MAITALA 18:8 - Bibilia Kui Mdedie fo Kimochi

⁸ Mndumii-Ruwa kawia Aroni, “Njechikudambikia mwanoyo Waisraeli walenjiinenga, shindo shiele shose walenjiinenga: shindo shose Waisraeli waleshishimbuo. Ngakuinenga shindoshi shose iyo na luwa lyapfo shiwe kienga kyanu, ikyo kimuwaṟi mlungana.

MAITALA 18:8 ပူးပေါင်းရင်းမြစ်များ

2WAMANGI 12:16

Fesa tsilewuto tsiwei ndalai kui shiano, na fesa tsewuta wunyamaṟi tsilesanzo na tsilya tsa mba ya Mndumii-Ruwa pfo; itso wakohanyi waleinengo cha wueri wowo.

2MBONYI TSA MAHERI 31:4

Na ngoseṟa ya isho, mangi kawia wandu wa Yerusalemu waende shidaso sa shiwewaṟi ko wakohanyi na Walewi, kundu waidime ikuwuta ko iṟunda lya Mndumii-Ruwa maheri hose, kihianyi na mdumbuye fo Mndumii-Ruwa.

2MBONYI TSA MAHERI 31:5

Wuwawaso wo womewuto wandu wa Israeli wakawuta shiano shifoi sha mademenyi sha Ngano njicha, mvinyo, mafuda, wuki, na shindo shingi sha mbaṟi tsifoi sha mademenyi, na kenga kya ikumi kya orio kindo.

IWUKA 28:43

na Aroni na wana wake wechitsiṟaa, ili wechiida na ihemenyi lyesanzia ang'u ili wechicha na kufui na rasionyi injiṟundia kiidi kya handu haele, walashike ikudika wunyamari, wapfe; ili lyechiwa iwawaso lya mlungana koke o, na ko kishari kyake.”

IWUKA 29:21

Numa ira samuyo ii rasionyi, na mafudaho heshia, noletsie Aroni, huya maṟao hake, na wana wake, na maṟao hawo daa, hamu nao; nao nechiheṟemka, na maṟao hake na wana wake, na maṟao ha wana wake, hamu nao.

IWUKA 29:28

nasho shechiwa sha Aroni na wana wake kelya kyawo kiwawaṟi mkonu yose kiwukie ko wana wa Waisraeli; kipfa nyi kidaso keiria huye, nakyo kechiwa nyi kidaso keiria kiwukie ko wanawo wa Waisraeli; kiidi kya njodambiko tsawo na shidaso sha ofoṟo, nyi kidaso kyawo keiria kipfa kya Mndumii-Ruwa.

IWUKA 29:29

Na maṟao ho maele ha Aroni hechiwa ha wana wake ili numa, wahaṟae ili wechishio mafuda, na wechiwiko kiṟundionyi kiele.

IWUKA 40:13

Numa noṟike Aroni maṟao maele; na iyo nomshie mafuda, na immbika nawe mwele, kundu naidime injiṟundia kiidi kya iṟunda lya wukohanyi.

IWUKA 40:15

Na iyo nochiwashia mafuda chandu oshia ndeawo mafuda, kundu wanjiṟundie kiidi kya iṟunda lya wukohanyi; na ishiolyo lyawo lya mafuda lyechiwa nyi wukohanyi wo mlungana shisharinyi shawo shose.”

YESAYA 10:27

“Kake kiidi kya mkonufo mhanda foke fochiwuka kosohu kopfo, na ngowa tsa ikidi nzingonyi kopfo, na ngowa tso tsechinyamaṟo, kipfa kya ishio mafuda.”

WALEWI 21:10

“Mkohanyi oose ang'anyi kiidi kya wodoe, nao nang'anyie wodoe, nao namshie mafuda hakaletsio mdohu foke, kashimbuyo kundu naṟae maṟao maele, nalade njui tsake tsiwe owicho manya nalaranduo nguo tsake ikapa kilio.

WALEWI 23:20

Mkohanyi nechishiitsa oshangunyi loko Inyi Mndumii-Ruwa, shiwe mwano folekia fo kichano handu hamu na mkate fo shilimu sha kuwoka na shisuwa shilya shiwi. Shindosho shii shiele ko Mndumii-Ruwa. Nasho shechilio nyi wakohanyi tupu.

WALEWI 6:16

Na msofo fotsuhaṟo Aroni na wana wake wechifulya, fochilio fulamtarang'ashe handu haele; mfiṟihenyi fo ihema lyesanzia hondo wechifuliia.

WALEWI 6:18

Orio mndu msoṟo kiidi kya wana wa Aroni nechilyaho, nyi kiwasumhanyie mlungana ipfo shisharinyi shanu, kiidi kya mwano fo Mndumii fokesengeṟio kui modo; mnducho oose echifupaya nechiwa mwele.”

WALEWI 6:20

“Ishi nyi shiinengo sha Aroni na wana wake wechiinenga Mndumii, mfiri echishio mafuda, kilo kimu kya mso mmamiri, kiwe nyi mwano fo mso kiheri kyose, kienga kyafo ngamenyi, na kienga kyafo kyukanyi.

WALEWI 6:26

Mkohanyicho echiiseheṟia kidaso kyo kipfa kya wunyamaṟi nyio echikilya, kechiliiyo handu haele mfirihenyi fo ihema lesanzia.

WALEWI 7:14

Na kiidi kya isho nechiinenga kimuho kya orio mwano kiwe nyi kidaso keiria huye ko Mndumii, kechiwa nyi kya mkohanyicho echiolia samuyo ya kidaso kya ofoṟo.

WALEWI 7:28

Mndumii kadeda na Mose, kambia,

WALEWI 7:6

Orio msoṟo kiidi kya wakohanyi nechikulia kya mwanofo, yechiliiyo kiidi kya handu haele; nyi kii kiele mnu nakamu.

WALEWI 8:30

Numa Mose kaira mafuda maata heshia na samu iwei alya rasionyi, kaolia Aroni na maṟaonyi hake na wana wake, na maṟao hawo; koikyo naleshimbuo Aroni na wana wake, na maṟao ha wana wake, handu hamu nao.

MAITALA 18:9

Kiidi kya shindo shiele mnu nakamu sa shilekekoṟo modonyi, shechiwa shanu: mwano ya mso, mwano yewuto wunyamaṟi na mwano ya mti. Orio kindo wandu wechinjiendie cha kidaso kiele kechiwa kyapfo na wana wapfo.

MAITALA 5:9

Orio mwano fo kindo kyose kiele kya Waisraeli, wechiinenga Mndumii-Ruwa. Wechiendie mkohanyi, fochiwa foke.

1 WAKORINTO 9:13

Mulaichi ke walya wepfuṟukanya sha hekalunyi nyi wekelya ohawi luwukye kosho, na walya wedasya-ho shidaso nyi wekehawyo sha rasionyi?

NGUMBUO YA MAWAWASO 12:11

kyasiang'u handu Mndumii-Ruwa, Ruwa onu echisambuṟa helahia rina lyake, nyi hondu mochiduo isho shose njilemuwawasa: shidaso shanu shekoṟa, na mwano yanu, mwano yanu na shiinengo shanu mochishiende, mwano yanu, na shiasa shanu mochiwika sheinenga Mndumii-Ruwa.

NGUMBUO YA MAWAWASO 12:6

napfo kundo mochiduo shidaso shanu na shemaya modonyi na mwano yanu ya mbaṟi tsose, mwano ya kiteṟio, shenengo sha nnga, ya wana wawee, mahache ha mmbe na machondi hanu,

NGUMBUO YA MAWAWASO 18:1

“Wakohanyi Walewi, kishari kyose kya Lewi walawade ohawi manya kyoṟa ko Waisraeli. Wechilya ohawi lo mwano ya Mndumii-Ruwa.

NGUMBUO YA MAWAWASO 26:13

Numa nohambe oshangunyi lo Mndumii-Ruwa Ruwa opfo kudi: ‘Ngawuta kuwuka kanyi koko kiengaki kiele, ngainengya Walewi, wahenu, wangoeda na wakusu, chandu kulenjiwawasia njiwute. Njilemetehie mawawaso hapfo-pfo manya njilemehadimepfo.

WAEBRANIA 1:9

Ulekunda wuhoṟotsu kowesuo wumbafu. Nkyo kimarete Ruwa alekushimbuo, nyio Ruwa opfo kakushimbuo na mafuda hekapyo ngoru tsiidye waodoya wapfo.”

1YOHANE 2:20

Nanyo mshimbuo nyi fonu ifu fuwukye ko ichu ai mwele mukaṟanguo mui waichi mose.

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.