MAITALA 18:20 - Bibilia Kui Mdedie fo Kimochi

²⁰ Mndumii-Ruwa kawia Aroni, “Iyo ochiwona kioṟa kyo kyose orukenyi lowopfo, manya iwada ohawi lopfo kiidi kyawopfo; inyi njii ohawi lopfo na kioṟa kyapfo ko Waisraeli”

MAITALA 18:20 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

SHIIMBO SHA DAWIDI 142:5

Mndumii, njilekulaha ngahamba, nyi Iyo ui kidichionyi kyako; ohawi loko kiidi kya oruka lo wai na moo.

SHIIMBO SHA DAWIDI 16:5

Mndumii-Ruwa nyi ohawi lo kichau kyako, Na lo kirahu kyako Iyo nowade kuṟukuhya koko.

SHIIMBO SHA DAWIDI 73:26

Mbihu foko na mrima foko shitutia, kyaindi Mndumii-Ruwa nyi iṟaṟa lya mrima foko; na kyenga kyako mlungana.

SHILIO 3:24

Mndumii-Ruwa nyio ai kisa kyako, Koikyo nyi njimkusiriao tupu.

EZEKIELI 44:28

“Ambuya wakohanyi wawode momu fooṟa teripfo, inyi nyi kyoṟa kyawo; manya mlawahawie kindo kyose orukenyi lo Israeli, ohawi lowo nyi inyi.

MAITALA 18:7

Kyaindi iyo kumonyi na wana wapfo mochiwuta mṟumo yose ya wukohanyi kipfa kya rasionyi na isho shose shii handu haele. Ikyo nyikyo kimuwaṟi, kipfa njimuinengie kiinengo kya ukohanyi. Mnducho oose alawaṟi katikiria shihia sha ihemenyi, nechiwaaho.”

MAITALA 26:62

Iitala lya wana wa kisoṟo wa Walewi wawewode meri fumu na ngoseṟa wawei shiku makumi hawi na shiṟaṟu (23,000). Iwa waleitalo handu hamu na Waisraeli wengipfo cha kipfa wo waleinengo kioṟa kyose kiidi kyawopfo.

NGUMBUO YA MAWAWASO 10:9

Nkyo kimaduma kishari kya wandu wa Lewi wawode kioṟa kya teri iya orukenyi handu hamu na wana wa mayawopfo; kindo waleambia nyi wuindi wowa wakohanyi wa Mndumii-Ruwa chando Mndumii-Ruwa, Ruwa onu aleteṟia.

NGUMBUO YA MAWAWASO 12:12

Mpfondu mochichihio oshangunyi lo Mndumii-Ruwa, Ruwa onu, nyo na wana wanu wa kika na wa kisoṟo, waṟundi wanu na shisinga shanu, na Walewi wekekaa kiidi kyanu; kipfa walawode kioṟa kiidi kyanu.

NGUMBUO YA MAWAWASO 14:27

Mulahadime Walewi wai kiidi kyanu; wo wawode ohawi manya kioṟa kiidi kyanupfo.

NGUMBUO YA MAWAWASO 14:29

Iki kechiwa kipfa kya Walewi, cha kipfa wawode ohawi manya kioṟa kyawo kiidi kyanupfo, na wahenu, na wangweda na wakusu wekekaa kunu mṟinyi yanyu, wechicha ilya waihude. Wikenyi mudo nao Mndumii-Ruwa, Ruwa onu, nechimuwikia mboṟa kiidi kya maṟunda hanu hose ha mawoko mokeṟunda.”

YOSHUA 13:14

Mose alehawia oshari lo Lewi orukapfo kyamba shidaso shilya Waisraeli walewutia Mndumii-Ruwa, Ruwa owo shemaya modonyi nyisho ohawi lowo, chando Mndumii-Ruwa alewawasa Mose.

YOSHUA 13:33

Kyaindi oshari lo Lewi Mose aleluhawia kyoṟa kya orukapfo kyamba nyi alewawia kyoṟa kyawo nyi Mndumii-Ruwa, o Israeli.

YOSHUA 14:3

Mose nyi alehawia njoshari tsilya kyenga ora lo ngamenyi lo meda fo Yordani, kyaindi wana wa Lewi walehawio kindopfo.

YOSHUA 18:7

Kyaindi Walewi wechihawio kindo kyose kiidi kyanupfo, kyamba kyoṟa kyawo nyi wakohanyi weṟundia Mndumii-Ruwa. Gadi na Rubeni na kenga kya oshari lo Manase wo waleinengo ohawi lowo kulya ora lo kyukanyi lo meda fo Yordani. Mose mṟundi o Ruwa nyio alewainenga ohawi lu lowo.”

OTAMBAHALUO LO YOHANE 21:3

Ngaicho ṟu ling'anyi lyiuka ipfo loṟikenyi lo wuitoṟi lyechihamba, “Aika kanyi ka Ruwa awode hamu na wandu. Nao echitsinda kowo nawo wechiwa wandu wake. Nao Ruwa amonyi nyechiwa Ruwa owo.