechisanja nguo tsake na mṟinga na isamba kose na mṟinga, nao daa nechiterefuka mṟasa kyukanyi.

MAITALA 6:12

nao nawekuwika mshimbuo ko Mndumii-Ruwa kui mkonu yake yekuletsana na wengi. Mkonuyo ileida yechiitalopfo kipfa kya njui tsake tsiwei njishimbuo tsileterefutso. Nechiwuta kichondi kya kisuwa kya maka fumu kiwe kidaso kya mti.

MAITALA 8:7

Nyi wudi ochiwaheṟemtsa: waolie mṟinga foheṟemtsa numa nowawie wakuode njui mbihu fose, wasanje nguo tsawo na ikuheṟemtsa.

MAITALA 9:13

Kyaindi mnducho oose amheṟemtsu ang'u alai kyaṟo, kada alaichika mfiri mnene fo Pasaka nechiletsano na wandu wake, kipfa kya ili ada alanjiinenga mwano kui mkonu fo fumbaṟi. Kimbaṟi nakapo kipfa kya wunyamaṟiwu woke.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

WAEBRANIA 7:26

Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.

WAEBRANIA 9:13

Alewo kokoya samu ya oṟo na ya chau sanza na mtsiri fo taho nkoṟe sheolya wawode paṟi shekeilisha mndu shimbonye-se wukeha wo kii-nyama.